في حاااجاااااات كثييييييييير ودي أتكلم عنها بس أول شيء ببدأ فيه حاجه إٍستغربتها بقوووووووووووه
ياقلبي ياحبايبي كثيييييييير فاهمين معنى كلمة رجيم غلط اللي تقولي رجيم كيميائي واللي تقولي رجيم البرتقال
انها تاكل بس برتقال واللي رجيم مدري ايش أنا نفسي أعرف إنتوا كيف تقدروا تصبروا عالشيء هذا ياأمي
ليش أحرم نفسي من الأكل الطيب كلي ولاتحرمي نفسك ولا من شيء
وربي ماورا هالرجيمات إلا الدمااار البشره تنعدم
لأنها ماتتغذى والشعر ينعدم وينشف ويتساااقط بشكل فظيييييييييع وبعدين روحوا لأقسام الشعر وإِشتكوا
شعري يتساااقط ألحقوني وروحي خذوا بالحبوب اللي تقوي ياناااااااااااااس بطلوا هالرجيمات وربي
بس تسيبيها كلها ترجعكي الدبل يعني حتقولي لو كنت بجسمي حق أول كان أرحم لي
وغير كدا الناس حيتريقوا نحفت ورجعت كل اللي تعبته وياحسااافة الجووع وأيااامه اللي راحت
هباااء منثوا ..
.وبعد ماتنحف ترجع تاكل كل اللي تبى وبعدها ترجع دبل وربي إني أكتب لكم هذا الكلام
لأني بعيوني شوفت كل شيء بنت خالتي حرمت نفسها من كل شيء عشان تنحف ونحفت ودحين اتزوجت وولدت
وتعالوا شوفوا كيف رجع جسمها دبل يعني لو كانت مثل أول كان أحسن لها ...
ياهووو في شيء في جسمكم جهاز اسمه جهاز الحرق هذا تعامليه كأنه إنسان إذا شافك حارمه نفسك من الأكل
يقوم هو يخزن من الدهون اللي في جسمك لأنو هو على باله انك عايشه في مجاعه فيخزن في الأكل زي الجمل
يخزن في السنام حقه لأيام الجووع عشان كدا كثيييير يجوا يسألوا اشبو جسمي وقف ولاعاد سار ينزل هذا هو السبب
ياقلبي لأنو الجهاز مهو راضي يحرق لأنك حرمتيه من الأكل ...
أنا قبل سنتين نحفت كثييييييير من جسمي أنا ماانتبهت لأني من الأساس ماكنت مسويه رجيم وولا حاجه وربي كنت
أبلع في الشوكلاته والحلا وخصوصا في الأعياد وآآكل كثيير بس كنت شيء واحد أسويه كانت حركتي كثييييييره
بس أتحرك يعني أحرق ولمن رجعت المدرسه الكل اتفاجأ بجسمي ويسألوني اش سويتي وأنا أحلف لهم ماسويت ولا شيء بس مشي بسسسسسس وكمان بعدت عن الإندومي والغازيات بسسس والسنه اللي بعدها قلت بنحف سرت أسوي تخفيفات وحرمت نفسي من حاجات كثييره ولمن شافوا صاحباتي جسمي قالوا لي نحفتي بس مو زي العام العام كان أكثر وللمعلوميه كل ماأكلتي كل مازادت نسبة الحرق بس مو معناته اننا ناكل دبل
أنا أمي اللي يحفظها ليا مع وفاة أبويا الله يرحمه سارت ماتاكل شيء وتعبت ولمن راحت للدكتوره قالت لها
كلي بس حاجات مسلوقه عشان صحتها دحين تعالوا شوفوها نحفت مرره حتى من تحت
وللمعلوميه ماتسوي رياضه وين تسوي رياضه وهيا نفسيتها تعبانه
وودي كمان أقولكم للي يحبوا ينحفوا خلي يوم خاص بس للخضروات ولاتاكلي غير خضار
بس يوم واحد تدرون ليش هذا اليوم تنظيييييييف للجسم هذا سمعته من الدكتور ..
عالعموم كلوا بس خففوا ولا ترحمي نفسك ولا من حاجه وهذا كلام الدكاااتره أحسن رجيم كلي من كل اللي تبغيه
لاتحرمي نفسك ولا من شيء بس خفيف عشان لمن تنحفي ماتكوني
مشتهيه الأكل اللي انحرمتي منه وتروحي تاكليه فتسمني لكن اذا أكلتي من كل شيء مارح يرجع جسمك ..
وأنا الحمد لله مارجع جسمي زي أول لأني من الأساس ماحرمت نفسي من شيء أنا هيا مشكلتي شيء واحد الأرداف
ودحين جاريه محاولات لتصغيرها بالمشي وياااااااااااارب تصغر ...
وغير حبوب التنحيف هذااا مرررررررررررررره إٍستغربت منه ياهوو انتوا تاخذوا حبوب بدون ماتروحوا عند
دكتور تسألوه اش الكلام هذا انتوا تعرفوا انو الحبوب هادي تخلي كل بطنك دود عشان كدا تنحفي
أكيد الكل عارف بقصة البنت اللي كانت بس تاكل الحبوب عشان تنحف ونحفت لدرجة انها وصلت
للعظم وتبى خلاص توقف وقفت لكن النحف مستمر ولمن راحت المستشفى اكتشفوا إنو
بطنها كللللللللللللللها دوووووووووووووود والدود كانت تاكل كل اللي تاكله وجسمها مايستفيد
ولا شيء
وهذا أفضل رجيم مافي زي كلام الرسول ..
قال صلى الله عليه وسلم : " ما ملأ ابن آدم وعاء شراً من بطنه بحسب ابن آدم أكلات يقمن صلبه فإن كان لا محالة فثلث لطعامه و ثلث لشرابه وثلث لنفسه"
هادي الحاجات اللي إٍستغربت منها ونصحتكم بها لأنو أخويا في الطب فدايما يحيكي عن الحاجا ت دي
عالعموم سوري عالإطااااله بس من كثر ماأحبكم وإٍستفدت منكم في حاجات كثييره حبيت أنصحكم ... سلام