حالتي بعد الولاده

بسم الله الرحمن الرحيم

انا والده لي اربع شهور من اول اسبوع من الولاده جتني حاله اسهر وافكر ولا ابي الاكل وكنت اخاف كثير وكنت احس اني مو مع الناس لدرجه اني كرهت وجودي ببيت اهلي واول ما تميت 12 يوم رحت لشقتي احس اني كنت اهرب من كابوس مخيف والحاله ماراحت بس اقل شي خفت شوي وبعدها زادت اكثر من اول لدرجة اني بس ابكي من كثر الافكار اللي شيبت براسي ذبحني السرحان والوسوسه رحت لكذا مطوع ولا شفت شي اخرتها يابنات رحت لدكتور نفسي ااه ماكنت اتوقع بيوم اني اروح له
وبعد ماجيته وسألني كم سؤال قال ان اللي معي هو اكتئاب مابعد الولاده
معقوله هذا الاكتئاب تكون اعراضه كذا!؟
وصرف لي حبوب نوعين واستمريت عليها اسبوعين كنت بس احس اني مبنجه ولا اشوف ان وضعي تغير وتركتها يوم قربت اطلع الاربيعين كان عندي امل ان حالتي تتغير لان كنت اقول اذا طهرت اقدر اصلي مع ان ماكان فيني حماس اني اصبغ وانقش واسوي اللي كل وحده تطلع من النفاس تسويه
بس كنت اغصب نفسي للروحه للصالون
واني اهتم بنفسي شوي حتى يابنات من ناحيه الادويه وقت النفاس والله ماسويت شي وكنت خايفه من الخراب ومخايطي مااهتميت فيها
وبعد ماطلعت الاربعين حالتي ماتغيرت
وصرت بس حابسه نفسي ب البيت لاني اصلاً ماابي الطلعات
الحين مثل ماقلت لي اربع شهور وحتى بنتي مافرحت فيها للعلم انها البنت الثالثه
وصحيح اني كنت متأمله انه يكون ولد ويمكن يكون بعد هذا له علاقه باللي صاير معي بس حالياً راضيه باللي كتبه لي ربي

شورو علي يابنات من صار لها مثلي
وتتوقعون هذي نفس او انه مثل ماقال الدكتور انه اكتئاب مابعد الولاده
انتظر ردودكن يا اخواتي