وادي الامان

وانا مثلك ...

وغيرت المسمى من حمل بالغلط

الى حمل مفاجئ

السلام عليكم ورحمة الله وبركاته ..
كيفكم يا بنات ؟؟ ويا سيدات ؟؟ ويا حاملات ؟؟

أختي أم تالا ..
لا تستغربي ولا شي .. أصلا هي عشان
ما تبغا تحبني وماتبغا تتعلق بيا من صغري
ما رضعتني طبيعي !!!!!!!
من يوم ما أتولدت وهما يرضعوني حليب
المستشفى وبعدين لما حاولو معاها ومارضيت
سارو يرضعوني حليب العلب ألين بدأت آكل
و في عمر أقل من سنة فطمتني من الرضاعة!!!
وهي طبيعية 100% لكن أنا بالذات ماتبغااااااااااني
كدة مزااااااااااااج مع إني أحيانا أحسها تستفقدني
لمن أغيب وما أسأل عنها وأكون زعلانة منها ..
وهي دحين نوعا ما بعد الإنفصال بدأت تتحسن
شوووووووووية بس !! لأنها بدأت تحس إنه
أخواني ما بيسألو فيها وأنا إللي دايما أسأل وهما
يتأففو منها وأنا أتحمل كلامها وأسكت ..
وماني قدامها تضرب فيا طول اليوم :o ..
يعني نوعا ما معاملتي الطيبة لها خلتها عالأقل
دحين ما تمد يدها عليا زي زمان .. لأني ماني قدام
عينها طول الوقت .. لكن برضو لسانها طويل معايا
ودايما تسب وتدعي وتسخط .. ولسانها طويل بالذات
على خطيبي وهادا إللي حارق قلبي لأنه ما سوى لها
شي وبالعكس بيحاول يتقرب منها .. وحتى لمن أروح
لها معاه تحسسه إنه غير مرغوب في وجوده وإنها متضايقة منه
ومو طايقته .. وأنا هادا الشي معذبني :( !!!
وآمييييييييييييييييين على دعواتك وجزاكي الله خير..


أختي بنت النيل ..
بابا أنفصل عن ماما برغبتها وبطلبها وهو رافض
هادا الشي ومو موافق عليه أبدا .. لأنه بعد ما جاته
الأزمة أمي رفضت تعتـني بيه .. ومن يوم ما كان في
المستشفى ما زارته غير مرة وبالغصب بعد ما
الكل أنتقدها .. ولما كانت تشوفني أبكي تقول لا تخافي
دا ما يموت !!!!!!
وبعد ماطلع من المستشفى راحت بيت أهلها وقالت
لهم أنا مابدي أشتغل ممرضة على آخر الزمان!!!
وسابتلي البيت وأنا طبعا أحب بابا بس في نفس الوقت
ماكنت أقدر أعتني بيه والمتزوجات فاهمين قصدي ..
يعني مثلا ما أقدر أحممه !!! يعني أطبخ له وأديله الدواء
وأستقبل الزوار لكن في أشياء ماأقدر عليها .. يعني برضو الرجال
يبغا زوجته جنبه في وقت الشدة لأن
وجودها جنبه بحد ذاته يحسسه بالأمان ..
لكن أمي ماتفهم هادا الشي وتقول يبغاني أسير له ممرضة !!!
وبالنسبة للوالد هو سار يعاملني كويس من بعد ماشاف
إضطهادها ليا وبهدلتها ليا .. وأنا الوحيدة من أخواني
إللي جنبه ودايما أسويله أشياءه حتى لما أتزوج حرمة تانية
( طبعا زوجة الأب قصتها تانية لوحدها ) برضو
ما بيلاقي راحته غير معايا أنا ولما يبغا شي
يطلب مني أنا ما يطلب من زوجته ..
حتى لما يشتهي أكل أو شي معين يطلب مني
أنا أطبخ له أو أسوي له الشي هادا ..

يعني أمي بتصرفاتها شـلــّــت حياتنا وبهدلتنا ..
وهي سارت تغار أكتر بعد ما لاحظت إهتمام بابا
بيا .. لأنها أول كانت تبرر له سبب ضربي إني
ماأسمع الكلام أو ماأذاكر أو سويت شي غلط ..
لكن لما جلس في البيت وعرف الحقيقة وشاف إن ضربها ليا ظلم ..
أنقهر وسار يدافع عني .. وهي ماعجبها هادا الشي لأنه سار ينتقدها
في تعاملها معايا كتير .. لكن هي طول عمرها مضطهدتني وماحد داري
عنها والكل يصدقها لو قالت لهم إني عملت شي أستاهل عليه الضرب !!!!!

وخلاص صافي يا لبن :) ..؟؟

أختي أنشودة المطر ..
الله يرزقك ويرزقك كل محرومة ومحروم ..
يااااااااارب يا أرحم الراحمين ..
وأنا الحمدلله أدعي وأظن السبب إني لسة ما أتجننت
وباقي فيا شوية عقل :23: إني بأدعي ربنا وملتجئة له ..
لكن برضو أحيانا من القهر أستغفر الله أقول دعايا
ما أستجيب .. لكن أرجع وأقول يمكن هادا إبتلاء من ربنا
عشان ربنا يحبني ويبغا يخفف ذنوبي ويشوف
صبري وشكري على بلوايا .. وأرجع أقول الحمدلله الذي لا يحمد
على مكروه سواه .. والحمدلله على كل حال ..
والحمدلله أنا خففت سماعي للأغاني كتييييييييييييير
ودايما أشغل قران في البيت عشان قلبي لا يضيق ..
ويعني الأغاني فين وفين إذا في عزومة أو مناسبة
أو في الراديو لما أكون في السيارة .. بس يعني ماعاد
أشغل أغاني في البيت بنفسي أبددددددا .. الحمدلله ..
أصلا سار قلبي يضيق لما أحضر الأفراح أو العزايم
من كتر الإزعاج ..
وبالنسبة للبسي الحمدلله ماألبس لا عريان ولا قصير
ولالالالالالالالالا شي قليل أدب .. الحمدلله قناعة تامة
من نفسي ومو إجبار من أحد .. حتى الأكمام القصيرة
ما أحبها .. يعني صحيح إني ألبس في البيت قصير
وأكمام قصيرة .. بس إستحالة أطلع من البيت بدون أكمام أو بقصير ..
أحس إني عريانة وماني لابسة شي حتى لو كان كله طويل×طويل
و الكم بس قصير !!!!
يعني أحب اللبس المحشم والناعم لأنه يكون أرقى
والشكل يكون مرتب مو لحم مكشوف يقرف النظر!!!
حتى فستان فرحي إن شاء الله كم طويل وطالع الموديل
يجننننننننن وشكله زي فساتين الأميرات .. وحتى يوم
ملكتي لما جاني خطيبي كنت لابسة فستان بكم طويل
وناااااااااااعم بس كان غالي وتحسي تمنه فيه .. ماتحسيه
شكله عادي زي باقي الفساتين وكلهم قالو حلو وناعم ..
الحمدلله ..
وأنا أنقهر على نفسي لمن يقولو لي عروسة لأني
ماني حاسة بهادا الإحساس وماني حاسة بالفرحة ..
وعلى طول منكدة من أهلي .. وخطيبي لأنه يعرفني
من زمان وكان يسمع الحكاوي من أخته .. عشان كدة
كان يقول مسكينة .. وعشان عارف تربيتي وأخلاقي ..
وعارف إنو أبويا شديد خصوصا في خروج البنات
والصاحبات والكلام دا .. يعني هادا الشي رغبه فيا
في البداية .. بس دحين طفشششش وزهقققققققق وسار
ينتقد كتير وأنا بأراعي وبأقول من حقه لأن أمي طققتنا
كلنا مو بس هو لوحده .. لكن ما باليد حيلة !!!!
وهو أمه وأخته بيصبروه وبيقولو له البنت طيبة
وزي السكرة لا تضيعها من يدك ..
وهو شايف معاملتي لأهله عشان أبغا أكسبهم ..
وكمان هو أهله ماهم كاملين وفيهم عيوب
وأنا مستحملتها عشانه وما بتكلم .. لكن برضو هو كمان يبغا
يتزوج ويرتاح وماهو عارف كــــيـــــــــف ؟؟
ومـــــتـــــــــــــــى ؟؟؟؟؟ بسبب أمي !!!

أختي بنت الكويت ..
قلبت لك موضوعك لـ ( أريد حلا ً ) ..!!!
خخخخخخخخخخخخ :23:
بس تسميتك لحملك هو الشي الصحيح يعني
المفاجأة دايما شي حلو .. وكلمة حمل مفاجيء
كلمة حلوة الله يتمم لك حملك على خير يارب ..
ويرزقك أولاد وبنات بارين وطيبين ويرفعو
راسك إن شاء الله .. ويرزق كل محرومة ومحروم
ياااااااااااااااااااارب ..
وإللي تقول حملت بالغلط .. ولا جبت بنتي بالغلط ..
أو جبت ولدي بالغلط .. ياااااارب ينكسر فكها
وتنكسر أسنانها :22: وينقطع لسانها عشان ما تقولها تاني ..
وماتلاقي أحد يسويلها طقم أسنان تركيبة غير البنت الغلطة
أو الولد الغلطة :23:...
<<<<<<< تحسوها مطرطعة منهم خخخخخخخ


تحياتي ..
جـــداويــــــــــة

:44::44:

مرحبااا عزيزاتي __ مشكوره بنت الكويت على هالموضوع الساخن والمتميز
انا بعرض لكم حكايتي

تزوجت وعمري 18 سنه ورزقت بطفله والتحقت بعدها بالجامعه واضطررت ان امنع الحمل لمدة اربع سنوات للدراسه لاني لا استطيع ان اوفق بين الدراسه والحمل وبعد ان انهيت دراستي وتهيأت للحمل تركت المانع وانتظرت وانتظرررررررت الحمل ولكنه لم يحصل فاصبح لدي مناعه عن الحمل بسبب المانع الذي استخدمته لفتره طويله ولم استطيع الحمل الا بعد سنتين من تركي المانع وذلك بمنشطات وعلاج والحمدلله حملت ولكني رزقت بطفل ولد قبل اوانه وكان لديه بعض الاغاقات والعاهات وتوفى بعد الولاده بيوم واحد
حزنت كثيرررررا وبكيت اكثررررررررر واصبحت حالتي النفسيه منهااااره للغايه ليس لقلة ايمياني ولكن ماتتصورون قد ايش كنت محتاجه هالطفل ومشتاقه لوجوده بحياتي ولكن الحمدلله بمساعدة زوجي الحبيب والاهل استطعت ان اتعدى تلك الازمه والحمدلله ومرت السنوات ورزقت بولدين ورى بعض والحمدلله وكان لسان حالي يقول ما اكرمك يالله وما ارحمك بعبادك

ولكن قبل ان يتم ولدي الصغير سنين الرضاعه حصل الحمل للمره الثالثه
فوجئت واحسست بارهاااق شديد ومر امامي شريط الحمل والوحاااااااام والشهور الاولى من الحمل والولاده حيث ان ولادتي دااائما صعبه واحسست اني برغبه في البكااااء بعد ان اجريت اختبار الحمل ولكن عندما ابلغت زوووجي باني حامل كانت ردة فعله مثل كف قوي افاقني مما كنت فيه من اكتئاااب فعندما قلت له بان الاختبار اثبت اني حامل ارتسمت على وجهه ابتسااامه وفي عينيه نظرة فرحه لا استطيع نسيانها وكانه اول مولود ابشره به
ماتتصورون كيف كبر بعيني زووجي وعلمني درس ما انساه
ومرت شهور الحمل والحمدلله كانت صعبه للغايه وكانت حالتي الصحيه غير مستقره تماما ولكني كنت مشتاقه لذلك الطفل وكانه بكري وانتهت شهور الحمل بولاده متعبه ايضا (( قيصريه للمره الاولى )) ورزقت بمولوده كم احبهااااا اسميتها نووور ماتتصورون مدى تعلقي بها وحبي لهاا واكني استغرب من نفسي معقووله اني كنت كارهه لحملي بهذه الملاك الصغير حفظها لي الله وحفظ لكم او لادكم ورزق كل من تتمناهم بالذريه الصالحه التي تعوضها عن ايام الحرمان

واسفه على الاطاله بس الموضوع اعجبني وحبيت اشارككم فيه ومشكوووووووورين:26: :26: