زعفران الجنة :

حبيباتي في الله .. شكرا لكن جميعا على ردودكن وتفاعلكن ... ولكن .. الصراحة الكلمات اللي تنكتب في هدية المولود للمعازيم ما أبغاها تكون تقليدية .. يعني هذي الكلمات والعبارات أعتقد إنها شغل موضة قديمة .. أسفة مو قصدي إني أكسر مجاديف أحد منكم ولا أحط من تعب أحد أو ذوقه .. بس بغيت شي فلتة وجديد وشيء فيه من تعاليم ديننا الاسلامي .. يعني أنا ناوية بالعلب اللي ذكرتها وبقدم فيها - إن شاء الله - الحلاوة والشوكولاه أضيف دعاء أهم من العبارات والكلمات .. وحبيت بعد أضيف شريط اسلامي في العلبة .. يعني من هالنوع .. ومن سن سنة حسنة فله أجر من عمل بها واتبعها .. أرجو أن تكون فكرتي واضحة .. وبالنسبة لكِ اختي أم محمد/ انا أحضرت كمية من العلب من الهند زوجي كان بالهند وأمس رجع وجاب لي ثلاثة أشكال بحط فيها الحلاوة والهدية .. وإن شاء الله تكون حلوه .. ومرتبة بعد ما أرص فيها الحلو والشوكولاه .. بالهند أرخص بواجد من اي مكان ثاني .. وخصوصا اذا كان كمية .. ما هي شغلة علبة أو علبتين، بالعكس كمية كبيرة ويبغالها شغل .. ناوية إن شاء الله احط فيها قماش (التور) أو التل المخرم باللون الذهبي الغامق لأنها محفورة بالقطع الذهبية وفيه الحلو .. العلبة ما هي كبيرة وما هي صغيرة يعني تقدري تقولي 15سم في 7 سم معقولة .. وشكل غريب .. غير مكرر .. تحياتي لكن جميعا ولا أزال بانتظار أفكار جديدة حتى موعد ولادتي ولو إني راح اصير في نص التاسع .. الله بيعين .. الله يهون علينا وعليكن. اختكن/ زعفران

حبيباتي في الله .. شكرا لكن جميعا على ردودكن وتفاعلكن ... ولكن .. الصراحة الكلمات اللي تنكتب...