والله فيه رجال يحزنو
من ضمنهم خالي ماتت زوجته وظل محتفظ في عبايتها. كم مرة يشوفوه وهو يشم العباية ويبكي
وظل حزين لين ماتت ماتزوج ابدا الله يرحمهم جميع
وفيه واحد امي تحكي عنه زمان تقول ماتت زوجته
وجلس حزين سنة لايتطيب ولا يتبخر
وبعد السنة اهله جلسو يزنو عليه لين تزوج

اعرف وحده توفت من كم شهر الله يرحمها
وبعدها بحوالي شهر توفى زوجها من حزنه عليها وهو سليم معافا مافيه شي

والله قلوب الرجال زي الحريم
بعضهم قلبه رقيق ويحب من قلب ويخلص ويحزن على فراق زوجته
وبعضهم والله ما طق لها خبر سواء كانت حية ولا ميتة
والواقع يشهد ..

انا خالي توفت زوجته من٧ سنوات و للآن رافض يتزوج مع انه صغير يوم تتوفى زوجته كان عمره ٣٠ ، للآن يذكرها في كل وقت و كل مناسبة و دائما يكتب عنها في تويتر .. الله يرحمها و يرحم اموات المسلمين💔

ما قد شفت والله رجال حزن على حرمته
انا لي شفته بعيني واحد من جماعتنا مات حزن بس على ابنه
ماعنده غيره وحيد وهو اصلا عنده مشاكل بالانجاب ووصل سن ٤٥ وتزوج اكثر من مرة وماجاب غيره ويوم صار عمره ١٤ قبل سنة كان يلعب بالسيكل ضربته سيارة مسرعة ومات
والاب لي يشوفه يقول مو سائل ولا همه والناس تحش فيه انه قلبه قاسي ومايهمه ولده لي مات
اقسم بالله بعده بشهرين بس لقوه ميت ببيته جاته ازمة قلبية حادة وهو مايشكي من شي الله يرحمه ويرحم ابنه