السلام عليكم ورحمه الله
الحمد لله والصلاه والسلام على رسول الله
كيفكم بنات ؟ياعساكم باطيب حال ..
اليوم جايبه لكم طريقه الوالده ربي يحفظها في طبخ اللحم خصوصا بالعزايم واللي (لاقوه الا بالله) من غير مبالغه مشهوره بطبخها نروح للطريقه بسرعه..
نسلق اللحم الطازج بمويه واول مايفوح نشيل الزفره
نضيف البصل والطماطم وشوي ثوم والملح
نتركه لين ينضج
نشيل اللحم من المرق ونحطه بصينيه الفرن
ندخله الفرن ونشغل عليه من فوق واثناء ماللحم في الفرن نجهز فحم تقريبا اللي يعبي الكفين لما تكون ملمومه <<اتمنى فهمتوا
نحطه عل النار لين يصير جمر
واول مايتحمراللحم نطفي على طول
وهنا الخلطه السريه ناخذ الجمر ونحطه بصحن حديد والا بقصدير ندخله الفرن جنب اللحم نجيب نص بياله زيت نسمي ونصبه فوق الجمر وبسرررررعه نقفل الفرن عشان مايطلع الدخان نخليه ربع ساعه (طبعا كل هذا والفرن طافي) نخليه ربع ساعه عشان يمتص اللحم النكهه ممممممم وتعاالي شوفي الطعم ..
ملاحظه ضروري مروحه المطبخ تكون شغاله عشان الريحه ماتتنتشر بالبيت
والرز عاد اطبخيه بمرق اللحم مع تعديل الملح طبعا
واثناء الرز ماهو ينضج سوي خلطه للرز عشان يجي زي البرياني
بالنسبه لخلطه الوالده هي
بصله متوسطه
نص الخلاط طماطم مفروم
2فلفل رومي مقطع اصابع
ماجي
بهارات البرياني العاديه
راس الملعقه لون زعفران
شوي فلفل اسود
اذا يحتاج ملح
نخليه مع بعض لين تتسبك صح
(ملاحظه هالخلطه هذي توفيرا للوقت نسويها من بدري )
اذا صار الرز نص استواء نسوي بالملعقه زي الحفر نصب فيها شوي من الكشنه اللي سويناها ونرجع الرزفوقها نغطي القدر بقصدير ثم الغطا ونخليه لين ينضج
يكب في صحن التقديم ويحرك بالشوكه الكبيره عشان تتوزع الخلطه من غير مايتكسر الرز
نحط اللحم المحنذ ويرش على الوجه البصل والصنوبر واللوز والزبيب المقلييين
وبالهناء والعافيه
دعواتكم
غدا" اجمل @ghdaquot_agml
عضوة نشيطة
يلزم عليك تسجيل الدخول أولًا لكتابة تعليق.
حجابي عفافي
•
ما شاء الله تبارك الله يعطيك العافيه طريقه حلوه والله يحفظ لك الوالده
Last On
•
هذي الحركه بالحم مرره تعطي الاكل لذه وتخليه له نكه روعه بس ما ادري عن اضراره
ويعطيك العافيه
ويعطيك العافيه
شكرا اختي على طريقة الوالده الله يحفظها لكم .............لكن عندي سؤال عن الزيت متى تضعه على الارز
الصفحة الأخيرة