السلام عليكم ورحمة الله وبركاته
جيت وجبت معي سالفتن مرعوبة منا بـ الحيل :(
سمو علي تراني بروعتي الى الحين
العلم يالطيبين ومافيه اني قلت ابسوي ذربه واساعد امي بالفطور
<< امها دايم تقول يالرفلا يالرفلا قلت اثبت لها اني ذربه
طبعا ً الثقافه بالمطبخ زيرووووووووو التفت يمين وش اسوي وش اسوي
لقيت اسهل شي صينية التوست بالدجاج الله لايعودها
طبعا ً الدجاج ثلج لو تفلق فيه كافر اسلم والساعه 4 ونصف والفطور ماعاد عليه شي قلت
من زود الذرابه اختصر الوقت واسلق الدجاج بقدر الضغط وياليتني ماحطيته فيه
معي اللاب توب في المطبخ يوم سكرت قدر الضغط وجلست عرفت ان شغلي الله بالخير ومهوب
مضمون واول مره استخدم قدر الضغط>> صارت تحقد على قدور الضغط كلها وتكرها صار عندها
رهاب مدري شيزوفريينيا من قدور الضغط
المهم تسن قليبي حاس طلعت جهازي من المطبخ ورجعت يقال ابسوي التوست بالصينيه توني قاعده الا
نافوره من المرق الساخن مدري وين جت منه نسيت قدري ودجاجي جيت انحااااااااش ماعاد امداني
النافوره تصب بقوه وبيني وبين الباب وانا احوووص والارض الله يكفينا شر نار جهنم صارت تغلي من
نافورة المرق وكنت ابحل الموضوع قبل تشوف امي وتعطيني لقب الرفلا بوسام وختم ماقدرت كل
محاولاتي فشلت وانا شوي اتوزا بين الثلاجه والجدار وشوي اناقز على المطبخ ارفع رجولي عن
المرق لقيت الموت حار قعدت اصرخ
نسيت اعلمكم اخواني الصغار يطالعوني وانا اقحص من قرنه بقرنه بالمطبخ وماحركوا ساكن يتفرجون
الظاهر يحسبونه فيلم كرتون ويضحكون وانا دميعاتي اربع اربع وشويشتي طايره من الهبله وقعدت
اصرخ واقولهم نادوا امي ولا ابوي والا المطافي المهم جت امي وابوي استبسل وسكر الفرن وفتح
القدر ومن حر المرق ابوي وقف على الفوطه حسيت وقتها اني بطله وانا امشي على مرق حار مغير
اطامر
ونصيحه لكل ربة بيت :انا اكتب لكم وانا اون واطن في غرفتي اداوي اصاباتي.. لحد يقرب قدر الضغط
وانتظروني بـ اسدح لكم سالفة ثانيه لاتفوووتكم ترى والله تعبانه عليها والله ماتردون
ياقردكم اللي ماتنسون :angry2: <<<:icon33:
يلزم عليك تسجيل الدخول أولًا لكتابة تعليق.
حبيبه امها وابوها
•
يصلمو على المرور روحي شوفي القوصه سدحتها هناك ههههههه
ههههههههههههههههههااا
انا الي بعطيتج لقب و وسام الرفلا
الله وعلم انا عندي دولاب ممتلء بوسام الرفلاء
انا الي بعطيتج لقب و وسام الرفلا
الله وعلم انا عندي دولاب ممتلء بوسام الرفلاء
درة 2007
•
الحمد لله على سلامتك
الحين امك تقول عنك رفلاء وتستخدمين قدر الضغط مرة وحدة الله يهديك لا تميلحين ثاني مرة الرفالة ولا الحرق والإصابات
الحين امك تقول عنك رفلاء وتستخدمين قدر الضغط مرة وحدة الله يهديك لا تميلحين ثاني مرة الرفالة ولا الحرق والإصابات
خخخ
اتخيل شكلك وانتي تطامريـن
بس عادي وسعي صدرك
<< الأخت ماخذه شعار الرفلا مع مرتبة الشرف خخخ
اتخيل شكلك وانتي تطامريـن
بس عادي وسعي صدرك
<< الأخت ماخذه شعار الرفلا مع مرتبة الشرف خخخ
الصفحة الأخيرة