السلام عليكم ورحمة الله وبركاته
ماشاء الله تبارك الرحمن
ماشاء الله تبارك الرحمن
ماشاء الله تبارك الرحمن
أخواتي الغاليات .. عضوات عالمي الحبيب
هذا أول موضوع لي في هذا القسم .. فلا تحبطووووني وتسمعوني كلام مو حلووو .. رجااااااااء .. وياليت تذكروا الله وتقولوا ما شاء الله ..
أنا لي 6 شهور متزوجة <<< يعني توني عروووس واللي يقول غير كذا يا ويله مني هههههه
الشهر الماضي كنت مسافرة أنا وزوجي عند أهلي في إجازة
ولما رجعت بيتي تعبت مرة وكنت بحاجة لـراحة .. فجلست اسبوع مرتاحة ما أشتغل
قدر الله اني أتعب زيااااااااااادة والحمد لله على كل حال ... الله يعوضنا خير
وبصراحة هالأيام كان يبغالي اهتمام ورعاية وتغذية بشكل أكبر
كنت شايلة هم لأني لوحدي وكنت محتاجة أهلي كثير.. لكنهم بعيد .. والله ما أراد أكون بينهم
الخلاصة ..
انو زوجي الله يسعده يارب .. بالرغم من انشغاله في دوامه .. ما قصّر معي في هذي الأيام ..
وقف بجنبي واهتم فيني ..
الأكل جاهز وأحيانا هو يسويه . . يرفع البيت ويرتبه
.......
وقف معي وقفة رااااجل مستحيل أنساها له <<< قولوا ماشاء الله .. يارب تحفظه ولا تغيره عليا
المهم .. أول ما استعدت عافيتي وقوتي ولله الحمد .. حبيت أشكر زوجي على وقفته معايا .. عشان المرات الجاية ههههه
لا بجد وقفته كان لها أثر كبير في نفسي ..
فكرت .. فكرت ..
بس للأسف ما عندي خيارات كثيرة .. لاني لوحدي ومو كل شي متوفر
قلت أشتريله هدية وأقدمها له .. لكن ماقدرت لأنه يروح معايا كل مكان ..
وما عندي احد أوصيه يشتري لي
أخيييييييراً..
قررت أسويله حُفيلة بسيطة ..
يعني عشاء بطابع رومَيْــنَسِي <<< تراها تصغير رومانسي ههههه .. مو غلط بالعنوان !!!
ولاحظوا اني قلت من البداية انو مو كل شي متوفر عندي .. يعني شي بسيييييط جداً .. لكن حبيت أبث السعادة في بيتنا .. وأسوي من لا شيء .. شيء ..
وأفرحه .. وأحسسه انو سوّى شي عظيم بالنسبة لي
رفعت البيت وبخرته وسويت الأكلات اللي تعجبه:::
بيتزا .. وخلية نحل .. وبطاطس مقلية مع أصابع السمك المقلية .. وورق عنب جاهز .. مكسرات .. فاكهة .. بيبسي .. قهوة .. سويت تورتة حلوة وزينتها بالفليك ورسمت عليها قلوب .. ووووبس
أحلى شي إني ما طلبت منه شي .. كلللللللله من الموجود والمتوفر ..
راح الدوام ولما رجع اتفاجأ ... <<<< وهذا الشي الحلو في الموضوع .. انه ما كان متوقع أبداً .. يحسب حيكون زي أي يوم عادي ..
هذي صورة التورتة بس معليش القلوب طلعت معوووقة هههههه
الطاولات اشتريناها قريب قلت خليني احتفل بقدومها (:
جهزت كل اللي سويته على الطاولة وصورتها لكم .. بعد كذا قفلت الأنوار ودخل البيت على ضوء الشموووووع .. يا سلااااااام
تفضلووووووو بس لا تدققوا في الصور .. كبريت داخل عرض .. وكاسات بلاستيك خخخخ ..
مو مهم هذا اللي توفر عندي .. (؛
لما جيت أقدم التورتة .. حصل لها حادث مروري وتشوّهَت .. قمت غطيت ع الحادث بالشموووع وسويت كأنه ماصار شي
وهذي البيتزا و ورق العنب .. حق نفرين طبعاً خخخخ
وهذي خلية النحل
وهذي البطاطس المقلية وأصابع السمك .. والمكسرات
مشاااعر زوجي الغالي::
اتفاجأ مرررررة .. وانبسط أكثر .. وحس انه سوى شي عظيم .. وتأكد انه في بالي على طووول ..
وطوال الوقت : يعطيكِ العافية .. مو معقووول .. كم قعدتِ تجهزي وتشتغلي؟؟ .. يا الله ارتاحي تعبتي اليوم عشاني ..
وأبشركم صباح اليوم الثاني وهو رايح للدوام .. قمت بسويله الفطور .. قام قال: ارتاااااحي لا تقووومي مافي داعي تسوي فطور اليوم .. شبعان ..
وعاد أختكم في الله ما صدقت <<< كملت نومتها ههههههههه
حبيباتي :::
أنا أعرف انها أشياء بسيطة .. وأكيييييد حُفَـيْـــلتي ما تجي شي قدام حفلاتكم وابتكاراتكم ..
ما شاء الله تبارك الرحمن
لكن نزلت الموضوع عشان أوصّل لكم .. شي وااااحد ..
كل وحدة فينا تقدر تبث السعادة في بيتها وبأبسط الأفكاااااااار
الحين كل وحدة تروح تفكر في أي معروف سواه لها زوجها ..
وتشكره بطريقتها وتسويله زي حُـفـيْـلتي
والله ما تاخذ منك 3 ساعات في المطبخ .. ومافيها كلافة أبداً ..
غيري الروتين واكسبي رضا زوجك
حتشوفي كيف حيفرح وكيف حتكبري بعينه
معليش طولت عليكم .. بس عادي أول موضوع .. لازم الثرثرة الزايدة خخخخ
ياريت أشوف ردود تفتح النفس .. ودعووووات حلوة
أختكمــ .. قــلب الأمــة ..
واللي عجبها موضوعي .. تزورني في مواضيعي الثانية .. ههههه
ترى حلوة وما حتخسروا شي ..
تعجبني ست البيت اللي ماتشتري شي من برا وكله شغل يدها له طعم سبحان الله