مالقيييت اسم
•
حريم اول مميزات بالصبر والتحمل فقط ولاكن انا اقول حريم الحين افضل لانهم مثقفات من ناحيه تربية الاطفال والتعامل مع الزوج والنظافه وغيرها من امور كانو يجهلونها زمان لاكن عيبنا مافي صبر ولا تحمل وانا أوووولهم ونتعب ونمل بسرعه
رجععععت عشان اعلق شوي على كلام الاخوات الغاليات ! اشوف انه تقريبا كلهم قالوا انه حريم اوّل افضل و أنا اقول احتمال بس مو ضروري و مو شرط يكون صحيح ...يعني ما في قاعدة نقدر نعممها .. في نقطة مهمة ابي اقولها انه لا تنسوا يا حبيباتي انه زمان كان في ظلمم كبير للمرأة خصوصا انها ما كانت متعلمة يعني ما تدري ايش اللي لها و ايش اللي عليها!!! يعني لو كل وحدة سالت عن ماضي امها او جدتها مثلا رح تلاقي من قصص الظلم و القهر اللي تعرضولها ما يدمي القلوب ! انا شخصيا سمعت من أمي الله يسلمها و يسلم امهاتكم عن قصص جدتي و قد ايش مرت بظروف صعبة و قاسية و من أقرب الناس لها لعدم معرفتها بالحياة و عدم معرفة حقوقها !! فكانت الى حد كبير مسيرة غير مخيرة .. قراراتها مو بأيدها ..ما تقدر تحل و لا تربط ! و لما تزوجت سمعت قصص مشابهة جدا من زوجي عن جدته و الظلم و القهر اللي تعرضتله في حياتها حريم اول كانوا ضعيفات مقهورات بس اصيلات يتثقلوا بالذهب الخالص ! و ضحّوا كثييير عشان نكون احنا اليوم !! يعني الزبدة انه ما نقدر ننكر انه احنا الحين فاهمين اشلون الدنيا ماشية نقدر ناخذ حقنا اذا انظلمنا لا قدر الله ! يعني العلم و التكنلوجيا و زيادة الوعي الديني و النهضة الدينية اللي ما كان زمان بهذه الصورة لهم أثر كبير في حياتنا و تحقيق ذاتنا و معرفة ما لدينا من حقوق و ما علينا من واجبات ! آسفة على الاطالة اختي (طال السفر) و مشكورة حبيبتي مرة ثانيةرجععععت عشان اعلق شوي على كلام الاخوات الغاليات ! اشوف انه تقريبا كلهم قالوا انه حريم اوّل افضل ...
حريم اول وحريم الحين كل زمن له حسناته وسلبياته
موضوع حلو للنقاش
أنا من وجهة نظري أن لكل زمان دولة ورجال ومثل مافي ذاك الزمن نساء اصيلات وربات بيوت بعد في هالزمن نساء الزين والشين في كل زمان ومكان
وأنا اشوف أن هالزمن بالعكس المرأة تواجه تحديات أكثر من اللي كانت تواجهه المرأه في ذاك العصر صحيح احنا الحين عندنا اجهزه تساعدنا في شغل البيت بس شوفوا بيوتنا كيف صارت وتعدد أصناف الطعام وأنك لازم تملين عين زوجك عن هالمصايب اللي يشوفهم بالتلفزيون والنت وبكل مكان يعني المرأه عشان تثبت وجودها بها العصر لازم تكون قويه وصبوره
بعكس زمان أول ماعندها الا هالحوي وكم غرفه تكنسهم وحتى الغدا الله يسلم الكبسه والهريس والثريد وكان الله غفورا رحيم مومثلنا ستيك ولازنيا ومكرونه بشاميل وهمبرجر وهلم جر وتعالي شوفي هالمواعين اللي تجمع عليك بعكس الأطباق الشعبيه قدر وملاس والصحن اللي تقدم الأكل فيه والسلام والزينه عندهم دراعه وثوب نشل ودق لها ذاك الديرم وتحط ذاك الدهن العود اللي يصك الراس هذي قمةالكشخه عندهم وحنا الحين استشوار وأظلال وأرواج وغلوسات وحالتنا حاله لا وعيالها من اعمارهم سنتين وانتي ماتشوفينهم الا بالشارع يلعبون مع عيال الجيران وماتشوفهم الا لغابت الشمس
المحافظه على بيتها وزوجها محافظه
هذا غير الليالي الرومنسيه والحركات اللي طالعين لنا فيها
حريم أول كانوا يعرفون هالأشياء
مثل ماقلت قبل الزين والشين موجود حتى الأول كان فيه الرفله واللي ماتحترم زوجها ولا أهل زوجها ولا يسوون عندها ريال واللي ماتخاف ربها حتى هم مب سهلين
أنا من وجهة نظري أن لكل زمان دولة ورجال ومثل مافي ذاك الزمن نساء اصيلات وربات بيوت بعد في هالزمن نساء الزين والشين في كل زمان ومكان
وأنا اشوف أن هالزمن بالعكس المرأة تواجه تحديات أكثر من اللي كانت تواجهه المرأه في ذاك العصر صحيح احنا الحين عندنا اجهزه تساعدنا في شغل البيت بس شوفوا بيوتنا كيف صارت وتعدد أصناف الطعام وأنك لازم تملين عين زوجك عن هالمصايب اللي يشوفهم بالتلفزيون والنت وبكل مكان يعني المرأه عشان تثبت وجودها بها العصر لازم تكون قويه وصبوره
بعكس زمان أول ماعندها الا هالحوي وكم غرفه تكنسهم وحتى الغدا الله يسلم الكبسه والهريس والثريد وكان الله غفورا رحيم مومثلنا ستيك ولازنيا ومكرونه بشاميل وهمبرجر وهلم جر وتعالي شوفي هالمواعين اللي تجمع عليك بعكس الأطباق الشعبيه قدر وملاس والصحن اللي تقدم الأكل فيه والسلام والزينه عندهم دراعه وثوب نشل ودق لها ذاك الديرم وتحط ذاك الدهن العود اللي يصك الراس هذي قمةالكشخه عندهم وحنا الحين استشوار وأظلال وأرواج وغلوسات وحالتنا حاله لا وعيالها من اعمارهم سنتين وانتي ماتشوفينهم الا بالشارع يلعبون مع عيال الجيران وماتشوفهم الا لغابت الشمس
المحافظه على بيتها وزوجها محافظه
هذا غير الليالي الرومنسيه والحركات اللي طالعين لنا فيها
حريم أول كانوا يعرفون هالأشياء
مثل ماقلت قبل الزين والشين موجود حتى الأول كان فيه الرفله واللي ماتحترم زوجها ولا أهل زوجها ولا يسوون عندها ريال واللي ماتخاف ربها حتى هم مب سهلين
الصفحة الأخيرة