مافي حل الا مواجهة الفتاتين بالورقه واذا كانا فعلا صائمتان في هذا الشهر الفضيل سيكشفا الحقيقه الكامله هذا اسلم حل

أختي ROSEE
عيوني المشكله من الاساس يعني هي تربت على هالامر
بس امر تغيرها مب مستحيل
الحين انتي لازم تدخلين داخل اعماقها وتعرفين اللي ابراسها
يعني تعرفين كيف تفكر ومن اللي ياثر على تفكيرها
ما أقدر أقول أنها تربت أو لا لإنها طالبة جديدة المعلمات اللي قبلي حققوا معاها وسألوا عنها في مدرستها الأولى وما لقوا عليها شي
وبعدين أهي مو سهلة ما تقول أي شي بس تتكلم عن علاقتها بأمها وتتهمها بإنها مقصرة في حقها وحق أخوانها

بعدين البنات في هالسن يتأثرن كثير بصديقاتهن واي شخصيه مثلا الممثلات للاسف الشديد
صدقيني البنات عندهم في الهسن اشيا كثيره تخليهم يتأثرون باي حد باي انسان
وشكلها هي ما حصلت قدوه حسنه ومالقت عليها رقيب حتى

خذي رقمها يعني تيلفونها وغير انك تلتقين فيها بالمدرسه واساليها عنها وعن اخبارها وتوددي لها تكسبينها

ما أقدر أقولكم من هي قدوتها لإني ما بعد التقيت معها غير مرة واحدة وحاولت أني أكسبها وما أبين لها أني أعرف امر الرسالة بس أحاول أصلح علاقتها بأمها
أما من ناحية التربية فلي مربيتها جدتها حرمة كبيرة وتربية أجيال هالوقت غير تربيتنا صعبة الله يكون في العون لكل أم ومربية
أخذت منها بطريق غير مباشر رقم أمها حتى أتحقق من صدق كلامها عن امها بس للأسف ما ردت علي إلى الأن
أحاول أني أراقبها من بعيد لبعيد علشان ما تكرهني
مشكورة اختي على الدعاوي الله لا يحرمني منكم جميعاّ

أختي salama
الطالباتان أعترفتا ما يحتاج
المرسل لها مكتوب اسمها صعب تنكر
والثانية بعد التحريات والتأكيد على الخط أعترفت هي الأخرى
مُسكت الرسالة وهو ما بعد صار شي توها صاحبة الرسالة تقدم العرض
بس مشكلة المرسل لها لها سوابق في هذا الشي
علشان كذا الطالبة صاحبة الرسالة طلبت منها بدون حياء أو مقدمات من الرسالة الأولى بينهما .....

نسيت أقول لكم عن شي مهم
إن شا الله يفيدني ويفيدكم
صاحبة الرسالة بعد مراقبتها وسؤال المعلمات عن سلوكها
أكتشفت فيها شي
أنها تحولت لربط علاقة صداقة حسبما تقول هي عنها مع أحدى طالبات الصف الأول متوسط
لم أحاول أن أفت أنتباها بإنها مراقبة
بل أحضرت الطالبة الموجودة في الصف الأول وبدأت أسألها عن زميلاتها ومع من تسير في وقت الفسحة فاخبرتني عنها صاحبة الرسالة
سألتها عن سبب العلاقة فقالت : إن الطالبة الموجودة في الصف الثالث (صاحبة الرسالة ) هي من قدمت نفسها لها بقولها انا طالبة جديدة وأنتِ طالبة جديدة فلنكن صديقات !!!!!!!!
سألتها عماذا تتحدثان فقالت :عن كيفية مذاكرتها وعن زياراتها لإقاربها !!!!
فطلبت منها التخلي عنها بحجة كيف تكون علاقة مع فتاة أكبرمنها سناّ وأفكارهما تختلف بعضها عن بعض بحكم العمر /الدراسة / الطباع
فوعدتني خيراّ .......

اختي الغاليه اسمحي لي لعودتي المتكرره لموضوعك..

لكن يعلم الله اني أحس بما تحسين..

المسئوليه والله عظيمه..وكما يقولون منصب تكليف وليس تشريف..

وانت من الواضح انك مؤدية للأمانه ومتقية لربك في مهنتك ولاازكي على الله احدا..

المشكله ياغاليه في الطالبه..الكذب واللف والدوران..

مشكلتها الحرمان من حنان الأب والأم..مشكلة الطلاق والانفصال وراحت هي الضحيه..

مشكلتها تربت عند جدتها الكبيره في السن واللتي مهما كانت حريصه فلن تستطيع ضبطها..

اصبحت تنسج قصص وتختلق اكاذيب وكل يوم راح تسمعون حكايه غير عنها..

ياغاليه القنوات الفضائيه اثارت غرائزهم..ولم يجدوا منفسا لها..

تحتاج لأحد تبث له عواطفها..ولو تعرفت على شاب صعب..

وللأسف مالقت حل أمامها سوى طالبات مثلها..والله المستعان..

الله يعينك ويقويك ويصبرك ويوفقك..