حصل موقف مع زوجي مو قادره انساه

كيفكم يابنات
انا متزوجه وساكنه في منطقة ثانيه واهلي جو عندي زياره عشان خالي كان متنوم بالمستشفى وكانو يبون يزورونه وكلموني قبلها بيومين قالو انهم بيجون عندي وقلت لهم حياكم الله <<< وانا منحرجه مره زوجي متوظف بس مادري وين يودي راتبه مايطول معاه ابد وانا قد كلمته ان البييت فاضي يحتاج مقاضي في المطبخ عشان اذا جو اهلي اقوم بواجبهم كان يقول لي ماعندي من وين اجيب المهم والله العظيم انا توقعت انه بيجيب مقاضي مهما صار وانه مستحيل يفشلني كذا لكن مع الاسف في الوقت اللي وصلو اهلي فيه كان 8 بالليل والله حطيت القهوة وانا حتى تمر مافيه غشان اقدمه لهم وقلت يلا يابنت الحلال لاتضايقين عمرك مع اني كنت مفتشله وذي اقوم بواجبهم لاننا لما نروح عندهم مايقصرون معنا وجت ساعه 10 ومافي شي اطبخه وقت العشاء جايين من سفر اكيد جواعا قالت امي حنا بنام تعبانين وانا شوي واصيح ودي اقولهم والله ماتنامون لين تاكلون سلامات بس اعرف مافي شي لقدمه لهم وانا جهزت لهم الفرش والغرفه ونامو واروح اجلس بغرفة النوم ارسل لزوجي بالواتساب اقوله يعني اهلي نامو وهم حتى ماتعشوا ولا شي مو فشله كذا قام قال لي وش اسوي مابيدي شي من وين اجيب ماعندي شي قلت له تصرف شوف ابوك يسلفك او اخوك او احد من اصحابك قال مستحيل احرجهم وقلت انا انحرج عادي ؟؟ تخيلو وش قالي انصددددمت وكرهت نفسي قال لي انا بروح انام في الديوانيه قلت له تنام برا وابوي واخواني عندك في بيتك عيب عليك طبعا انا مابيه يفشلني اكثر وحاولت انه مايطلع ويتركهم المهم اني رحت كلمت وحده من صديقاتي الله يحزاها خير ويفرج همها وحولت لي مبلغ بسيط ويوم صحيت الظهر الا وتخيلو ابوي جايب غدا وجايب اغراض في الثلاجه وانا هنا انهرررت مابي احس اني مو قادره اقوم بواجب اهلي في بيتي وكنت ادخل الحمام الله يكرمكم وحوبتي تحرقني في صدري وابكي وامسح دموعي واطلع لهم بابتسامه وطبعا الزوج العزيز في هذي المرحلة كان زعلان ولا يكلمني مايبني اطلب منه شي بنات امانه
انا كيف موقفي والله مو قادره انسى هذا الموقف وانه زوجي ماوقف معي واستقبل اهلي زين وسحب يده من الموضوع 😭😭😭💔💔💔 احس اني لما اشوف وجهه اكرهه واقول بيني ويين نفسي لو انه رجال ماتركني افكر وانقهر اني ماستقبل اهلي كويس
ولعلمكم يابنات هو راتبه كويس بس مايحب يمسك الريال لليوم الاسود ويعطي اهله ويصير كريم معهم بس في بيته لاا