الفارعة

الفارعة @alfaraa

محررة برونزية

حال الأسر السعوديه في يومين الخميس و الجمعه

الترفيه والتسلية

بسم الله الرحمن الرحيم
حال الأسر السعوديه في يومين الخميس و الجمعه
بالبدايه نص رسايل الجوال من العصر

1_جب خبز
2_جب زبده
3_جب دريم ويب
4_جب وجب وجب وجب وووو.......... اخ

وبعد العصر ينقلب البيت استاذ الملك فهد



بزران فوق الثلاجه



بزران فوق الخزان



بزران تحت السياره






سته يلعبون كوره وكل ما كسرو لمبه صاحووواااا (قزاز .. قزاز ..البسوا نعال)






بزارين توهم يمشون كنهم بطاريق تلقاهم في كل مكان






ودك تجيب لك كرتون تايد وتحطهم فيه وتفتح لهم فتحه للنفس وعلى سوق الحمام على طول






وكله كوم واذا جاك بزر يتفل






تسلم عليه ..... يتفل


تهاوشه ..... يتفل


تطقه .... يتفل


يروح لامه يصيح .... يتفل عليها










ولا اذا جاك ثنين اخوان يتلاعنون


الاول يلعن ابوك..


يرد الثاني يلعن ابوك انت...






واذا دخلت للبيت ..تبدأ استقبال الشكاوي






اول الوراعين






_شف هذا يطق






_تعال عقل ذا






_ويبدأ الحف عاد... والله فلان وهاذا والله فلان الحلف عادي عندهم






ثانيا الحريم






شف فلان تراه سوا كذا وكذا... والمسكين يقعد يصيح خايف






ولا واحد من خلاتك ولا خواتك ولا عماتك تأكل ولدها وهو ماوده ياكل وتقول تعال شفه ما ياكل<<< وانا وش دخلني فيه






والابو جالس في المجلس وجادع الشماغ ويصايح حطوووو العشااااااا






وبعد العشا


رز في كل مكان في البيت


حتى جيوبك تلقى فيها رز






وبعد العشا خلاص يبدا الصراخ الامهات على عيالهم ويييييين نعالك ابوك عند الباب وبعد مايلاقي نعاله تبدأ سخافه البزران










حبشه حبشه ( حله حله ) ودروان في الشارع والابو ياولد وخر عن السيارات تعال اركب والمبزره شغاله حبشه وحبشه










وبكذا ينتهي يوم اليوم وتنتهي السالفه :icon28:









13
1K

يلزم عليك تسجيل الدخول أولًا لكتابة تعليق.

تسجيل دخول

ام ليان وريان
ام ليان وريان
هههههههههههههه والله وصف دقيق يسلمووووو
اميرة العصور
اميرة العصور
هههههههههههه
يسلموووووووو
غرامي ذبحني
غرامي ذبحني
هههههههههههههه

والله صدق هذا اللي يصير ,,

الله يعطيك العافيه ..
غلا الرياض***
غلا الرياض***
هههههههههههههههههههههههههههههههه
%مهاوي%
%مهاوي%
هههههههههههههههههههههههههههههه
والله كانك عندنا في هاليومين