حالتي النفسيه زفت والسبب اهل زوجي

مرحبا كيفكم
ان شاء الله طيبين
المهم
انا متزوجه ليا 5 شهور وكنت مخطوبه لسنتين لزوجي المهم في السنتين دي والله ما اكدب عليكم اهل زوجي حتى في بيتنا اتريقو عليه للعلم بيتنا منسق ولله الحمد
مع اني لما جيت عندهم البيت <<< طبعا انا ساكنه عندهم وليا بس غرفه حتى الحمام مشترك
والله بيتهم مو هديك النظافه والا العفش والله اقل اقل اقل من العادي وحتى الخيوط اللي في الاقمشه طالعه
المهم
وانا كنت مخطوبه والله انواع التجريح بس كنت اسكت عشان انا وزوجي نحب بعض
وكانت تقولي انتي حرمتيني ابسط حقوقي اني اختار لولدي عروسه <<< المشكله اللي كانت تبغاها لولدها اتزوجت وما طلت فيهم وهيا تكون بنت اختها
ولا دايما تمدحها قدامي وكنت اسكت واقول في نفسي ما عليه انا واثقه في نفسي
ولا كانت دايما هيا وبناتها تتحرش فيني بالكلام وكنت اسكت عشان طبعآ زوجي
ولا واحنا لسه مخطوبين كانو يقولو ليا تري غصبا عندك بتسمي ولدك ..... اسم ابوه وطبعا ما رديت لاني انا حره بتسميه عيالي وزوجي وعدني بعد كدا انو مايسمي زي كدا
ولا بعد مرتين ما زارونا ببيت اهلي جت المره التالته بتزورنا جدته عشان بتشوفني وقبل ما يجو بيوم ام زوجي اتصلت عليا وتقولي امسحي جدران بيتكم والكنب هدا حطيه هنا وهداك هناك وشيلي هدا وحطي هدا وانا:06:
بس برضو سكت وحطيت حرتي في خطيبي
ولا بعد فتره انا قرفت وفسخت خطوبتي تخيلو دقت عليا لانو زوجي طلبها انو تطيب خاطري عشان ما افسخ المهم قالت ليا وهدا وولدها طالبها تطيب خاطري قالت ادا ما تبغي ولدي عادي اهم شي طقم الذهب حق النظره جيبيه وافسخي بكيفك انا بعدها خلاص وصلت معايا وقلت لخطيبي الطقم خده وعلى الجزمه كمان مع انو الطقم من حقي حق النظره
وهدا والله نقطه من بحر
ويوم الملكه تخيلو ما دقو يباركو ليا بس مع نفسهم ويوم ملكتي خلوني ارجع من حفلتهم وانا ابكي وحده من اخوات زوجي علت صوتها وقعدت تزعق على ماما وقدام زوجي وزوجي ما سوى شي بس انا بعد الحفله بكم يوم ارسلت لها رسالها وهزئتها وسبيت تربيتهم
المهم ابوه زعل ليش سبيت تربيتهم وعشان زوجي اتصلت واعتذرت واشياءكتيره وفي يوم الزواج عاد وروني العجايب بس قلت خلاص انا اطنشهم حتى السلام ما اقولو لهم
بس طبعا عشان زوجي صرت اتكلم معاهم وعادي بس صارو يضايقوني من تحت لتحت واللي قاهرني زوجي يقولي عادي انتي مكبره الموضوع ويقول هدي امي ايش اسوي لها ودحين انا بطلع شقه لحالي بس حتكون ظروفنا مره زفت ولله الحمد والمشكله اللي ابغى لها حل لنا ماني قادره انسى اللي سوه فيني وكل ما صارت مشكله والسبب هما اطلع القديم كلو وطبعا زوجي مو عاجبه بس والله تعبت واحس كانني بديت اكره زوجي وكمان قبل كم يوم اختي كانت عندي وشغلت اغنيه في الاب توب قامت اختو دخلت الغرفه حقتي وقالت لاختي معليش قفلي الاغاني عشان بابا موجود وابوهم مطوع بس يتفرج التلفزيون ويشوف افلام mbc 2 نفسي اعرف كيف مطوع بس من ناحيه الاغاني وانا قلت الين هنا وكفايه حطلع بيت لحالي بس لو طلعت حتكون الماده ضيقه علينا وندور شقه غرفه بصاله ومنافعها بحدود 900 ريال واللي حيبقى من الراتب 500 ريال بس ما لقيت ولقينا بس يقول ما ياجرو لسعوديين وللامانه والله زوجي طيب ما شاء الله عليه بس عند اهلو يسكت انا ما ابغاه يصرخ عليهم بس ابغاه يفهمهم انو راحتو من راحتي وانو حيزعل عليهم لو ضايقونا <<< بس للتخويف لا اكتر
تكفون ادعو لي وشورو عليه