اللـــــــه يسهـــل حملك يابنت الكــــويت ويرزقك الذريــــــه الصــــالحه
وجمــــيع الخــــــوات ......يـــارب

:26:

مشكوررررررررررررررررين بنات على المشاركه

والله يبارك فيكم ويرزقكم الذريه الصالحه

وكلامكم كله 100% صـــــــــــــح

السلام عليكم ورحمة الله و بركاته ..

أول شي : كيفكم يا بنات يا حلوين ؟؟
إن شاء الله تكونو كلكم بخير وصحة وسلامة :) ..
وإللي ماعندها بيبي أسأل الله العظيم رب العرش
العظيم أن يرزقها عاجلا غير آجل يااااااااااارب ..
وإللي عندها بيبي وتحبه الله يخليه لها ولا يحرمها منه / منها ..
وإللي عندها بيبي وماتحبه :30: ياااااارب ربنا يوريها وتعرف
قيمته / قيمتها ..

تاني شي / صلو عالنبي وقولو لا إله إلا الله ..
وأحكيكم حكايتي من طقطق لسلامو عليكم وإنتو أحكمو
فيها بالحق ... أوكي ؟؟
أنا يا حبيباتي آخر العنقود عند أهلي ..وزي ما بتقولو كدة
جاية بالغلط !!!!!!!!!
وهادا مو كلامي أنا .. إنما كلام أمي الله يسامحها ويكفيها
شر لسانها إللي مودينا وموديها في داهية :44: ..
طول عمري وأنا أسمعها تقول ( هادي إللي جات غلطة )
( هادي جاية بالغلط ) (هادي ماكان محسوب حسابها )
(هادي جاية زيادة ) (هادي كان المفروض ينسحب عليها
السيفون !!!!!! ) وغيره من الكلام التقيييييييييل والجارح ..
وأنا كنت صغيرة وهبلة ودايما أسمع الكلمة هادي و أزززعل
وبسببها سرت أحقد على أخواني التانيين لأنها تحبهم ولأنهم
( مش غلطة !!!! ) وطول عمري أحس إني ناقصة وفيا شي غلط
( بما إني جاية غلط :23: ) وكنت دايما شاطرة في المدرسة
لكن ماحد كان يشوف هادا الشي .. كل إللي كانو يشوفوه هو أخواني
وأخواني و أخواني و غلطة !!!!!
وكنت دايما أتبهدل وأنضرب ضرب الكلاب الله يكرمكم ( من أمي )
والعذر ( إني جيت غلطة ) و ( ماكان المفروض أنولد ) !!!
حتى لو ماكنت غلطانة .. يعني أخواني يبهدلو البيت ويسوو الغلط
وأنا أنضرب معاهم بدون ذنب لأني ( غلطة !!!! ) ..
وأمي طول ماهي حامل فيا وهي تحاول تجهضني لكن سبحان الله
كل حملها في أخواني كان تعب وكانت حتجهضهم بأقل مجهود ..
وأنا على قولتهم كنت ماسكة في بطنها بأياديا ورجولي وأسناني :23:
وقد ما حاولت تنزلني ما قدرت !!!
ودارات الأيام وأنا ألين كبرت وأنا أسمع الكلمة هادي ..
سرت أكره أخواني وأحقد عليهم ..
سرت أكره أمي و أحقد عليها و أدعي عليها ..
سرت أكره أبويا عشان ساعد أمي في الغلطة !!!
سرت حاسة إنه كل الناس ينظرو ليا نظرة غلط !!!
وجاتني كل الحالات النفسية :23: ..

بــــالـــمـــقــــابــــــــــــــل :
لما لقيت التطنيش والإضطهاد من كل أفراد العائلة
الكريمة .. قررت إني أعيش لوحدي في البيت .. وحطيت حرتي
في الدراسة .. وكنت أجيب الإمتياز وماحد يقدره ..
وأخواني يجيبو جيد جدا و جيد وياخدو التهاني والتبريكات
والحفلات والهدايا والكيكات والفلوس والملاهي كأنهم حررو فلسطين !!
وإنتو تعرفو تأثير التفرقة على الأطفال ..
ودااااااااااارت الأيام وإللي عندها أخوان شباب تفهم قصدي
لما الشاب يبدأ سن المراهقة و يحس إنه رجال و يبدأ يمارس
رجولته بمد اليد والضرب والألفاظ البذيئة ( الرجولة العربية )
وبدأ أخويا يراهق على حسابي !! وكل ما سوى فيا شي بدون
سبب يقول لي إنتي أصلا مالك داعي في الحياة !!!!!
سبحان الله !! ربنا كتب لي أجي الدنيا وهو يقول إنه أنا مالي
داعي في الحياة ؟؟؟؟؟؟؟
وصار متأثر بكلام أمي وكل شوية يضرب فيا بدون سبب والله
العظيم ويتلفظ عليا بألفاظ تستحي تقوليها لأولاد الحرام أستغفر الله
وتقولي إنهم مالهم ذنب إنهم أنولدو بالحرام !!!
وطبعا غير التحطيم من أمي حتى في أتفه الأشياء ..
يعني تحسسني إني قبيحة وماحد يحبني ومالي داعي أعيش
والمفروض أحرق نفسي وأموت نفسي لأني أصلا لازم أروح
جهنم ولي بئس المصير !!!!!! ( كأنها تعلم الغيب ) !!!!
وكانت تقطع لي دفاتري وكتبي وواجباتي و أعمال النشاط
وتروح في مجلس الأمهات تشوه سمعتي عند معلماتي
وكانو كلهم يستغربو كلامها لأنه ما ينطبق عالواقع لأني
شاطرة وممتازة ونشيطة ومكافحة حتى لما تقطع لي دفاتري
أكذب عالمعلمات وأقولهم دفتري أنسرق في المدرسة وأبكييي
وعشاني كنت شاطرة كانو يسامحوني ويعطوني فرصة تانية ..
و أرجع أعيد دفاتري وأنا أبكي وأحس يديني تتقطع من كثر الكتابة..
وكل مايجي أحد يخطبني والللللللله العظيييييييم تشوه سمعتي
وتقول عليا كلام لو إنها مرت أبويا ما قالته !!! وفوق هذا كمان
تدل الناس على بنات تانيين عشان يتزوجو ؟؟؟؟؟؟؟؟؟؟؟؟؟؟
وكلهم إللي جو يخطبوني أتزوجو البنات إللي أمي دلتهم عليهم !!!
وخلتني أنا في البيت زي الجدار.. مالي قيمة عندهم ..
وسبحان الله أنخطبت كتييييييييير لكن أمي كانت موقفة نصيبي
ولما ربي كتب نصيبي و جات صاحبتي تخطبني لأخوها لأنهم
من زمااااان معجبين بيا وبأخلاقي ( كل الناس يحبوني إلا
أمي وأخواني !!! ) لما جو يخطبوني قررت أحط حد للموضوع
و وقفت في وجهها وقلت لها حأتزوجه يعني حأتزوجه
وكلامك ما راح يقدم ولا يأخر وخليني أتزوج و ترتاحي مني
ومن وجهي القبيح وأنا أرتاح من ذلك ليا !!
( مع إني الحمدلله جميلة و ناعمة وبشهادة الكل ) !!!
وكل الكلام صار كلام رجال مع الوالد وبعدتها عن الموضوع ..
راحت أنتظرت ليوم النظرة الشرعية وقراءة الفاتحة
ولما جو أهل خطيبي كلهم .. وقالت لهم أصلا هادي أنا جبتها
غلطة وحياتها مالها قيمة وإنتو حتجنو على ولدكم إذا أخدتوها
ترى هادي قليلة أدب ووووووووووووووووووووووإلخ إلخ إلخ
وقالت لهم إن كل الصفات الوسخة إللي في الدنيا فيا أنا ...
طبعا الناس أنصدمو من الكلام و أستغربو وسارو يسألو صاحبتي
ويقولو لها هادي أمها ؟؟ ولا مرت أبوها ؟؟ والأغلب قالو خلاص
بلاش تخطبو البنت هادي !!!! وأنا طبعا جاني إنهيار عصبي بعدها :( ..
بس لأن أمه و أخواته يعرفوني حق المعرفة وهو كمان من سنين
يعرفني ويعرف أخلاقي وإني ما أرفع عيني من الأرض إذا مر جنبي
رجال غريب قررو يتممو الخطبة و يطنشو كلام أمي !!!!!!!!!
طبعا أمي لما عرفت قالت لهم إنتو ماعندكم إحساس ولا شرف ولا
سمعة وإنتو ناس زبالة وحتاخدو بنت زبالة وأتبرأت مني وحلفت
ماتحضر زواجي ولا ملكتي ولا خطوبتي ولالالالالالالا شي :06: !!!

وأنا وضعي حاليا :
1- عمري 21 سنة !!!!
2- متخرجة من الجامعة وبأحضر ماجستير
( خلصت الجامعة بدري قبل وقتها ) !!!
وقدمت للماجستير وأنقبلت و حاليا بطلت لأني
ما أقدر أسيطر على أعصابي ولا أركز في أي شي !!
3- مخطوبة مع وقف التنفيذ !!!!
4- أربعة مرات جاني إنهيار عصبي بسببها !!!
5- عندي الضغط والسكر والقولون العصبي وقرحة !!!!
6- 5 مرات حولت تقتلني بالضرب و ينقذني أبويا منها
وتحاول تخنقني وتضربني على راسي تبغا تجيني إرتجاج
في المخ ولا غيبوبة ولا سكتة دماغية ولا شلل !!!
وبعدها صارت تخلي أخويا هو إللي يضربني عشان هو
أقوى منها .. وبسبب كتر الضرب عالراس صارت عندي
مشكلة الرجفة في أطرافي !!!!!

و للآن صار لي 3 سنوات مخطوبة وماني قادرة
أتزوج بسببها وتكره خطيبي وتهزئه وتسبه وتسب أهله
مع إنه ما سوى لها شي .. وقطعت كل الطرق للطيبة
والتسامح في الموضوع ..

ولو أقولكم شي يا أخواتي تنصدمو .. أمي جامعية ومتعلمة
ومثقفة ومتدينة وتعرف الله وأهلها ملتزمين ولهم أوقاف وأعمال
خيرية من أيام جدودهم !!! يعني ماهي جاهلة ولاهي قليلة
دين وإيمان حتى تقول هادا الكلام وتسوي عماايلها هادي !!!

وأنا أقولكم والله العظيم لو واحدة غيري كانت في مكاني
ماكانت أتحملت إللي أنا شوفته في حياتي وكانت يا أنتحرت
أو قتلت أهلها وصارت منحرفة !!!

وأنا كل إللي أبغاه إني أتزوج وأنستر وصارت ملكتي
في الحرم بدون هي ما تحضر أو تبارك أو تقول أي شي !!
خلالالالالالالاص تعبت وصرت حاسة إن حياتي مالها قيمة
لأني أنهديت وأنا أطلب رضاهم .. ولا أحد من أخواني يراعي
أمي وأبويا زيي أنا ولا أحد يبغا رضاهم زيي أنا .. وهما في داخلهم
حاسين بهذا الشي لكن ما يظهروه ولا يقدروه ..
وصار الشيب في راسي كأن عمري 50 سنة وملامحي صارت
كلها ملامح وحدة معذبة والحزن باين في عيني .. ولو وحدة من
صاحباتي قالت لي يا عروسة بدل ما أفرح أجلس أبكي ..
ولو تقارنو بيني وبين أخواني تلاقو إني أنا إللي أرفع الراس
والمفروض يتشرفو بيا أنا .. لكن العذر هو إني غلطة وماحد يتشرف
بالغلطة .............
عموما ما بدي أطول عليكم لكن هذا فيض من غيض و قطرة
من بحر .. ولا يعتبر 1% من إللي شفته من أمي وأهلي ..
لكن حسبي الله ونعم الوكيل عليهم كلهم .. وما أقول غير يارب
بلغني رضاهم يااااااااارب وحسسهم بقيمتي وبإني أبغا رضاهم ..

هيا دحين قولو لي .. مين فيكم لها عين تقول إنها حملت بالغلط ؟؟
وإللي تقول كدة أقول لها يجيكي يوم و يكرهوكي عيالك زي ما أنا
أكره أمي .. وحتسببي لهم جرح لالالالا يندمل مهما مر عليه أيام
وشهور وسنين وحتفضل كلمتك في قلوبهم ..
خافووووو الله في عيالكم ولا تقولو كدة عليهم لا قدامهم ولا من وراهم
ولا تحسسوهم إنهم في يوم من الأيام غير مرغوب فيهم :( ..


تحياتي ..
جـــداويـــــــــة

جـــداويـــــــــة

لاحول ولاقوة الا بالله :44:

والله هالشي مثل الحلـــــــم

الله يهديها لك ويهدي اخوانك

معقوله في أم تعامل بنتها بهالطريقه :06:

الله يعينج وان شاءالله تتزوجين بأقرب وقت