(كيكة الفراوله بالرد الثاني)
يبتلكم اليوم كيكه قديمه الي كنا نشتريها من السوبر ماركت والجمعيات جاهزه مبرده إذا ذاكرينها وكنا نسميها كيكة لندن
المهم حست بالمطبخ لين بفضل الله ضبطت الطعم او مقارب لها لانها انقطعت الحين من الجمعيات المهم سويت كيكة الزبادي والي مايعرفها هذه مقاديرها (ملاحظه مقداري بكوب الجبن الكبير )
3بيضات -كوب ونص سكر عادي -فانيليا اشوي يخفقون بالخلاط جيدا ثم نظيف علبة زبادي (روب) ويفضل كامل الدسم احسن
ونظيف ثلاث ارباع الكوب زيت واشوي خل ابيض نقاط بس عشان زفره البيض
ثم اظيف كوبين طحين ابيض وملعقتين وسط بيكنج بودر واخلطهم جيدا بخلاط الكيك ثم تصب في ماعون دائري مدهون ومرشوش بالدقيق
تدخل فرن مسبق التسخين واتركها تنضج
ثم بعد مااطلعا من الفرن ابردا واقلبها وبعدين اقطعا من الوسط واسويها شريحتين متساوين وعذروني ماصورت الخطوات لاني ماتوقعت انها راح تضبط معاي لاقوة إلا بالله وبعدين اكون امجهزه 3 اظرف كريمه دريم ويب اكون خافقتها مع نص كوب حليب بارد لاني ابها جامده اشوي موخفيفه وابردها قليلا قبل لا احشي فيها والافضل ان تكون الكريمه رفيعه الشوي شوفو بالصوره اشلون رفيعه المهم بعدين
احشي بها الكيكه وبعدين اجيب باي فيلك او خليط الجيز كيك الجاهز المعلب ويفضل ان يكون توت اوزع التوت بعدين اوزع الصلصه لاتحطون كل العلبه بس نص كافي
وفي ناس تحط مربى توت وكل على راحته وبعدين اغطيها بنص او بشريحه الكيك الثانيه وارش سكر بودره على الوجه ويفضل قبل التقديم احسن وخليها بالثلاجه حتى تبرد تماما تقريبا مده لاتقل عن 4 ساعات وكل مازادت مدة التبريد كل ماكانت اللذذذذذذ وبعد الثلاجه رشي الوجهه بالسكر البودره وتقدم
شوفو الكرز بالصوره اشلون طالع يممممم
وهذه قطعه لذيييييييييذه
وهذه ولاالذ مع كوب الشاي
وهو 6 حبات جبن كيري +نص علبه الكبيره حليب نستله المحلى وبس تقدم بالعافيه
هذه من الداخل شوفو الاوريو والصلصه من فوق والالوان الروعه
ابصراحه الوانها وايد حلوه والطعم احلى واحلى وإن شاء الله اشوف تطبيقاتكم وموفقين