حاجة مججننتني وأظن أنه مالها حل

نوع الدقيق
المكيال المستخدم(المفروض تستخدمين نفس المكيال لكل المقادير
درجة حرارة الفرن( تكون مناسبة ولاتحمرين من فوق الا اذا خلصتي من تحت)
كلها عوامل تساهم في نجاح المعجنات

شوفي عزيزتى اذا شفتيها لاصقة
زين طحين شوي مب مشكلة

لحد ما تستوي متماسكة

بالعكس لها حل من قالك مالها حل انا مدمنت معجنات000
شوفي اذا تعجني بيدك المويه لاتكبينها مره وحده يعني أخلط البيض والزيت والحليب والخميره خلاص ابدي نزلي الدقيق شوي شوي وأعجني الى ان تشوفيها قاسيه كبي شوي مويه وكذا مره دقيق ومره مويه الى ان تخلص الكميه من الدقيق والمويه خلاص خليك تعجنين 10 دقايق بدون مويه اذا تتلصق زيدي شوي دقيق بين اصابعك لاتكثري واعجني
اما اذا كانت قاسيه ولاتماسكت بللي يدك واعجني
والعجانه نفس الشيء
جربي وشوفي خذي طريقة العجينه لهند واشتغلي عليها (لأن كميتها أقل من العشر الدقايق بحيث لاوماضبطت تكون الكميه قليله
ولوأن عندي احساس إنك بتضبطينها 00
جربي واعطينا النتائج00

شوفي يا قمر هذي طريقتي في العجين وماراح تندمين
حطي بزبدية ملعقة خميرة وملعقة سكر ملعقتين حليب ربع فنجان شاهي زيت ورشة ملح وكاس ماء دافي تضرب بمضرب السلك وبعدين بنفس الكاس كاستين دقيق ابيض واعجنيها وطولي بالعجن يعني 10 دقايق وعلى طول احشيها لا تتركينها تخمر بس وانت تفردين حطي دقيق وصدقيني راح تدعيلي ولا ترقينها مرة وانت تفردينها ولا اذا بترقينها خليها تخمر في الصينية بعد الحشو

ورديلي

الله ياجزاكم خير أخواتي
بنات حواء
ويلوموني دايم في حبي لكم
راح أستخدم الحين طريقتك ياأختي hh-29 لأن الطحين كاسين أقل من العجاين الثانية والله
أستحيت من كثر ماأقول جيبو طحين الطحين خلاص
وهم أيهاوشوني ماشفناك صلحتي شي
وهم مايدرون إني كل يوم أسوي كرواسون وبيتزاء وفطاير بس المشكلة
أن مصيرة الزبالة لأني أستحي أقدمها لهم
متحطمـــــــــــــــــــــــــــــــــــــــــــــة
بعدين بنات أيش أحس شي أمسح به وجه الفطاير من شان أيصير لونها نفس المطاعم