حفلة تنكريه < قصيميه . فارس > اللي تبي توسع صدرة تزرق

هلا بكم كلكم يالسلنتح .. مبسوطيين هاااه وشعليكم متكين بهالترفيه أكيد ماعندكم إلا قوة كركره ومهياط >> يابثرتس
شكل تسبودكم طاقه تبونن أكتب موضوع أدري أنكم تحلمون بي وبالساعه اللي تشوفون موضوعي منرز بقسمكم أدري انكم صبرتوا وهذي ثمرة صبركم يالبى قلبوكم كلكم >> يناس اقرب نعله له لاابو من علمه المقدمات
هااه شخبار سوقكم يالشباب ماشي وإلا نايم >> يقالها كاشفتهم
>>> ياشين اللي يشرب لبن همن يكتب موضوع تحسه محشش وهو يكتب وماتسمع إلا قوة متاغر المهم عااد مابي اطول السولافه وهي قصيرة بنخش دوغري بالموضوع > وهـ مابغت تخلص المقدمه اللي مدري وشتبي


هذي سالفه صارت لي انا وفويرس وبقولها لكم على لساني ولسان فارس البثر بعد ليصبح اول موضوع يلقى من لسانين ..ويكون كأول دويتو بالترفيه
مرتن من المراريت كنت متكيه على المركا واناظر المروحه اعد كم جناح للمروحه وهي مشغله على واحد عجزت اعرف احس عيوني صار تتدور دوران مهوب صاحي ماوقفه إلا فويرس هالغبي دخل يده بعيني لين تعرقلت الحركه
قعد فويرس هالدوب وقال قصيميه ماتتركين هواياتس اللي مدري وشتبي يختي استحي ياكمخه وتملحي غديتس تنخطبين ونفتك منتس .. وش انخطب ياتبن ماخليت عرس(ن) مارحت له وترززت فيه شسوي بعمري يعني أشقق خلاقيني عشان يرحموني ..بلا من خراقتس مايخطبونتس يادبشه وإلا اللي كبرتس جدات .. يوم سمعت كلامه وتطقن الغلقه وقعدت ابتسي ونخاريري من قوة الصياح تصبصب من كل مكان يوم فاض خشمي صارت تطلع مع اذاني ..المهم قال مايلامون ذا كبرتس وماتعرفين تتصرفين بهالفيضان شوفي عندي لتس فكره خلين اشووف وضع العروس عندكم وشلون يعني تدخله ؟ ايه ادخله يادبشه بس مهمة دخولي عليتس دبرين اشووف ..وش تدخل ياسربوت نسيت انك ولد ووجهك ملحط مابوه ولا معالم انوثه بعدين بيكشفونك الحريم وقصمن بالله ان توصل فضيحتي لجلاجل ياغبي .. الحين انتي ماتبين تنخطبين ؟! هاااه إلا ابي ( وجه نافضه الحياء )خلاص اجل انطمي وورين وشلون الوضع عندكم من فله ووناسه ورقص ولتس علي لااوديتس لفلتنا يالشباب
خبل انت تودين لاستراحه شباب ... وش استراحته يابقره بوديتس لمباراة للهلال وشوفي الشاب اللي تبينه واشري عليه بس >> يغرين هالتبن
طيب طيب موافقه


اتفقنا انا والهدر فويرس ان كل واحد يسوي مثل الثاني في مكانه بكل شي باللبس بالطبع بالحركات الاستنساخ
وقلت له انا اللي ببدأ بكرى فيه عرس ( لحصة الصباحا ) وباخذك وبوريك حالنا ووناستنا يالبنات ..طبعا بتقولوون وشلون عرس ومعك فارس هالشين ووشلون بروح الملعب وكله عيال وتماسيح يخوفون
راح اقول لكم هنا هي القصه وهنا هي احداثنا حيث احتكينا بالجنسين مره فارس بالكوافيرا والعرس ومره انا بالمعلب ووسط المشجعين
المهم ماراح اطول عليكم راح ابدأ ونسولف لكم انا من جهه وفارس من جهه..


وانا اللي ببدأ >> عقب ماسوينا انا وفارس قرعه
يالله بسم الله >>> عشان ماينشبون لنا الجاده ويشككون بديانتي سميت
اتفقت مع فويرس يجي الربوع عشان نستعد للعرس من الصبح يالله يقضون من خشته اللي تقيل مدعوكه بتنكة كليجا ومنسيه خشتوه به وملقوعه بالشمس
المهم فويرس يبيله ترميم من أول وجديد وعساه يتعدل هالشيفه بلشت به بشيل له حلاوه همن بوديه للكوفيره همن اللبس وقصمن بالله اللي يوافق على الفكره ملحس مخه شقلت هالدلخ فارس معي ويقول وين يابنت الحلال وين بتشقليني لمشغل ماودك تأكل تبن وتنطم بتشوف وين اوديك يعلك منب قايله المهم ويجي واحلق شنبه واحلق ذقنه طبعا انواع الصراخ وقطعت وجهه تقطيع كنه توه طالع من مضاربه وأجيب ذيك الحلاوه وأشيل شعر يدينه واباطه اللي تقيل اباط باكستاني مخمج وهو من زينه يصارخ بعد شين وقواة عين شلت له وطلع يلق تقيل ولد اشوام محترق واروح اكرف يديني من عقبه لاني حالفتن لو ماراحت الريحه لااروح ابترهن وأجيب له تنوره ضيقه وأجيب له ذيك البلوزه واقول له ألبس اشووف ويلبس طلع شكله بنوته مسترجله بس بدون صدر شكله عدام لو هو بنت صز تفلت بوجهه جبت له بلونات واتفخهن بماء وألصقها فيه . شف يالغبي ياويلك تحربش بهن وتطلعهن قدام الحريم .. طيب وراتس حاطتن لي مويه بهن اجل وش احطلك خدودك يالغبي اقول ماودك تعض على شحمه وتنثبر وأجيب بلوزه هاي نك علشان مايبان انه بلونات ويضبط شكله واجيب له عبايه عاد يالله شف المشيه خذوا وخلوا شفتوا هيجاء الله يحلله عنده هالنقاب رايحن غلطه هالمسكين عين نصه طالعه والثانيه ماطلع إلا الحاجب ( تسنه المسيح الدجال ) والا العباية يحلفون ان اللي متغطيه شغاله حتى الشغاله اسنع منوه تعرف تدبر روحه وجلست اعلمه على الممشا لين تعدلت مشيته العرجا خليته يتغطى ولبسته فوق النقاب طرحه عشان يغطي هالعيون اللي ولاعيون ارهابي
وناصل الكوفيره وأول مادخلنا البنات يناظرون فيه اكلوووه وش هالمسترجله مايلامن وقصمن انا احترق من داخلي ودي شاقلته على قفاه عشان مااتفشل مره ثانيه
وانادي الفلبينيه وتجي وقالت اااااايس هاداا تسريحهه بوووووووي لأن شعره قصير .. شوفي عليتس بوه مهنا لون لاتخلينه ليصي بهالخشه لين تزبط زبطته وزينته وطلع اششوي لطخت بوه شدو وكحل وبلاشر وحطت قلوس هو صدق محومن تسبدي بس يقاله مليح عند شيل الحلاوة رجعنا البيت واخترت لوه فستان ونعمه جاء مقاسه اللي مدري وشلون جاء لا طول(ن) يفتح النفس ولا جسم يفتح النفس ابد معبي شناط مع جنبوه ماأدري وراه مايترك هالهمبرقر جينا للنعال عطيتوه كعب قديم(ن) عندي يخب عليه .. الا ويتشقلب هالدبشه حاس ابو التسريحه والمكياج صدق اني مستانسه عليه واضحك لو مايجيه إلا هالتهزيء والتريقه عليه خليته ياخذ بروفات بالمشيه لين ضبطت شوي وهو وجهه كنه حسران متعور من الكعب ويلبس فويرس الفستان واعطيه الشال قلت خله عليك لاتفسخه . وانتي وراتس تمشين كذا ابي اتبرد مثلتس . من زينك بعد تبي تتفسخ تبي الحريم يهجن اقول خله عليك واهجد ياغبي والله قايله السلنتح حدهم التحجيرة بالبيت ..ويكمل لبسه ويلبس الكعب ويطق الطرحه مستعجل على الروحه الاخ الكريم وهو محتاس لامشيه ولا شكل كلش عدام وجه انواع الغلطات المستعصيه


ركبنا السياره وندخل القاعه وانا رجليني تصافق من الخوف والعالم تناظر هالخبل وانا يقالي ابتسم واجره وراي لو يحصلي فصخت كعبي وجخرت رأسه هاللي مليان مخارج من كثر الفلقات لو تشوفون الحريم أنواع التعليق وانا مغير العنه بنفسي يعلقون على المشيه والثوب وهالخشه المدهونة بتشكيله مائية جلسته على طاوله وحذرته لو يحتسي أي بنت اصلن منهي هاللي بتجسر وتقرب منه .. ونبهته لو احد يسأله من أي جهه قلت له قل أنا صديقة العروس ولاتهرج واجد ولا اشوفك ترقص ولا تستنزل على اغنيه تفضحنا واناظره فاهم ؟!! ايه فاهم ماتسوى علي هالمذله . لايكثر وخلك ساكت لااطلع حرتي فيك قدام الحريم رحت انا مع البنات وخليته وأنا أسولف معهن إلا وتطيح عيني عليه وألقاه طاق حنك مع البنات الخبيث واجي اقاطعهم وامعطه مع اذنه لين سحبته للطاوله مره ثانيه
وتعذرت من البنات اللي كانوا يسولفون معه رحت رجعت لـ هالمسترجله ماتفهم انت يدخل منا ويطلع مناك مهوب أنا وقصم هم جوا لمي وسألون عني
وش سألوتس ياحسرتي ؟! قالوا من أي مشغل مسوي مكياجك وتسريحتك وصجون ببحة صوتي خلاص انثبر بس يالمزيونه على غفله ترى ان طاحت عيني عليك مره ثانيه مايردك إلا الطلعه مع باب القاعه
المهم وتجي
اقول لحظه لحظه امي تنادين ..... كمل فارس لين اجي
اهلين وسهلين بنور العين >> >> ياكثرك كمل بس

ياناس تراه نكبه وفضيحه وماتنعطى وجه ===<<<باين انه متأذي الضعيف

قصيميه عساتس اللي مانيب قايل فضحتينا عند خلق الله مابقى شي الا وقلتيه مابقى تقولين الا لون الروج بعد اللي حاطه

المهم وين وصلتي انتي ؟

ايه ايه .. المهم الشينه قصيميه صراحه قالت لي لا ترقص بالعرس علشان ماتفضحنا ويبان انك ولد قلت ميخالف

بس الله يقلعها الطقاقه من اغنيه حلوه وتهيض الى اغنيه احلى وانا اهز لحالي بالقاعه صراحه عجزت امسك نفسي انطربت

الا يوم غنت الطقاقه ...

ياهل الروووووووح تعبانه
جيبوووووووووووو لي دكتووووووووور نفسيه

وأنا صراحه خلاص مامسكت نفسي واجي اتقدم وانا اسحب كراعيني بالكعب الله يقلعه مدري وشلون يالبنات تتحملونه

المهم وأرقى المنصه وهاتك يارقص وهز خصر ورزح

والكلبه الطقاقه تهيضني تقول ورى ورى يأم احمر عليهوم عليهوم .. وانا داخل(ن) جو

وبنت ترقص معي وبنت تقابلن وترقص ...

الوكاد وانا قوة هز ورقص لين تقطعت رجلي كله دم المهم واجلس عقب ما دخت وأشعلت القاعه رقص وهبال ..وقصيميه هي وخشمه حقدت علي ==<< معليه ياقصيميه اكلت الجو


خلصت الاغنيه وانزل من المنصه وتناظرني قصيميه بطرف عين واجحده واخليه ماامداي اتواسى بجلستي على الكرسي إلا وتغني الطقاقة

هلي لاتحرموووني منه

هلي لاتبعدوني عنه

مثل ماهو قطعه مني انا تراني قطعه منه

وماتسمع إلا تصفيق وصراخ من البنات تحمست الله يغربلهن منهن وتطق الطقاقه بكل مااتيت من قوة

عجزت اقعد واروح اركض للمنصه قبل تخلص الاغنيه وعشان احجز لي قنزة ارقص به وانا من كثر التحمس وأهز الكتوف

إلا طلعت تفيخه من صدري ويناظرونن الحريم وعلى طول ناظرت قصيميه ابيه تنقذن من اللي أنا بوه قصيميه تقلب وجهه

صار ألوان هالمسكينه وتوقف الطق عقب ماشافتن الطقاقه والناس حوسه وغوثه كلهم يعلقون على اللي صار وتجي لمي قصيميه

وتدخل يده بصدري وتقبصن مع صدري لين تورم ويناظرونه الحريم شاكينن به وهي اللي تهدي الوضع......

وتقول معليش العذر والسموحه ياجماعة الربع بس هالضعيفه الله يكفينا واياكم الشر جايته عين مع صدره هاللي كنه فص ثوم وجاه الخبيث اللي يحمانا يستر علينا وعليكم

واضطروا يستأصلون هالنتفتين وعييت تروح للعرس بدون صدر وحطيت له هالتفيخات اراعي شعور هالمسكينه اللي فقدتهن وقعدت تصيح قصيميه

وتناظرني تسنه تقول دمع يادبشه وتقولهم قصيميه حرام عليكم قلبتوا المواجع علينا ماصدقنا نسينا

ونطلع من العرس بعد هالفضيحه اللي صارت ونركب السياره ونحرك نبي نروح للبيت

وبالطريق سببنا زحمه ؟؟!! العالم تلحقنا والسيارات تتصادم لعيوننا

طبعا كلها اختفت ماعدى واحد نشب لنا قلت قصيميه ... قالت هاه . ههههه وهي خايفه وانا اضحك

قلت لاتخافين بسوي حركه قالت وشي قلت الحين تشوفين شرط ياشيخه مايقبل عليك

قالت نشووف

المهم وأحول وانفش شعري وافتش عنده تسني جني واطلع لساني الا يوم شافني

صراحه مدري جلس يتراجف بسيارته .. وطفت سيارته ماألومه صرراحه ختشي ماعت عقب العرس وخرب كلش

بعدها رجعنا البيت بسلام

قعدت العن قصيميه على هالكعب اللي عطتني اياه اللي عجزت لأفك رجله مني الا بدريل علشان افكها

يوم تسبحت ومسحت كلش ناديت قصيميه ترى الوعد بكرى علشان نروح المعلب

يوم جاء العصر يالله يالهيسه يالله يمدين اعدلتس لمباراة الهلال والنصر

جبت ثوبين معي وشماغين وعقالين واجدعهن بوجه قصيميه قلت روحي البسي الا وراحت

يوم جت ياناس طلعت كنها خكري

المشيه مشية بنت طبعا المعالم الأنثويه بارزه الشعر تبان صبغته مع الجوانب وذيك البشره الصافيه

جيت قلت لها وين يا ام الشباب كل الملعب بيطب علينا علشانك والله أن يسحبون على المباراة

راحت غرفتها وعدلت بعمرها وجت واشوى اختفت الملامح الأنثويه

استغربت وشلون قدرت تخفي هالمعالم سألته وشلون ياجنيه مهتويتن للروحه

أبد يالشين رحت غرفتي ولبست ذاك المشد اللي خنقن واخفى عموم الملامح الانثويه .


قعدت اناظرها وفاطس ضحك مبتلشه بعمرها لاتعرف تلبس شماغ ولاتعرف تلبس طاقيه

المهم وقالت بتذمر لعنبوا بليسك يالثور كل طواقيك الله يغربل بالعدو اكبر من رأسي

ولا صفراء بعد من كثر الكررررف صار الواحد مايفرق بين داخليه وطالعيه مختفيتن كل معالم الطاقيه ===<<< تذب علي هي وراسه اللي كنه كمثرى يابسه

جيت وضبطت وضعها وخليتها ترسم وطلعت ولد بملامح بنت

ونركب سيارتي ونروح قبل مانروح الملعب محل مكسرات علشان الحب والفستق وماتشوف إلا قوة فرم بالملعب

وأنزل انا وقصيميه لمحل المكسرات الصراحه مليانن بنات الا ويطالعون هالهيصه قصيميه وقصيميه دقت اللطمه خافت احد يعرفه وانا اهمس بإذن قصيميه شوفي يطالعونتس==<<<ولد وأطخم اكيد بيناظرون والطخمان منقرضين هالوقت

هنا ناظرت قصيميه بكل خبث وقلت شوفي
يقولون وش هالشرخ بالله رقميهم لي يا قصيميه وتجي تدعس على رجلي وقالت لي على تبن يالداشر

وحنا بالطريق لم الملعب انا مااعرف إلا دعس بهالطبلون وقصيميه متشعمطتن بالمرتبه وتصارخ بوجهي يالثور هد ماتشوف هالزحمه

أي زحمه ياخوافه ماعليك منتي ميته قبل يومك تراتس ام سبعة ارواح


شغلت الاغاني على اعلى صوت وقعدت أهز بدميجتي على الغربي تسن بي علم ورحت بعالم ثاني وانا طاير شفت الرادار لقطني

هنا ناظرت قصيميه اللي ناشبه كنه قصدير على المرتبه وقلت الرادار لقطنا
قالت يعني وشو .. قلت بيوقفنا وبيصكنا مخالفه
واوقف وقصيميه من الروعه انبح صوته قلت الله يعين لايقولون عطنا بطاقة اللي معك وانتي مامعتس شيء

ويجي ذاك الحنيسه .. يقوول سيلام علاكم ..قلنا وعليكم السلام .. وينتبه لنعومة صوت قصيميه ويلتفت عليها الكلب ويفهي

ناظرته انا وقلت امر يبوي ..وش بك ..سم ...

قال هاه .. انت اثباتك واثبات خويك
ليه تبي اثباتي وش مسوي ؟؟==<<<بجيح

قال يالاخو تراكم مسرعين ..

طلعت اثباتي وعطيته وأشر على قصيميه واقول هذا ولد عمي مامعه اثباته الرجال ناسي بوكه بالبيت

ويناظر الجندي قال كيف ينساه خله ينزل ...من الروعة نزلة قصيميه وأنا قعدت اتناقر انا واياه........ ويركبونها الدوريه

خافت قصيميه والدموع متحجره داخل هالدموع وأنا اصبرها لاتصيحين تفضحينا وهي والله ماجابت خبري

وتركب الدوريه الهدره وأنا جلست اتلاقط مع الجندي وقصيميه تقولي يالهدر حسن أسلوبك واكسب الرجال

يوم شفت ان الجندي مافاد معه حطيت في مخباته بكتين ابو بس ضاربتها الشمس ناسيها واحد من الدشير معي ...ماوعيت إلا وهو يقولي ايه هذا الكلام يارجال ..
ابو بس منقطع من السوق ياخي ... ولا يصك الراس الا هو في هالدوام

وقصيميه تناظر مستغربه وش هاللي خلاهم يضحكون وانقلب كل شيء بعد المعركه اللي بغت توصل

والتفت على قصيميه الي كنه تقول بينه وبين نفسه هين يالتسلب منيب قصيميه إذا ماخليتك تعلمن وش اللي صار مع هاليابس

شوي الا ويروح العسكري ويسحب قصيميه ويطلعها ===<<<كنها بس متلوي

قال اسمع علشان ولد عمك ... ووجهك وجه خير وباين انك عاقل بنفكك هالمره ==<<<الا والله علشان دخان ابو بس يالداشر هو اللي توسط لنا

والتفت على فارس وهو يبتسم ... وقاله العسكري الله خلق وفرق .,.. هذا وانتم عيال عم بس فرق الثرى عن الثريا ===<<<شاف قصيميه وانسكر وانا وجهي مادرى عني اللي كنه ضب يتشمس

ونركب السياره وتصقعن قصيميه بقس خلت سنوني تتدودل( يعني نص طايحه ) خيير يالهيسه وش سويت لاتخلينن اوقف على جنب وانزلتس يامجرمه

الا وجهه كله نخارير من الصياح وتقول تستاهل يالتسلب انت خبل قايلتن لك لاتسرع وخلنا نمشي على راحتنا

خلاص طيب لاتصيحين علينا ==<<<بعد شين وقوي عين بس ازعجتني ياناس

المهم ووصلنا للملعب ووصيته لاتكلمين احد بيجون و لاتكلمين احد ودقي اللطمه لاتقعدين تشخصين ترى الملعب عرابجه ولا نبي مشاكل ولا يسلمون عليتس اذا جابوا هدف ==<<<حركات العرابجه البريئه

وندخل الملعب وانا صراحه غثيتها ولازلت اعطيها تعليمات الملعب الا وتقاطعني وتقول الحين ورى ماتنطم مهوب كلش تقوله ياقلق

الا وأرد عليه ومسوي واثق تذكري سالفة العرس وتعرفين ==<<< مناك بس ولايكثر ياوجه النكبه


جلسنا والملعب زحمه ماتلقى ماطا نمله يعني قوة تزاحم

طبعا اللي جنبي دب واللي جنب قصيميه مروح بريحة صنان ويالله تخيلوا الموقف معي

وحنا جالسين والهلال ضاغط حاشر النصر وانا ياما قمت وجلست وقصيميه مفهيه وجالسه وكوره بالعارضه والجمهور يناقز وقصيميه ماكنها حاضره

طبعا اللي الان الوضع جيد يعني ما اثارت مشاكل ولا لفتت الانتباه المهم

وبدلاخه بريئه تسألني الخبله قصيميه تقول فارس الهلال ايهم الأزرق ولا الأصفر ؟!! ===<<<ابووك يالسباكه

طبعا يوم سألت ويلتفت اللي بجنبه عليها حس ان في الموضوع دنفسه واحط عيني بعينه من اليوم .

طبعا ريحته صارعه قصيميه وواصلتني الريحه صراحه ...

وكل شوي قصيميه تقول ياخي كتمني بريحتووه قلت اسكتي وكولي تبن وانتي متلطمه ماتشمين شي ..

قالت فارس معد اتحمل كتمني.... قلت خلاص اسكتي خلي المباراه تعدي على خير

المهم ويجي هدف للهلال وكلنا قمنا والسبهه قصيميه جالسه ..===<<مفهيه ياناس والله ماتدري وش السالفه

قال المروح اللي جبنه طبعا يحسبه ولد وقال له ليش مافرحت يالأخو

قالت هاه...وهنا تدخلت فجأه وانقذت الموقف وقلت قلت انا خويي مايرضى بهدف واحد مايرضى الا بثلاثه... وقصيميه تهز راسه >> يعني ايه

ويجي المروح ويدخن وكتم الضعيفه بالدخان وهي تناظرني وكله دموع وكحكحه

اخر شي جا وزودها ونفخ بوجهها تجي هالخبله وتسطره كف ويفهي يوم قام وقامت هي>> مسترجله

عاد أنا ما تحملت واطب عليه وانواع المصافق وطب الدب اللي جنبي معي وهاتك بالملعب

صفق وصفيق الموقف اللي اتذكره اشوف قصيميه وهي تقبص المروح وتشد شوشته هذا اللي افلحت فيه صراحه

الوكاد وبعد ماقلب الجمهور كنه احد افلام الكاوبوي في مرقص كل المرقص صفق وصفيق بدون سبب

طلعنا حنا قبل مايتدخلون العسكر ويمسكوننا

وطلعنا ماكملنا المباراه

ونطلع ....

طبعا ركبت السياره وعيني اليمنى مورمه ولونها بنفسجي لأنه جاني بوقس مدري منين وعيني اليسار حمرا

ازاريري متقطعه ونعالي ضايعه

والخبله قصيميه ام المشاكل واللي تسببت ماجاه ياناس شي ابد ابد ابد ....
اقوووووووووول صراحه انسدت نفسي يوم تذكرت التلفيع ..خلني بناديلكم الخبله قصيميه تكمل ..لابارك الله بطلعتن معه ===<<<برطم وجلس يصيح

خلاص جيت انت وعيونك الملونه >> تضحك وهي السبب النذله




وصلنا البيت وقال فويرس ياقصيميه عساك انبسطتي بالملعب ؟ قلت لا ..
وانت عساك انبسطت بالعرس ؟! قال لا >> يلعن ام النصب مبسوط وبقوه بس يجامل هالخسيس
ترى مهوب علينا ماعقب يوم ترقص يالسلتوح




*-* مايستفاد من القصه *-*




& لاتأخذين معتس ولد شبهه ويلوع الكبد للمجتمعات النسائية يورطتس ويفشلتس والطقه على رأستس
& لاتطلعين عن انوثتس بلبس هالشماغ والعقال زي هالكمخ ولاتروحين لخرابيطهم بتدخلين وش زينتس بتطلعين كنهم واطينتس >> خاشتن جو بالقصه
& ماعندي شيء بس ابي اكثر مايستفادي
& ترى المايستفاد داخلن عرض وإلا مال ابو امه دخل
& لاأحدن يتليقف ويقول ايقوناتس أكثر من الموضوع بقول كل تبن ايه كل تبن
& خلاص ترى ماانعطى وجه مدري وشلون اسكر موضوعي احط نقطه وانحاش وإلا وش الحل ياجماعة الخير وإلا تدرون خلاص حليتها
. >> انحاشت

شوفن يا بعد تسبدي ترى الموضوع مستوحى من الهلس ( الكذب)
.




.




ملطووووووووووووووش