حسبي الله ونعم الوكيل علي اختي الكبيرة شنو سوت من وراي

اكتب سالفتي والدموع علي خدي 😭😭من صدمه من اختي الكبيرة شنو سوت السالفة اقولها من البدايه وهي عندنا قروب انا وخواتي وبناتهم مع بنات اخوي وأمهم. بالواتس أب اكتبوا بنات اخوي يوم الثلاثاء مسوين حفله لنا مع عشاء يوم الأربعاء وكلنا علقنا علي بعض وضحكنا وانا كنت فرحانه ومتحمسه مره للحفلة وافقت وكانت اختي الكبيرة جالسه جنبي وتسألني شرايكم قلت خلاص نبي نلبي الدعوة ونحضر الأربعاء واتصلت اختي الثانيه بأختي الكبيرة تقول خلاص نروح للحفلة بس ردت عليها اختي الكبيرة تقول😁اخاف البنات يعزمون وأمهم ما تدري وردت تكتب اختي تأكد من بنات اخوي وتسأل عن امهم عندها خبر ردوا قالوا ان امهم هي مبلغتهم بس ما تكدر ترد ما عندها شبكه بنهايه اليوم وقبل ما قروبنا يسكر الواتس أب اتفقنا ان الأربعاء راح نزورهم
جا يوم الأربعاء وانا مبسوطه أن نروح انا وخواتي لبيت اخوي بس الصدمة صارت تخيلووو😡عقب ما دخل وقت العصر دقت علي اختي الكبيرة تعتذر وتقنعني نرفض زيارة بيت اخوي عصبت عليها وقلت حرام عليك عقب ما قلتوا خلاص لييه ما اعتذرتوا من أمس بالقروب قالت ليييه ما اتصلت امهم تبلغنا شخصيا ان عندهم حفله اخاف ما تبي وأقنعت خواتي يجون بيت أبوي بس انا زفيتها بقوه وقلت كلام من الحره وصكرت الجوال بوجهي وانا ما تحملت كلمت بنت اخوي بالواتس انهم ما راح يمرونكم اليوم وعصبت بنت اخوي واتصلت زوجة اخوي بأختي الكبيرة انها هي اللي قالت لبناتها عشان تقتنع اختي الكبيرة بس طلعت اعذار وقالت اجيكم يوم ثاني وطرشووا بنات اخوي بالقروب انهم لاينسون موعد الحفلة ردت اختي الثانيه انها مانقدر غيرت كلامها وعصبت بنت اخوي وانا رديت عليهم بالقروب بنات اخوي أقولهم تعالو عندنا بيت أبوي عصبووا بنات اخوي وكتبت بنت اخوي قروب قطاعة الرحم وقبل ما طلعت بنت اخوي اكتبت باي قطيعة الرحم وانا صراحه تعاطفت معاهم ومدحت بنات اخوي وقلت أجي انا وامي وكتبوا الله يفشلكم علي خواتي الكبار عاد بهالحظه هذي اتصلت اختي الثالثه علي تقول عيب علي بنات اخوي يسبن عماتهن الكبار بكلمة الله يفشلكم وقطيعة الرحم وحاولت تقنعني أني ما اروح لبيت اخوي عشان يجون عند بيت أبوي بس انا عصبت وقلت والله اروح عقب ما تكلفوا وبعدين دقت اختي وما رديت وطرشت بالواتس تقول خلاص ما نجي عندكم
وسكت ورحت انا وامي لبيت اخوي والصدمة يوم الخميس جتنا اختي الكبيرة وانا علي نيتي واضحك معها وهي ناويتلي علي نيه وانا ي غافلين لكم الله ومن وين من اقرب الناس اختي تقط علي نغزات قدام اخوي وانا أتجاهل أقول حرام ما تقصدني وطلعت تقصدني طلع بنفس اليوم اللي رحت انا وامي علي نياتنا لبيت اخوي كانت اختي الكبيرة عازمه خواتي الثانيات بيتها هن وعيالهن انا انصدمت قلت لييييه ما بلغوني بس ما بينت شي قدام اختي بهالحظه هذي انا ذبحني التفكير ونغزات اختي عرفت انها كانت تقصدني وكنت متوترة جوونا ظيوف وانا كنت زعلانه علي اختي ومعصبه وجت وحبت راسي وقلت صحيح عزمتي خواتج بيتج احلفت بالله انهم ما جو عندها وسكت يوم جا الجمعه جا ولد اختي وقال صراحه حركه نجسه منهن انا الحيين انعدمت الثقه بيني وبين خواتي حسبي الله عليهن صرت انا غريبه ما اصدق الحيين مسحت كل أرقامهن وخلاص ابي أغير خط جوالي ولا راح أكلمهن عقب هالموقف ما اصدق أنهن خواتي🙈🙈 ملاحظه((نسيت لأقولها فوق هالموقف الحقير اللي سوته اختي الكبيرة تقول ان الجهال يكرهوني ما اقدر اكمل ))