حبيباتي في الله ..

شكرا لكن جميعا على ردودكن وتفاعلكن ... ولكن ..
الصراحة الكلمات اللي تنكتب في هدية المولود للمعازيم ما أبغاها تكون تقليدية .. يعني هذي الكلمات والعبارات أعتقد إنها شغل موضة قديمة .. أسفة مو قصدي إني أكسر مجاديف أحد منكم ولا أحط من تعب أحد أو ذوقه .. بس بغيت شي فلتة وجديد وشيء فيه من تعاليم ديننا الاسلامي .. يعني أنا ناوية بالعلب اللي ذكرتها وبقدم فيها - إن شاء الله - الحلاوة والشوكولاه أضيف دعاء أهم من العبارات والكلمات .. وحبيت بعد أضيف شريط اسلامي في العلبة .. يعني من هالنوع .. ومن سن سنة حسنة فله أجر من عمل بها واتبعها .. أرجو أن تكون فكرتي واضحة ..

وبالنسبة لكِ اختي أم محمد/ انا أحضرت كمية من العلب من الهند زوجي كان بالهند وأمس رجع وجاب لي ثلاثة أشكال بحط فيها الحلاوة والهدية .. وإن شاء الله تكون حلوه .. ومرتبة بعد ما أرص فيها الحلو والشوكولاه .. بالهند أرخص بواجد من اي مكان ثاني .. وخصوصا اذا كان كمية .. ما هي شغلة علبة أو علبتين، بالعكس كمية كبيرة ويبغالها شغل .. ناوية إن شاء الله احط فيها قماش (التور) أو التل المخرم باللون الذهبي الغامق لأنها محفورة بالقطع الذهبية وفيه الحلو .. العلبة ما هي كبيرة وما هي صغيرة يعني تقدري تقولي 15سم في 7 سم معقولة .. وشكل غريب .. غير مكرر ..

تحياتي لكن جميعا ولا أزال بانتظار أفكار جديدة حتى موعد ولادتي ولو إني راح اصير في نص التاسع .. الله بيعين ..
الله يهون علينا وعليكن.

اختكن/ زعفران

السلام عليكم ورحمة الله وبركاته

أخيتي زعفران الجنة ـ اسمك رااااائع ـ
جعلني الله واياك وجميع المسلمين من أهل الجنة

أعجبني حرصك على الخير في هذه المناسبة
تفكيري مثل تفكيرك بالضبط
ناويه اسوي الملبس اذا ولدت ان شاء الله بطريقه دعويه
احط مع الشوكولاته شريط وعباره تكون دعوة للمولود بصلاحه ـ عشان احصل على تأمين الضيوف ـوهذا لمصلحتي ومصلحة طفلي
مثلا ممكن تكتبين ..... ادعوا لي بالصلاح....... والهداية والفلاح
او جعلني الله من خيرة عباده ....وحفظة كتابه

ان شاء الله لك فيها اجر ـ بالإخلاص ـ دعوه للخير ونصح لمن هم بحاجة ونشر للشريط الاسلامي وقطع للعادات الغريبة المكلفة ولا فيها فايدة
اعرف وحدة وزعت الملبس على شكل كيس محشي بقراطيس عشان يتفخه بس وحاطة حبتين او ثلاث من الملبس اللي شكل دمعة وبس مافيها اي فايدة والمشكلة مكلفها 50 حبه ب1500 ريال

الحمدلله الذي عافانا مما ابتلاهم به وفضلنا على كثير ممن خلق تفضيلا

محبتك
وردة نت

حبيبتي في الله .. وردة نت

اسمي عجبكِ .. بارك الله فيكي ترى معناه أحلى وأحلى .. حشيش الجنة - إن شاء الله - مثواكِ هناك ومثوى جميع المسلمين والمسلمات وحشيش الجنة هو الزعفران ..

مثل ما تفضلتِ نبغاها تكون مناسبة للدعاء .. مو للتبذير .. وصرف الفلوس على الفاضي ..
إن شاء الله تلقين ضالتك وألقاها أنا بعد .. وعجبتني عبارة (جعلني الله من خيرة عباده وحفظة كتابه)
وممكن تصير بالشكل التالي: (تحطين اسم المولود بالنص) يعني أنا إن شاءالله بسمي (مصعب) الله يوصله سالم معافى .. يعني تصير العبارة (جعلك الله يا مصعب .. من خيرة عباده وحفظة كتابه) .. وإضافة من عندي بسيطة:
جعلك الله يا مصعب من خيرة عباده وحفظة كتابه ومتبعي سنة نبينا محمد وأصحابه .. عليه الصلاة والسلام. مثلا. وتاخذين أجر الصلاة على الرسول الكريم لكل من سيقرأها ..

ما قصرتي .. وعسى الله ياخذ بيدك ويقومك بالسلامة والمولود جعله الله من الصالحين ..ومن حفظة كتابه العظيم ومتبعي سنة النبي الكريم ..

زعفران

جزاك الله خيرا يا زعفران
رفعتي من معنوياتي بالعبارة اللي عجبتك لأنها من تعبيري وانا كلش الا التعبير ما احبه

نسيت اقولك عن حركة سوتها وحده حطت في الصندوق مطوية صغيرة ولطيف شكلها مره
خلت الخلفية ورق راقي ولصقت عليه ورق ناعم اللي يجي للتغليف لكنه ينكتب عليه
بمقاس12 سم والعرض5 سم تقريبا يعني صغير وكتبت فيها عن تربية الأبناء ومسؤولية الوالدين تجاه تربيتهم... وخلت التوقيع باسم ولدها اللي اكبر من المولود
ان شاء الله يكون شرحي واضح وتستفيدين منها


محبتك
وردة نت

مشكورين على الافكار انا اضم صوتي لكم لاني اول مولود انشاءالله بيشرف بعد 3شهور وابغى افكار حلوةاكثر