طبعا زي ما الكل عارف انه غدا أي اسره سعوديه رز ودجاج او دجاج ورز او رز ودجاج يعني ما فيه خلاص واذا كانو والله مريشين ومسوين لي فيها تهورو وصار فيه سلطه
في ذاك اليوم رجعت الظهر جوعااااااانه ويله ابغى غدا وين الغدا
وتجي شينة الحلايا الشغاله جايبه الغدا لا تاملون رز ودجاج وبدون سلطه بعد
ويله يا بنت عديها <والله اكل السجن اصرف
ويله كله على ذا الرز المسكين
واكل والله وانا متحمسه ولا اوعى على نفسي الا وانا منقلب وجهي ولاني اكلت حبه هيل
<مشكله اللي يسون فنانين طبخ ويحطون هيل وحركات لو فيكم خير غيرو الرز مو تحطون حرتكم بالهيل
ويحمر وجهي واحس بحراره داخليه وانواع العرق وكله بسبه ذا الهيله السخيفه
<يا بثرها
والله يوم جا العصر واحس اني منب طبيعيه يا بنت وش السالفه
يوم اشوف نفسي بالمرايه ولا والله ذي الحبه اللي طالعتلي في جبهتي
<اول حبه تجيها بسم الله عليها يقولون لو تشرب مويه شفتها من تحت بشرتها من الصفاوه<بدا النصب عاد وش نسوي سعودين ما نتحمل ما ننصب
والله بعد طلعت حبه مهيب سهله تعور هي صح صغيره بس لا تحقرونها <لا تحقرن صغيرتن ان الجبال من الحصا <يمديكم على التعبير
لو اقرب من الحبه عورتني وشلون لو المسها
ويوم بعد يوم بدت تكبر الحبه
وبدت تسوي لي ازمه صرت اذا سجدت اسجد على جنب
وسويت لها فتحه بطرحتي علشان ما تنافخ اخاف تقول ليه صكيتي علي
والله والنحيسه وبدت تكبر من جد قلت وجع ذا النحيسه تكبر اسرع مني من وين تتغذى؟؟؟
وكبرت لدرجه اني صرت استعمل جرس اذا مشيت علشان الناس تبعد عن الطريق
عاد اخر شي مصختها وانا وصلت معي قلت خلاص يا انا يا هي
بس المشكله انها كبرت وصرت ما اطولها
والله واجي واجيب كرسي علشان اوصلها <مشكله اللي يسوي ذكي
والله واوصلها بس بطريقه غير شرعيه لا تسالون وشلون
واجيب ثلجه بزعمي بسوي بنج <خايفه على نفسها
والله وطلعت دروس الاسعافات الاوليه بالابتدائي لها فايده
واقعد سنه مطاقه انا وياها لين ما قويتها واله وتنفجر واقعد اصرخ ما ابي احد يسمع الانفجار اخاف يحسبوني ارهابيه ولا شي
وتجي امي على الصوت قالت خير
قلت ابد فقعت الحبه
وتنفقع وتغرق غرفتي <وع وع وع
ويبدا يطلع منها اشياء غريبه الا شوي واشوف مساحه طالعه
قالت امي ايه كنتي تخلصين المساحات وانتي صغيره تاكلينها
بس يا ليتها على المساحه وبس
الا شوي وتطلع لي باربي <تراها مو حقتي حقت جيران خالي ولا لو انها حقتي ما كان اكلتها
وشوي وتطلع لي طاولتي بالمدرسه
وشوي والله وتطلع لي ثلاجه وشوي يطلع لي كنب وشوي وتطلع لي بنت خالتي قلت يا كثرك حتى بالحبه القاك وراي وراي
اشوا بس اللي ما طلع لي يخت ولا التايتنيك
كر كر كر
قلت يالحقيره كل ذا شايلته وانا اقول وراني كل ما قربت منك تعورين
بس احسن يله تكبدي الخساير كل شي فقدتيه متى بيمديك تعوضين ولا شي بقالك
قالت يالدلخه انا ما فقدت شي انتي اللي خسرتي هذي كانت ثروتك من وانتي صغيره انتي مادريتي عنها عندك مخزون احتياطي لوقت الحاجه وفرطتي فيه
عاد رحت اصيح كالعاده لامي قلت يمه شفتي وش طلع
قالت ما يخالف شر خارج
قلت وانتي مهيتتني وانا صغيره مخليتني زي جازورا كل شي اكله
قالت والله انتي شيطانيه مدري عنك كنت ادري انك تاكلين مساحات بس الباقي توه يجيني العلم
ما يستفاد من القصه:
1- احمد ربك على الرز والدجاج والدجاج والرز فيه ناس مو حاصلهم ولا كسرة خبزه وحنا نتبطر على النعمه
2- اذا عندكم شغاله هنديه ولا سيرلنكيه سفروها بسرعه لا تحط لكم هيل بالرز
3- ترا احلى شي باربيات بنات جيران خوالكم
4- لا احد يسال وشو طريقه غير شرعيه حتى انا ما ادري بس حطيتها كذا ايقالي بسوي اكشن
5- لا تفقعون الحبوب ترا والله تكثر وما تصيرون زيي بشرتكم زي القزازه
من الايميل
ههههههههههههه<<<انواع الضحكات عليك طيووووووفه وربي مت من الضحك كل هذا يطلع من الحبه
حشى صندوووق سحري مو حبه كخخخخخخخ
ماتلامين والله اذا صااارت تعورك من المساحات ومحل الالعاب اللي فيهاااا ههههههههه
اشوى ماطلع منها طيارات ومطارااااات خخخخخخخخخخ
انا فيني حبه بس في خدي بسوي مثلك وافقعها الله يستر وش اكون مخزنتن فيها وانا ماادري هع هع
ويسلموووووو عيوني على خيااااالك الواسع وموزووووعك الحلووووو:26: :26: