حال البنات في الباص غريب وعجيب

يعني مثلا


وحدة ناااايمة واللي بعدها بين الحياة والموت

واللي بعدها باربع بنات بنتين يتكلمون (مني وشوشو)
مني: امي قالت حق خالي فيصل ود بنتي السوق
شوشو قلتي خالك هذا مسافر لندن
مني: لا اللي مسافر هو خالي محمد
شوشو: معرفتها على اسماء العائلة الكريمة



ومن جهة نجد الشاطرات وإللي يحبون العلم (صباح وسميرة)
صباح: الامتحان النحو صعب اليوم !!
سميرة اللي يسمعج يقول ماتاخذ علينا الاول اقول واللي يعافيج
اكرمينا بسكوتج
صباح :والله..صعب ماعرفت الاعراب انا شكيت هو (جار ومجرور) ولا (مجرور وجار)>>انه اقول نفسها


ومن جهة أخرى نجد بنات النت...(حصه وامل)
حصه: امس دخلت المنتدى وما لقيتج شوة فيج؟
امل :انا داخلة لكني مغيرة اسمي
حصه: ليش غيرتيه
امل: مزاجيييييييييي !!
حصه:أنزين وليش ما تردين على مواضيعي؟
امل: واللة ما حد قالج تحطين هاي المواضيع التافهه
وبع القهر حاطينج مشرفه على شوة ما ادري ههههههههههههههه ( وأستوت الضرابه ما بينهم )



وفي مؤخرة الباص نجد الفن والطرب... (منال وثريا)
منال: ماشفتي الحلقة الأخيرة من المسلسل أمس !!
ثريا:إلا بااااايخه !! ما توقعت تكون هاي النهايه !!!
منال: هيه صح ما كان لها داعي
ثريا : اليومبيي مسلسل حلو واااااايد
منال:لا المسلسل اللي راح يجي اليوم قديم أنا تابعته!!


وبجانب بنات الفن..نجد بنات البلاي ستيشن.. ( مها وبدور)
مها: اللة ياخذ شركة كونامي مانزلت (سايلنت هيل 4)
بدور: صادقة..ماشاء اللة على شركة كابكوم تنزل ديسكاتها بسرعة
الا هالمرة مانزلت(رزدنت إيفل زيرو) مايخالف يقولون لكل حصان كبوه>> حلو مطابق هالمثل
تتوقعين يكون فيه (التايرنت)
مها:احتمال لان(البرت ويسكر )فيه
بدور صدق..!!؟؟!!
مها:ايه..قريت مذكراته ويقولون انه فيه...



ومجموعة ثانية تتكلم عن الطبخ ( فايزة وفاطمة)
فايزة: اليوم علي المطبخ وعييييييه
فاطمة: اللي يسمعك يقول كل يوم تكرف بالمطبخ اللة يرحم حالي
انا كل يوم عندي المطبخ والغسيل وكل شيء
فايزة: لا الحمدللة انا مرة بالشهر
فاطمة: ياحظي..الا اقول تعرفين طريقة البسبوسة
فايزة: مدري..ايه عرفتها انتم تشترون العجين>>>>> في بالها سمبوسة



واما بنات الميك اب والموضة (غديرو سهام)
غدير:شفتي اخت العروس روووووووعة وخصوصا فستانها تهبل مووت>>> احلفي
سهام: ايه وشفتي الظل اللي مسويته قمة الغباء ليش مسويته تحت عيونها
غدير: يابنتي هذه الموضة هههههههههههههه
سهام: اقول لاتعطونها وجهه ماتفهم بشيء
غدير: نعم..!! شوة تقصدين..لايكون تتكلمين عني....حدج
سهام: لا ياماما اكلم زوجة عمي خخخخخخخخ



فئة (ك ت ب ) (نجود و بتول)
نجود: عطيني الواجب حق بكره
بتول: وليش ماتحلينه بنفسج من غشنا فليس منا
نجود: مب انتي نقلتيه من اللي عدالج
بتول: هاااه
نجود: اي..اقول عطيني>>>> يعني اجباري
بتول: انا نقلته علشان احنا معزومين في البر
نجود : والله....واحنا معزومين بالبحر خخخخخخ



هذي اول مشاركه لى
أن شاء اللله تكون عيبتكم :
:) :)

اختكم
شيخة المناصير