حامل,,ووزني في نزول مستمر

السلام عليكم..كيفكم يااغلا خوات ,,معليش عذرا مسبقا يمكن يكون كلامي مو منسق لاني داخله بالجوال..انا اختكم في الله اعد من السمينات حيل,,ظليت اتخبط من ريجيم للثاني ,,اذا نزلت عشره ازيدهم عشرين,,لين صحيت على كابوس وزني(مئه وثلاثين) ,,قررت قرار لارجعة فيه,,ماوصلني لكذا الا الحرمان والريجيمات القاسيه,,فرفعت شعار التخفيف ثم التخفيف ثم التخفيف,,وصرت اكل اي شي ابيه بكميه قليله واكثر من السلطات والخضار,,وفجاه اكتشفت اني حامل ,,بالرغم من وزني ماااازعلت ابدا فرررررحت كثير وقلت هذا دافع اكبر يخليني اتمسك بنظامي الصحي,,اكلي صحي ,,نشويات وفواكه بحصص معتدله مع كميه كبيررره من السلطات والخضار المطهيه بطربقه صحيه وكميه معتدله من البروتين ومشتقات الحليب,, ولله الحمد والمنه خلال اربعة اشهر من حملي خسرت عشرة كيلو بنظام صحي لي وللجنين فقر الدم بعد ماكان ملازمني صارت نسبة دمي جدا ممتازه,,معدتي المسكينه من بعد ماكانت تعبانه وتعاني من الحرقه صارت جدا مرتاااحه واختفت الحرقه,,نظامي راح يكون نظام حياة,,بدون حرمان وعذاب نفسي حتى وان كان النزول بطيء,,ولا ننسو الحركه ترى الحركه بركه,,نصيحه يابنات ابعدو عن الحرمان والريجيمات والخرابيط,,وخففو من اكلكم ترى اللقمه مثل القمتين نفس الطعم ,,لمتى نعذب انفسنا ونحرمها ونرجع من ثاني نننقم من الاكل,,وش فيها لو نزلتي ثلاثه كيلو بالشهر وانتي مبسوطه ومرتاحه ونفسيتك عااال,,احسن ماتعذبي نفسك بالحرمان الي يخليكي بعد فتره ترجعي بشراسه للاكل,,انا اكل كل شي كل شي يخطر ببالكم بس بكميات بسبطه والحمدالله النتيجه مرضيه,,ادعو لي الله بثبتني ويسهل ولادتي ويرزقني البيبي كامل الخلقه حسن الخلق