http://www.benaa.com/Read.asp?PID=1636094&Sec=0
هذا الرابط
هذي وحده تقدم لكل زوجه العديد من النصائح
اللي تقرب الزوجه من اخت الزوج..
وبالتالي تقـرّب الزوجه من زوجها..
الأخت هذي اظن والله اعلم
ما بعد جاها نصيبها..
واظن ولله اعلم..
ان اخوها متزوج وساكن معهم في نفس البيت
واظن والله اعلم ..
ان زوجة اخوها ممشيته على العجينه مايلخبطووش
واظن والله اعلم
ان اخوها وزوجته قاهرينها بروحاتهم وجياتهم
وان زوجة اخوها ما عمرها طبّت المطبخ
والاهم من ذلك..
اظن والله اعلم...
ان زوجة اخوها حرمتها من انها تركب قدام
تعالوا نقرأ ما سطّرته انامل اختنا هذي من درر..
وان كنت اظن والله اعلم..
ان كل زوجه بتقرا ما سطّرته اناملها
ودها تشوفها علشان تسطّرها
مما لاشك فيه ان تقوية علاقتك مع أخت زوجك
تقربك من زوجك الحبيب اكبر
وتعود بالنفع عليك أولا وأخيرا
وسأذكر لكن بعض النقاط المهمه التي تقوي صلتك بأخت زوجك
وتحببها فيك وتكسبين قلبها وودها
وبذلك تكونين كسبتي قلب زوجك الحبيب
.
وش ذا الزوج اللي رضاه من رضا اخته ؟؟
اللي اعرفه ان الأم لها ثلاثة حقوق
والأب له حق واحد
اما الاخت فحقها عليه
انه يصبر على غثاها وتشكيها ونفسيتها
لين يخطبها احدهم ويبتلش فيها
..ألغي جميع الحواجز بينك وبين أخت زوجك وقولي لها جميع اسرارك
واحكي عن بعض مشاكلك لتشاركك في حلها
... لاتشعريها بأنكي تغارين منها أبدا حتى لو كنتي كذلك
ايه كبّي عشاك عندها
و قولي لها انك قبل تعرسين على اخوها :
انك كنتي تحبين واحد ..وقولي لها ان ذا الواحد
اطخم وولد نعمه..
همّن تذلّك بذا السرْ لين تموتين انتي والا هي
وبتبتزّك أيّما ابتزاز
حتى لو طلعتوا لأستراحه بتقطّين عنها
...إذا ذهبت للتسوق او لاي مشوار آخر كالنزهه مثلا
اصطحبيها معك حتى تسعد مثلما تسعدين
...أذا ركبتم معا في السياره فاطلبي منها أن تجلس في المقعد الأمامي
احتراما لها ولزوجك وأصري عليها بقوة حتى لو كانت أصغر منك
بصراحه حرام تخلينها تحرم نفسها
من اكثر شي يميز الزوج السعودي عن غيره ..
حرام تخلينها تحرم نفسها من اهم لحظه تحس فيها البنت
انها فعلا تزوجت وان لها حياتها الخاصه
و مملكتها الخاصه <B>