كوبونات الراقية تسجيل الدخول

حلاها مبتليها
حلاها مبتليها •
مرحبا كروشات مكه
انا راح احكي لكم تجاربي الشخصية القريبه والبعيده يعني كل ولاداتي لاني ما شاالله كل ولادة بمكان ما استقريت على مستشفى معين

ولادتي الاولى قيب 10 سنوات كانت بالرفيع وكانت روعة جدا والمستشفى كان نظافة واهتمام فظيع وحتى بالكشك بعد الولادة الممرضه تحممك بنفسها وتهتم فيك والبيبي اذا بنت يلبسونها وردي واذا ولد سماوي من عندهم ويعطرونه ويجي زي الفل..والي ولدني واحد استشاري والخياطه كانت روعه

الولادة الثانيه كانت قبل 8 سنوات ونص كانت بعلوي تونسي عند صلاح وكانت اسوأ ولاده للاسف انا اول شي دخلت الغرفه تنويم قبل الكشك لانهم حطولي طلق صناعي و تركوني لوحدي ولا احد يجي يشوف ولا احد يدري عني و ولدني صلاح بعدها وخياطته مررررررررررره سيئه وهذا وانا موصيته عالخياطه وتجميلي لانه كان واضح انه مستعجل وعليه ضغط وبعدين لما خرجت غرفتي لا اهتمام والممرضات مايردون ولا يجونك ولوحدي مشيت ورحت الحمام يعني سيء لاقصى حد حتى النظافه سيئه

الولاده الاخيره كانت قبل 5 سنوات بالمستشفى الاهلي وايامها كانت دعاء الي بالصاعدي دكتورة عندهم وتتخيلون ان هالمستشفى الي ما احد يحبه طلعت ولادتي فيه اروووووووع واسهل ولادة اول شي الدكتورة رووووعه ومعروفه دعاء حنونه وطيوبه جدا وخياطتها كانت روعه والممرضه مصريه برضه كانت حبوبة وحنونه جدا واحلى شي انهم خلوني على كيفي ..تتخيلون انهم ما غيروا اللبس الي جيت به للمستشفى ولا لبسوني لبس الرعب حقهم وثاني شي الدكتورة هي الي نزلت لي الموية وفقعت الكيس وطبعا حطولي طلق صناعي وربوا لي الجهاز الي يقيس النبض بعدين قلت للممرضه بالله عليك اذا النبض تمام شيليه عني يوترني وفعلا شالته وخلتني براحتي اتحرك واطلع وانزل وامشي بالغرفه وسبحان الله الوقوف وقت الطلق افضل لان الجاذبية الارضيه سبحان الله تساعد على نزول الجنين وكنت كل ما جتني طلقة وقفت وتمسكت بقووووة بالسرير واقرأ الزلزلة والحمد لله ولادتي ما استغرقت الا ساعه الا ربع والله ما كان اسهل منها ولله الحمد ..وخرجت لغرفتي وكانت جمب الكشك وكان في اهتمام ونظافه والممرضات حولي ولا بعد ازيدكم من الشعر بيت مرت علي وحده من قسم التجميل تقول لي اذا حابه نزينك ونضبطك عشان تقابلي الضيوف خخخخخخخ قلت لا شكرا والله هباله مني والا كنت كشخت وتسنعت

والحين انا حامل بالشهر الخامس الله يسهل حملي وولادتي ويرزقني الولد الصالح يارب

وبغيت منكم خدمة بسيطه ..اذا تعرفون دكتور او استشاري شاطر او دكتورة في كشف السونار عشان اعرف جنس الجنين ان شاالله ..انا اعرف صلاح ممتاز جدا بس الزحمه مووووت عنده ..تكفون لا تردوني ابي احد مجرب وشاطر ودقيق
وبالنهايه العلم عند الله طبعا
النانو4
النانو4 •
^
^
^
^
^
الدكتورة صفاء نحاس بعيادات قضيب البان بالعزيزية

شاطرة في كشف نوع الجنين غير إنها حنونة جداً.
الصمت هو الصبر
الصمت هو الصبر •
الله يسعدكم أبغى أسوي أشعة ثلاثي الأبعاد فين أسويها فمكة , وبكم؟؟

أسأل الله أن يسهل لنـــــــــــا ..
الصمت هو الصبر
الصمت هو الصبر •
وينكم يا حوامل مكة ؟؟:angry2:


وينك يا أم بسوم ورياح الغروب وليونه والأخوات

الباقيات:26:

أعطونا خبراتكم وتجاربكم الله لا يحرمكم الأجر ..

:26::26::26:
حلاها مبتليها
حلاها مبتليها •
النانو4 النانو4 :
^ ^ ^ ^ ^ الدكتورة صفاء نحاس بعيادات قضيب البان بالعزيزية شاطرة في كشف نوع الجنين غير إنها حنونة جداً.
^ ^ ^ ^ ^ الدكتورة صفاء نحاس بعيادات قضيب البان بالعزيزية شاطرة في كشف نوع الجنين غير إنها...
مشكورة يا قلبي الله يسعدك يارب
وين الباقيات