حطوا نفسكم مكاني ، التفكير ذبحني ارجع لبيتي او اتطلق

مساء الخير

بنات انا صارت مشاكل مع زوجي من سنه ونص لقيت خيانه في جواله صور سهره خاصه وبعدها صرت اشك فيه واحقق معه كل يوم على اتفه شي وعشنا على هالوضع سنه لانه كذاب ويكذب كثير المهم قبل 6 شهور جينا عيد الاضحى في مدينه اهلنا وكالعاده تركني في بيت اهلي واخذ شقه لحاله ( دايم اقوله بجي عندك ويرفض يقول انا اطلع من الصبح لليل ويدور اعذار ) المهم عيدنا وخلصنا وقال انا بسافر قبلكم وبحجز لكم بعدي بيومين قلت طيب بعدها تهاوشنا على موضوع وانا زعلت وهو اختفى ، لاعاد ارسل ولا دق ولا شي فص ملح وذاب وانا سكتت لان كل مره انا اللي ابادر واسأل ، المهم مر شهرين وبدت المدرسه وسجلت ولدي اولى ابتدائي وبدء الترم الثاني وسجلته ترم ثاني وهذا ولا شي بس يرسل المصروف كل شهر ، مره فتحت السناب الا الاقي انه مسوي سنابين انا مابحثت ولاهمني بس طلع لي فجأة في الاشعارات يعني تخيلوا تارك زوجته وعياله لايسأل ولا شي ومسوي سنابات يكلم الرخيصات ويقضي وقت معهم ، بعد مرور 6 شهور عند اهلي قلت ل اخوي يكلمه يطلب ورقتي طبعا اخوي ماقدر يطلب طلاقي بس سأله وش السالفه وقال له لازم تتعدل وتترك الخرابيط ، ومر اسبوعين بعد مكالمه اخوي ولا حياه لمن تنادي بالعكس سفريات وفالها مع اصدقاء السوء ، وبعدها ارسلت له يا يطلق يا اخلعه وبعدها خاف كلم اخوي يقول بيحل الموضوع وارسل لي مسج زي وجهه بارد جدا وانه تغير وبيترك الشرب والسفريات طيب وال 6 شهور ذي انا بدون مشاعر !!!!
ووصلت حدي وبكلته من اسبوعين وبعدها صار يدق على خالته تكلمني ويدق على اخوي

انا اكثر شي قاهرني غير انه مهملني كيف تركنا 6 شهور بدون لاكلام ولا شي ولما يسألونه ليش سويت كذا يقول ابيها ترتاح من الشك  ! وش رايكم
انا عيالي مره ازعاج ويتضاربون كل شوي تعبوني معهم وابوهم من 3 شهور ماشافهم ولا كلمهم ولا فكر يشوفهم