قيسي عليه كفايات وقدرات الجامعين ولا وندفع فلوس وأخرتها ننطق بالبيت ،، لو يرجعو النظام القديم الي الاسىلة من الوزاره بس نفس الكتاب أحسن هنا تبين المجد مو قدرات نهب وسلب وتعجيزية

حتى سب المسؤولين فيها انت من روافض انتم متجنسين
ابوك يالحصانه كل هذا تقديس ولا احد من اهلك هناك
وش رايك اسحب على نفسية اخوي وامجد المسؤولين حتى اطلع بنظرك سعوديه اصل وافصل
حسبي الله على الظالم وعلى اللي يدافع عنه
كل اللي طلبناه عدل وانصاف النتائج الطلاب ماطلبنا شئ مستحيل
لكن دام فيه مسؤولين مايخافون الله وفيه ناس قاعده ترقع وتدافع وتطبل لهم وتخون كل من تعرض للظلم
الله يبلاها اضعاف مضاعفه
وهذا ماتكلمنا عن الفلوس اللي يطالبون فيها
اجل اذا تكلمنا فيها وش بتقولين اسحبو الجنسيات منهم واطردوهم لعتراضهم على قرار المسؤول قدس الله سره

يعني الي ما ينجح بالإختبار فاشل ؟!! هذا كلام قوي الله يهديك إحنا وش علينا من امريكا !! شكلك ما طبقتي الكلام الي بتوقيعك

ترا اكثرهم ممتازين ورسبو بإختبار القدرات معناته فاشلين وبعضهم مهملين بمعنى اصح بدراستهم وليسو فاشلين ومع ذالك نجحوو بالقدرات والتوفيق بيد رب العالمين

يعني مو مقياس اختبار القدرات على شطاره او كسل هو بس تعقيد للطلاب والطالبات وسحب فلوس شوفي اسألتهم كيف يصيغونها

وكذالك اختبار كفايات المعلمات عقودنا الله يعقدهم سنين انتضار راحت من اعمارنا واخرتها نختبر قياس والكثير ما اجتاز وتروح عليه سنين وسنين

عشان يخف عليهم الضغط ونهب هالفلوس بغير وجه حق ناخذ حافز من هنا يروح لإختبارات الكفايات من هناك

طيب اذا فعلا بيميزون الشاطر من الكسلان يلا هالوزارء والي بالوزاره كلهم لازم يخضعون للإختبار ونشوف تميزهم

والمعلمات القديمات لازم يختبروهم بعد مو بس احنا ظلم واجحاف بحقنا

الله يفرجها علينا جميعا

^
ايه والله جبتيها
ياليت يطبقون هالاختبارات على مسؤولين التعليم خلونا نشوف بينجحون فيها ولا لا
مجرد كل شوي مخترعين لنا حاجه على حساب مستقبل الطلاب ونفسياتهم
والله ظلم وتحطييم

والله الفلوس مو مشكله بنظر مستقبل اخوي
دايم مايجيب نسبه الا 98% بسم الله عليه واخر شئ انخسف بالقدرات
دايم يفكر ومحتار يختار بين طب ولا هندسه ومحتار بينهم ويشاورنا عليها
الحين مع هالقدرات جاب 63 ومنصدمم بقووه ويكابر على دموعه
المشكله الاختبارات الاسبوع الجاي كيف الطلاب بالله يجيلهم نفس يختبرون ويذاكرون ياوزارة التحطيم
حسبي الله عليهم على اختباراتهم الزفت هذي