حركه زوجي قبل الفطور

السلام عليكم ورحمة الله وبركاته
ابقولكم عن موقف مدري يزعل ولا لا
كل واحده تحط نفسها مكاني وتجاوب بصراحه بدون مجامله يزعل ولا لا
البارح قالي زوجي ابفطر مع اهلي قلت ودني للسوق العصر مادام ماوراي طبخ لان بالليل عنده عمل اكثر الايام
وافق يودني وانا نزلت وهو بالسياره ولما خلصت ماحصلته اتصلت قالي قريب ولما جاء حصلته جايب حلا نوعين وسمبوسه و اشكال معجنات
ويطلع من المعجنات ويقولي هذا روعه محله توه فاتح وقلت واضح ريحته تشهي
والحمدلله اني لما نزلت مانزلت الا الكيس حقي مانزلت الاكل
طلع الاكل مو لي لاهله نزله لهم
وطلع معي فوق غير لبسه ونزل لهم
وبعد 10 دقايق جاني ولد اخوه واعطاني خبزه واحده وبارده ومقطوع ربعها قلت مين اعطاكي قالي عمي يعني زوجي لاني استغربت امه ماترسل كذا
الحمدلله خبزه نعمه بس مايزعل انه يعرف ان البيت فاضي حتى الجبن مو عندي اكل الخبز فيه
مايقضي لي زيهم او يحط لي لو بالحبات
مع اني الحين الحمدلله مالي نفس فيها بسببه
ايش رايكم بصراحه