حالة مستعجلة >>بشرتي.. رموشي.. حكة ؟!؟!؟

خذي صابونة كلير فيس من سيباميد مره حلوه للوجه اذا فيك حبوب انا كان عندي حبوب ماتنتهي تروح وحده تطلع ثلاث وحالتي حاله يوم اخذتها صفت وجهي ونسيت الحبوب الحمدلله لانها تحاربها قبل تطلع ان شاءالله
وبشرة جسمك عليك بالسنفرات والترطيب اذا ماتحبين الترطيب على جسمك زيي رطبي بزيت الزيتون ثلاث مرات في الاسبوع قبل النوم والصباح تتروشين ترطيبه عميق واطلق من كل المرطبات سبحان الله والمنطقه الحساسه خذيلك سودو كريم حق حفاظات الاطفال روووعه مو بس يروح بالحساسيه يفتح المنطقه وحتى الركب يفتحها انا فتحلي ركبي وشعرك قصي اطرافه وخذي فاشكول بالثوم حلووو وخذي بديل الزيت من غارنييه واهم شي في العنايه الاستمرار وان شاءالله البنات بعد مايقصرون معك

سبحان الله وبحمده سبحان الله العظيم

حروووووووووووف الله يفتحها بوجهك وينورلك طريييييييييييييييييقك

شوفي ياعمري اول شيء قبل لاتسوين برنامج ..
سوي تنظيف لبشرتك يعني بخار اول شيء ثم سنفره ناعمه ثم ماسك

بعدها خليه روتين يومي
من التموينات حليب جوز هند سايل ريحته تجنن زي ريحة البونتي .. وحطيه ودلكي فيه بشرتك لمدة 5 د واتركيه 5 د ثانيه مره او مرتين باليوم
استخدميه ع وجهك ورقبتك والهالات ممتاز جدا ترطيب وتنعيم وتفتيح لان يحتوي ع مضادات اكسده ومره رهيب هالحليب طاحوا الان فيه بنات يسسون فيه صابونيه باستقرام يبيض جد وتفرقين ببشرتك من اول يوم


استخدمي غسول لوريال وايت بيرفكت والتونيك حقه المفتح والله اتعب وانا اقول رووعه جدا رهيب ..

جيبي لك من الصيدليه كريم مفتح وامن ارشح لك كريم الفا بلاس من شركة افالون مره مجنوون هالكريم اتعب وانا اقول رووعه يعطي بياض ونعومه
يحتوي ع الالفا اربوتين وفيتامين سي
تستخدمينه ع الاجزاء السمرا والتصبغ زي الوجه اليدين الاقدام الركب او المنطقه الحساسه
وممكن تخلطينه مع خلطه تفتيح لو حابه اعلمك عليها بس مكلفه شوي لكن تعطي تفتيح من درجتين ل 4 درجات ..
اذا متوفره عندكم بالعطارين او محلات الفلبين صوابين الجلوتاثيون جدا ممتازه استخدميها لوجهك وجسمك ورطبي بعد الاستحمام بلوشن جلوتاثيون من سكين وايت ..

قبل الاستحمام بساعتين او 3 استخدمي هالخلطه
جليسوليد العلبة المتوسطه اخلطي معها اي لوشن مفتح مثل فيتامين سي او فازلين الوردي او لوشن جلوتاثيون وهذا الافضل
معها ليمونتين معصوره وفنجال قهوه صغير زيت جلسرين ونصف كاس موية ورد حطيهم بالخلاط لين ينخلطون واحفظي العبوه بالثلاجه وقبل الاستحمام دهني فيه جسمك كله م عدا المنطقه الحساسه بس بين الافخاذ مايضر
واتركيه اقل شي ساعه ثم تروشي بصاوبونه مبيضه
استخدمي سنفرة العروسه 3 مرات بالاسبوع والله اتعب وانا اقول تهبل تبييض حيل مع الاستخداام وتوحد اللون
ولو وجهك مو حساس استخدميها له كل التصبغات تمحيها بظرف شهر بس شرط الاستخدام لمدة 3 ايام بالاسبوع
وقبل هذا كله لازم العنايه الداخليه لازم
الصباح اول ماتصحين كاس مويا فاتر معه ملعقه عسل طبيعي
او عصير برتقال طازج مع نص عصير ليمون
او كاسين كبيره مويا فاتره معها ملعقتين موية ورد الاصليه
وتجلسين ساعه ماتاكلين شي لازم عشان يتنظف جسمك من السموم ..

شعرك ادهنيه بحليب جوز الهند وسوي مساج ع الفروه ممتاز لانبات الشعر وتطويله وتنعيمه ولو شعرك جاف ضيفي له ملعقه زيت خروع وملعقه زيت جوز الهند النقي زي زيت براشوت القديم اللي علبته قديمه مو الجديد لان الجديد مقلد ..
حاولي بين الوجبات تشربين عصير طماطم طبيعي او عصير بقدونس ..
لو تستمرين ع البرنامج شهر بتتغيرين وبتفرقين عن اول بس اهم شي واكرر لو ماتهتمين بنظامك الغذائي وتعدلينه وتكثرين شرب مويا وعصاير فرش ماراح تلقين نتيجه ملموسه ..

اذا عندك ميزانيه وتقدرين تطلبين من برا او اون لاين شوفي مواضيعي ترا بتفيدك والله فادت كثير بنات اعرفهم ومن جماعتي وتغيروا حيل حيل
وهي كلها عن العنايه بالبشره بس موب اي عنايه ..

موفقه

بالنسبه للحكه حاولي تشطفين المنطقه الحساسه بمنقوع الحبه السودا لانها شفاء لكل داء..

اتذكر مره جتني حكه وماداوها شي غير الحبه السوداء
والطريقه اجيب لي مويه نقيه واغليها طبعا المقدار كاس مويا 300 مللتر
بعدها اصبها بكاس واضيف عليها حبه سودا مطحونه مقدار ملعقه اكل ثم اغطيه واخليه لين يصير دافي اصفيها واشطف فيها المنطقه الحساسه كدش خارجي..
مرتين باليوم
والله من ثاني يوم الحكه بدت تخف ومن 3 يوم راحت ..

ايه ذكرت حاجه لازم كل مره تسوين هالطريقه اقصد انك تغلين مويه وتحطين عليها الحبه السودا لان الحبه السودا فيها زيوت طياره وهي الماده الفعاله في هالزيوت والافضل انك لكل مره تستخدمين واحد جديد عشان تستفيدين ..

يمكن لو تروحين لدكتورة نسا افضل عشان الحكه لانه الصيدلي ما راح يعرف ايش المسبب لها الدكتوره هي الي يمكن تعرف