حسبي الله ونعم الوكيل .. والله احترت ما ادري كيف اتصرف

السلام عليكم ورحمة الله وبركاته

سامحوني حبيباتي مابي اغثكم بس والله ثم والله مالي غيركم اشكيله بعدالله ..

اكتب لكم والدموع في عيني .. مع اني وايد مشغوله وما عندي وقت اكتب الا اني قلت بكتب يمكن حد يصبرني ويزيح همي ولو بكلمة وحدة

الموضوع اني قبل ما يخطبني ريلي (ب) خطبني ولد عمته (ج) ومع اني كنت رافضته تماما الا ان اختي قامت تحن على راسي عشان اوافق وتقولي ان الريال مافي شي ينعاب (لان الشي اللي كان مخليني رافضته موجود بعد في ريل اختي واختي مش مقتنعه ان هذا الشي ينعاب في الريال) المهم وافقت عليه بس هو قال انه يبغي كتب الكتاب في الاجازة الصغيره وانا كنت رافضه لاني كنت آخر سنه بالجامعه وما كنت ابغي شي يشغلني عن دراستي فقال خلاص انا مستعجل مافي نصيب .. عاد انا استانست قلت يت منه مو مني .. بعد هالسالفه باسبوعين خطبني ولد خاله اللي هو ريلي (ب) وشرطت عليه نفس الشرط وهو اني ما بكتب كتابي الا في الاجازه الكبيره يعني بعد ما اتخرج فوافق وبعدين سبحان الله اخوي اقنعني وانكتب الكتاب في الاجازة الصغيرة وهذاك خطب وحدة ثانية وانكتب كتابه قبلنا باسبوع ... وصلنا للزبده وهي ان (ج) من يومها كرهني وحقد على ريلي وحس اني فضلت ريلي عليه وبدا بشتى الوسائل يكره ريلي فيني لكن ماشي فايده الحمد لله ولما تزوجنا (هو تزوج قبلنا بشهر) زوجته حملت على طول وكأن (ج) قال في نفسه اخيرا حصلت الشي اللي يخليني احرهم فيه وقام ما عنده سالفه جدام ريلي الا بنتي وبنتي .. ولما يطلع مع ريلي يقوله وصلني البيت بسرعه بلعب مع بنتي احسن .. ولما حملت زوجته للمرة الثانيه جا عند زوجي وقاله يالله شد حيلك ترا زوجتي حملت مره ثانيه .. والا يقول محتاج سيارة كبيرة لان عيلتي كبرت .. وغيرها واااااااااااااااااااااااااااااااايد من المواقف اللي تخلي الحجر يتفتت فما بالكم بقلب من طين .. وأكثر موقف خلاني اموت من البجي انه قال لزوجي احسن لك زوجتك ما تييب لك عيال عشان تتزوج عليها وحدة ثانية
وعلى فكرة موبس اهو جذي حتى امه وخواته .. تخيلو اخته (م) تصير اخت زوجي بالرضاعة بس هي تستحي من ريلي وما تتصله وايد .. المهم هي عرست قبل 4 شهور وذاك اليوم اتصلت على ريلي وكان ريلي مشغول وخلت التلفون يرن لين ما قال بس فريلي خاف وقال خليني ارد يمكن فيها شي لما رد كانت تتكلم بصوت واطي بس عشان ريلي يسألها اشفيج ولما سألها تعرفون شو قالت له

تراني اتوحم

يا قواة عينها ما استحت تقول حق ريال اتوحم حتى لو كان اخوها .. لكن الحركة مفهومة حسبي الله ونعم الوكيل عليهم

سا محوني طولت عليكم بس قولولي كيف ارتاح من هالناس والله ما يمر اسبوع الا ولازم ينكدون علينا .. كل ما شافونا نضحك ومستانسين فتحوا سالفة الحمل والعيال

دلوني وش السواة معاهم .....:(