<<....حتى لا ننسى فلسطين .....>>

يا ريت كل واحدة تدخل تقوللنا هي من اي بلد ولو كانت مدينه اوقريه وامتى طلعو منها سواء هي او اهلها وكيف كانت ظروف طلعتهم منها
وانا حكون اول واحدة
انا من مدينه اللد المحتلة بتاريخ 12/7/1948
الوالد الله يرحمه والوالدة الله يطول بعمرها وجدتي الله يحفظها حكولنا بالتفصيل عن ظروف خروجهم من المدينه تخيلوا طلعوا حفاة وبالملابس اللي عليهم وتركو وثائقهم ومتعلقاتهم الشخصية وراءهم في البيوت اخدو بس المفاتيح اللي بعضهم لسه محتفظ فيها!
تخيلوا جدي الله يرحمه ترك ولاده الذكور بدون طهور لعمر التسع والعشر سنوات لانه بده يرجع يطهرهم بالبيت اللي مات حسرة عليه!
والله بس دخلت الموقع وشفت الصور عيوني دمعوا غصب عني مع اني ما بعمري زرت فلسطين
بس بقدر اتخيل البيوت والاماكن من كلام الوالد والوالدة واخوالي وجدتي
طبعا ممكن ناس يسالوا شو اللي جبرهم يطلعو ؟الجواب هو انه وصلتهم اشاعات انه اليهود بيدخلو البيوت بقوة السلاح وبيعتقلو الرجال وبيغتصبو الحريم وبيحرقو البيوت
فطبعا الدم العربي حامي صارو يطلعو خروج جماعي ويحتموا باقرب قرية اومدينه ما وصلتها قوات الاسرائيلية وبالطريق طبعا كانوا يمرو بالعديد من الصعوبات لانهم ماشيين حفاة ومعهم اطفال ونساء حوامل
انا مثلا في قصة بيتقطع قلبي لما بذكرها عن جدة امي انها كانت عمياء ولما طلعو من البيت تحت القصف ولانها ست عجوز وقعت وانكسرت رجلها فحاولوا يحملوها ما قدروا لانه جدي اعتقلوه فكانت جدتي الحامل وامي واخوانها الصغار ما بيقدرواعلى اسناد عجوز فقالتلهم انتو روحو وانا الي الله
وتركوها بالبيت وما عرفو مصيرها الا بعد شهور عن طريق الصليب الاحمر
اجوا ناس اخدوها وجبروا رجلها وسكنوها معهم مدة سنتين تقريبا وبعدين توفت. طبعا كان مستحيل حد يقدر يدخل عالمدينه ياخدها الله يرحمها .
انا عندي كتير قصص
بس بدي اسمع قصصكم

مرحبا
ولو ! الموضوع صار له يوم كامل وما حدا رد ؟
شو معقول ما في فلسطينيات بالغربة ؟
ما احنا ما شا الله علينا كلنا غربه بغربه!
وين الاخوات اللي كانو عاملين موضوع الفلسطينيات تعالوا نتعرف ؟
وين اختفوا ؟
انا توقعتهم اول ناس يشاركوا
لسه عندي امل
سلاااام

انا مش فلسطينية و لكن اقول لك انه ما ممكن ننسى فلسطين
و اللي بينساها بيكون اللي بيجري بعروقه مي مش دم يعني انسان بلا احساس
بكل ما تحمل كلمة احساس من معاني

احساس بواجب ديني و انساني و وطني و اممي و غيره و غيره

لك تحياتي و لكل الفلسطينيين الشرفاء و لتراب فلسطين و للاقصى الاسير و ان شاء الله نصلي كلنا بقبة الصخرة رغم انف الغاصب المحتل
و الرابط صار بمفضلاتي

تشكري أوركيديا هدا الامل والله
وين الباقي؟أنا صار عندي خيبة امل عن جد
انا فكرت اني مجرد اني احط الموضوع راح الاقي الف مشاركه لكن يظهر للاسف نسينا فلسطين


xxxxx
وين راحوا هلق مش عارفة!

noga2005 شكرا لك على الموقع

انا من لبنان فلسطينية 48 ومن عكا