شلون يا ربي اقدر ؟؟ اشلون يارب....
يمكن قريتوا قصيتي وعرفتوا بمصيبتي ،،بس ادعوا ربي انه يخفف عني
صارت احداث كثيره بعد وفاته وكلها ترحق القلب..
بعد وفاة زوجي بأسبوعين بس كان ذكري عيد ميلادي...رحت عند قبرة وناديته: حبيبي وين الكيكة ابيك نقوم وتحتفل معاي ،، حبيبي وين الهديه؟؟ هديتك لي السنه اكبر مصيبة .. حبيبي كنا بنطفي الشمعة ال22سنه سوى انا وانت وبنتا ..بس انت طفيت كل شموع حياتي..
فجأه لفيت راسي وشفت روحي راجعة الفندق ودخلت الغرفة ولبست ثيابي ..وشوي رن تلفوني" عمري تعالي تحت انا انتظرك،،انا في الاستقبال" ..فرحت وقلت واخيرا طقت الساعة 8.اف اخيرا تمللت وانا انتظر ,, طالعت نفسي بمنظرة ، ابي اكون الليله اجمل وحده بالدنيا..
نزلت وانفتح المصعد وشفت حبيبي..يبتسم ويقول لي وحشتيني عمري...
قلت له بدلع "عيار"
"اتاخرت علي ..وين رحت؟؟ قال لي واهو يبتسم "ما بقول لج بس مثل ما وعدتج الليله بخليك تتمنين انه ما يطلع علينا النهار بسرعة..اذكر كلامه عدل
قلت له اوكي خلاص بشوف اول وبعدين بقرر اسامحك او لا وانا اضحك وماسكة ايده...
قال لي وين رايحة؟؟ تعالي خلنا نركب المصعد !!!! وقفت فجأه .."ليش ما بنطلع؟؟ زعلت وقلت في خاطري "سواها فيني ، يعين راح نقعد في الفندق وما راح نطلع يعني "
ركبت المصعد وانا اطالعة باستغراب واستنكار ،،وفجأه بدل ما المصعد يصعد للغرف نزل في الطابق الي تحت الارض.... عرفت انه محضر لي مفاجأه...
سيارة لميزون طويله نفس الي بافلام وسايق يفتح الباب ويقول لي good evening madam
ركبت السيارة وانا مغمضى عيني نفس ما طلب زوجي ...واااااااااااااااااااااااااااااو حبيبي .... باقة رود كبيره تنتظرني في السيارة..
المهم طلعنا ووصلنا لمطعم .. كلم زوجي الموظف الي عند الباب وقال له في طاوله باسم.....
رحبوا فينا ...دخلت .."عمري احبك..شكرا ..انا مستانسة واايد" ما عرفت شنو اقول له الفرحة مو شايلتني ..الطاوله كلها ورد وشموع..
خلصنا العشى.... وبعدها بلحظات سمعت صوت شفت الرجال الي يعزف على الجيتار جاي جمبي ويعزف لي و حبيبي يغني معاه happy birth day.......... يا الله شنو مستانسة انا ..........
لما خلص وراح بست زوجي وقلت له "حبيبي انت شكرا ..اموت فيك والله "
مرت على هذي الساعات مثل البرق...صارت الساعة 12 وراح يسكرون المطعم...
رجعنا الفندق... ودخلنا الغرفة ونمنا...... كانت ليلة حلوة ما راح انساه تفاصيلها طول حياتي..
يوم ثاني كان حبيبي حاجز لنا عشى على يخت ..تكمله ليوم عيدميلادي
"انا وايد فرحانه حبيبي..****لله السنه الجاية يكون معانه ولدنا..يارب...الله يمد في عمري علشان اخليك اسعد انسان في هدنيا مثل ما انت مخليني اسعد وحده في الدنيا...للحظه حسدت نفسي وقلت في خاطري"يالله انت عطيتني احسن رجال بالعالم ..مخليني اعيش ملكة زماني..الله لا يحرمني منه و يخليه لي يارب ..انا ما اتصور حياتي بدونه "...
وبعد شهر من الوناسه والراحة رجعنا لبلد مرة ثانية ..
رجع حبيبي للدوام..بس انا ما زلت اسعد وحده بالعالم ،،بس البيت كبير وفاضي نحتاج احد يونس حياتنا ويكون ثمره لزواجنا ..
بس خلنا شوي بعد ما صار لنا شي من تزوجنا ،كلها 5 شهور ،، خلنا نعيش حياتنا ..
احنا في شهر 9 الحين...
مرت الايام كلمح االبصر وصار يوم عيده...
عيد ميلاده 28..
الساعة اربع دخل البيت كالعاده بعد انتهاء الدوام .."عمري ..انا رجعت" رحت اركض له واوقف عند الدرج .. اخذني بحضنه نفس كل يوم وباسني على خذي وقال لي وحشتيني..بروح اخذ دوش سريع وانا طالع .. خلي الغذه بموت من الجوع....
مرت الساعات بسرعة كعادتها لما اكون معاه وصارت الساعة 8 ..يعني حان موعد الخروج...
جهزت ملابسه ولبسته وعطرته,, ما اخليه يتعطر بروحة لازم انا اعطره..اهوه تعود ،،يعني اذا انا في الصالة مثلا واهو مستعجل في الغرفة ياخذ العطر ويجيبه لي ويقول يالله حبيبتي عطريني بسرعة ..
طلعنا وتعشينا ...
صارت الساعة 12 ونص
ورجعنا البيت...
قلت له حبيبي خلك في السيارة انا بنزل البيت ،، طالعني باستغراب وقال" انزين بنزل وياج" قلت له "لاء"
انت انتظر في الكراج وانا بتصل لك بقول لك ادخل...
عرف انه انا عندي مفاجاة له بس عمل نفسه ما يعرف ،،دخلت البيت وناديت الخدامه " ها كل شي اوكي ؟؟ سويتي الي وصيتك عليه؟؟
اتصلت لزوجي " يالله عمري تعال"
اول ما دخل مسكت يده وطالعني "ليش ما خليتيني ادخل معاج؟؟ وكأنه مايعرف اني ابغي افاجأه!!
يطل يمين ويسار بس مافي شي..
ركب الدرج ودخل الغرفة..
"وااااااااااااااااااااااااااااااااااااااااو" متى سويتي كل هذا؟؟؟
شموع على الارض وورد على السرير وكيكة على الطاوله وبالونات وووو...
"حبيبي احاول اقلد عليك واسوي نفس ما تسوي لي,,****لله يعجبك....
مسك ايدي وقال لي "احبك......"
مرت الايام وبعد حوالي شهر رحت المختبر مع وحده من صديقاتي وسويت تحليل دم ،قال لي الي بمختبر النتيجة تطلع بعد ساعة..تقدري تتصلي وتاخي النتيجة...
رجعت البيت وانا انتظر على احر من الجمر ..كنت اشوف فلم مع زوجي ..
مرت ساعة.... اتصلت .... و زوجي يطالعني..
صرخت ..شكرا شكرا مع السلامة..
"حبيبتي اشقيك؟؟؟
قلت له ما راح تصدق!! انا حامل............
وقف على طوله وقام ينط وينط وكأنه واحد ينتظر خبر حمل زوجته من 20سنه !!ودمعت عيونه ولمني بقوه وقال ما اصدق ..بصير ابو...ما اصدق..
وبعد اسبوعين رحنا المستشفى وسمعنا لاول مرة دقات قلب الجنين ...كنت اسمع دقات قلب زوجي قبل ما اسمع دقاق قلب البيبي ...الدنيا مو مسعيته من الفرح ويقول لي "عمري سمعي ..سمعي دقات قلب ولدي .. انا مو مصدق...
"قومي يا بنتي حرام عليج ..لا تسوين جذي ...طلبي له الرحمه..اهوه في مكان احسن منا الحين ..الله يخلي لج بنتج ويعوضج فيها"
كانت هلكلمات نفس الصاعقة الي نزلت علي ...رفعت راسي شويه ..ألتفت يمين ويسار بس ما لقيت شي غير القبور وذاك الشخص الي كان يقول لي قومي يا بنتي....
طالعته باستغراب ..اشفيه هذا؟؟شنو الي جابه ؟؟شنو الي جابي اهني؟؟ هل هذا كان مجرد شريط للذكريات ؟؟لالالالا
بقى الحين اسبوعين بس على عيد ميلادك حبيبي ....شلون راح اقضيها بروحي...انا وعدتك اني راح اخليك دايما اسعد انسان بالدنيا بس انت الي غذرت فيني ..انت كذبت علي ..قلت لي ساعة حبيبتي وبرجع ..مر الحين شهرين ومارجعت!!!لي متى انتظر؟؟؟
..انت الي وعدتني انك ما تتركني ابد ... بس تركتني بلمحة بصر...آآآآآآآآآآآآآآآآآآآه يا عمري وينك ؟؟ ابي اكون معاك ..ابي احس بدفا حضنك..ابي تلمني وتقول لي ما راح اتركك مرة ثانية ..اوعدني ارجوك..اوعدني انك ماراح تغيب مرة ثانية ..اوعدني انك ترجع لي بسرعة بعد ما تخلص دوامك..اوعدني انك ما راح تنساني ولا تفكر بغيري..اوعدني انك تحبني طول عمرك..
__________________
احلى زوجة @ahl_zog
عضوة جديدة
يلزم عليك تسجيل الدخول أولًا لكتابة تعليق.
عظم الله اجرك
ورحم زوج
وجمعك بح في الجنه
بس حبيت حبيبتي اذكر ان المراه مليجوز لها زياره القبور
ورحم زوج
وجمعك بح في الجنه
بس حبيت حبيبتي اذكر ان المراه مليجوز لها زياره القبور
مونيا21
•
ياربي دمعت عيوني
الله يرحم زوجك يا اختي
اذا تحبيه سوي له اشياء تساعده في حياته الابديه
ربي بنته احسن تربيه عشان يفرح
الله يرحم زوجك يا اختي
اذا تحبيه سوي له اشياء تساعده في حياته الابديه
ربي بنته احسن تربيه عشان يفرح
أستغفرالله وأتوب إليه
أستغفرالله الذي لاإله إلا هوالحي القيوم وأتوب إليه
أستغفرالله العظيم الذي لاإله إلا هوالحي القيوم وأتوب إليه
أستغفرالله الذي لاإله إلا هوالحي القيوم وأتوب إليه
أستغفرالله العظيم الذي لاإله إلا هوالحي القيوم وأتوب إليه
الصفحة الأخيرة
والله تألمت لأجلك ,, لكن الحمد لله على قضاءه وقدره ,,
وأسال الله أن يجبر مصابك ويربط على قلبك ويعوضك كل خير,,
ويجمعك بزوجك في الفردوس الأعلى من الجنة ,,
لو تأملتي في حال الناس ,,
راح تلا قينهم مثلك اللي فاقد أبوه واللي فاقد أمه ,
واللي فاقد أخوته مثلي فقدت أختين رحمهما الله ,,,
واللي فاقد زوجته ,, واللي فاقده زوجها مثلك ,,
هذا حال الدنيا ,,
قد رحل عنها وغادرها أعظم البريه محمد صلى الله عليه وسلم ,,
وان شاء الله الملتقى بالجنة ,,
لكن أختي عندي بعض التنبيهات لك ياعسل ,,
- زيارة القبور لا تجوز للنساء ,, ففيها من تجديد الحزن ما الله به عليم ,,
- الاحتفال بعيد الميلاد لا يجوز لا نه من اعياد الكفار
ولا عيد عندنا سوى عيدين الفطر والأضحى ,,
- انتبهي أختي من عباراتك الأخيرة كأن فيها اعتراض على قدر الله ,,
ياريت تعدلينها ,,
ودائمآ رددي ( انا لله وانا اليه راجعون اللهم أجرني في مصيبتي
واخلفني خيرآ منها )
وأنصحك بسماع شريط راااااائع بعنوان ( كشف الكربه عند فقد الحبه )
للشيخ علي القرني ,,
حتى لو تنزلينه من النت وتسمعيه ,,,
والله يملأ حياتك سعادة ورضى ,,