حد منكم شاف او سمع او حس بالاشباح معرفش اسمها اشباح او اية بالظبط
بس انا حبيت احكى ليكم عن حاجة حصلت معى انا شخصيا
واناكنت صغيرة كان عمرى 11 سنة كنت مع ابى واختى فى العربية مسافرين الفيوم
فى الطريق الصحراوى يمكن زمان كان مفيش طريق فية زرع يعنى كان الصحراوى لسة صحراوى
المهم ماشيين بالعربية بالليل وفجأ’ة والله العظيم اخواتى لقينا من بعيد على جنب خيال ابيض بطول طفل صغير بيشاور بأيدة علينا عشان نقف !!!!
ابى الله يرحمة فى ذلك الوقت مكنش بيخاف من اى حاجة ابدا خصوصا من اشياء ذى كدة يعنى !!
فنزل من العربية فتح الكشاف الامامى باتجاة هذا الشخص احنا كنا بنحسبة شخص عادى وابى قال مين الست اللى مابتخافش ربنا اللى سايبة ابنها كدة
المهم نزل ابى واختفى من امامى انا واختى وكنا كتير خايفين لاننا كنا صغار
المهم جية لنا بعد لحظات وملقاش حاجة
و محبش يرعبنا ابى وقال انا متهيألى ؟؟؟ متهيألة ازاى واحنا شفناة معاة ( حبيبى ابى محبش يخوفنا)&&&&&&&&&&&&&&&&&&&&&&&&&&&&
حكاية تانية
احنا كان عندنا جارة
المهم الجارة دى فى وقت من اوقات رمضان رمت بنفسها من الشباك ( كان بينها خلافات بينها وبين ابيها وامها مكانتش عايشة) ونزلت على الرصيف اللى امام العمارة دبت على الارض دبة جامدة جدا وقعت على ظهرها الله اكبر
المهم بص ابى من البلكونة ووجدها على الارض على الرصيف
فنزل بسرعة ومنزلش احد من الجيران غيرة لان ابى الله يرحمة مكنش بيخاف ابدا من اى حاجة ولا النار ولا شىء الا (((((((( الماء ) )))))) كان بيخاف من البحر كتير
المهم نزل ابى وحاول يمسكها من ظهرها وهى ممدة على الارض فوجد ظهرها اللهم احفظنا مقطوم وجدة من المنتصف هاينزل من بين ايدية الاثنين وهو كان بيحاول يشلها بايدية الاثنين وكان بيحاول يسالها مين اللى زقك او انتى اللى رميتى نفسك لان كان ابوها جبار
وملحقتش تنطق بشىء
المهم الرصيف اللى وقعت علية كان جنبة حجر طعمية بتاع زمان كانت بائعة طعمية تقف على الحجر وجنبها ترابيزة لبيع الطعمية وكانت تدق الطعمية بهذا الحجر
المهم يوميا كنا بنسمع بالليل قبل الفجر صوت حجر الطعمية وكأن احد واقف جنبة وبيحركة بالحديدة اللى بتدق الطعمية
لا وصاحبتكم اية جرييييييييييييئة قوىىىىىىىى
بخاف بس من خيالى
&&&&&&&&&&&&&&&&&&&&&&&&&&&&
قصة اخرى وانا فى بيت خالتى القديم فى منطقة الوراق كان الشارع كتير مخيف كان قديم ومقرف المهم ربنا عفا عنهم وسكنوا فى مايو
المهم كانت العمارة اللى قدامهم فيها شقة بالدور الاول كانت مغلقة محدش ساكن فيها كنا يوميا بنسمع وانا سهرانة انا وبنت خالتى فى البلكونة نسمع صوت ماء كتييييييير نازل على الارض بداخل الشقة دى وقلنا اكيد الشقة غرقت وفى اليوم التانى قلنا لصاحبة البيت كانت ساكنة بنفس العمارة ان الشقة المقفولة اكيد غرقت فنزلت عشان تشوفها لقت ولا نقطة ماءفيها
والله العظيم يوميا كنا نسمع صوت الماية نازلة فى الشقة على الارض مع هدوء المكان ليلا والشارع كان ضيق والعمارات امام بعضها على طول فكنا بنسمع هذا الصوت
&&&&&&&&&&&&&&&&&&&&&&&&&&&&&&&&&&
وفى البيت نفسةاللى تركتة خالتى كان البيت بردوا مش تمام كان بيت تمليك وليست عمارة عشان كدة عزلوا منة لانة مش مظبوط وكانت دايما اى شىء كهربا يخرب عندهم
فى وقت العصر كنا عندهم انا واخواتى وامى فذهبت امى فى غرفة ابن خالتى عشان تنام وبعد حوالى ربع ساعة قامت امى من الغرفة بسرعة وهى بتجرى علينا واحنا فى الصالة وكانت خايفة ( امى التى تصلى ولا تخاف من هذة الاشياء ابدا ) جريت علينا وبتقول لا مش هنام فى الغرفة دى قلنالها فى اية؟ قالت لقت حد زقها من ظهرها عشان تقوم من السرير اول مرة عدتها وقالت اكيد متهيأ لها وكملت نوم تانى مرة اتكررت الحكاية دى بعدها بلحظات قالت يبقى انا مش متهيأل لى
فمبصتش من وراها من الخوف عشان تشوف مين اللى كان بيزقها عشان تقوم من السرير بسرعة فتحت الباب عليها وجت لنا جرى من الخوف لان ابن خالتى اصلا كانت بتجيلة واحدة وكانت عايزة تتجوزة وكلام من دة من عالم الجن والله العظيم ان الكلام دة صحيح والجن ذكر فى القران واكيد اللى زقت امى كانت غيرانة انها نامت على سرير حبيبها هههههه وامى برغم ذلك كانت عارفة انها دى بتجيلة وامى مخفتش ونامت على سريرة وقفلت الباب عليها ولما حصل اللى حصل بدأت تخاف من غرفتة وهو كان متدين جدااا ومصلى من صغرة لدرجة انها تنقبت علشانة عشان يتجوزها والله بتكلم بجد
&&&&&&&&&&&&&&&&&&
وحكاية كمان نسيت اقولها كان لنا جارة فى العمارة اللى جنبنا امها ماتت وهى عايشة لوحدها واولادها مسافرين وهى مطلقة كانت بتحس ان حد بيخبط عليها الباب الساعة 6 الصبح
وكانت بتفتح لهم باب الشقة وبتزعق بتحسب عيال ولاد الجيران يعنى وتنتها على كدة مدة طويلة ولما كانت ماما بتزورها كانت بتوريها على رجلها بقع خضراء كبيرة مورمة يعنى وبتقولها انها بتصحى من النوم بتلاقى الحاجات دى على رجلها
ومرة قبل كدة جت لينا الصبحية الساعة 5 الفجر وكنا نايمين صحيت انا واختى عشان نشوف مين بس كنا بنمشى براحة عشان نبص من العين السحرية لقيناها هى والله والله والله جالى انا واختى رعب مش قادرة اقولكم ولا ردينا عليها كأننا مش موجودين خفنا من الوقت اللى جت فية
ومرة قبل كدة اتهمت ماما انها قصت لها شعرها وهى نايمة يعنى كانت نايمة عادى لوحدها وصحيت لقت شعرها مقصوص فأتهمت ماما انها هى اللى عملت كدة وقطعناها عشان المشاكل ( لا حول ولا قوة الا بالله العلى العظيم)
&&&&&&&&&&&&&&&&&&&&
وافتكرت حاجة وكمان وانا كنت صغيرة حوالى بالصف الاول الاعدادى كنت فى البلد الارياف يعنى وكنت نايمة انا واختى عند ابنة عم ابى كلنا على سرير واحد والبيت كان قديم شوى على الطوب الاحمر اقسم بالله العظيم وحياة ربى انى عيونى فتحت قبل الفجر بشوى والنور كان مطفى والله والله شفت بعيونى خيالات عبارة عن راجل قاعد على كرسى هزاز وسيدة لابسة جلابية وطرحة طويلة وماسكة طبق وناس رايحة وجاية كلهم خيالات بيضا تعرفوا والله والله مقدرتش اصحى اختى او قريبتنا من الخوف ودخلت يدى داخل البطانية من الخوف وغطيت وجهى بالبطانية وانا كنت نايمة وسطهم فى المنتصف انما لوكنت نايمة على طرف السرير الله يعلم اية اللى كام ممكن يصير كان اغمى على لانى كتييير جبانة
&&&&&&&&&&&&&&&&&&&&&&&&&&&&&&&&&&
هاااااااااااااااة عجبتكم حد منكم عندة حكايات حصلت لة او حصلت لاى حد من قرايبة او شافها بنفسة او سمعها عشان تكون اكيدة لانى مش عايزة انكم تحكوا حكاية سمعتوها من حد سمعها من حد وهكذاااااااااااااااا
لا عايزاها منكم انتم شخصيا !!!!!!!!!!! ونقلبها رعب
فى رعب عااااااااااااو استعدوا وانا مستعدة اسمع حكاويكوا المرعبة
لي رجعه للموضوع