صعبة أختي
دراسة و أطفال صغار وزوج وبيت وطبخ
فكري مزبوط قبل ما تتصرفي في شغالتك
وترى حتى شغالات الإيجار إلي تجيك كم ساعة متعبين
لأنه يدهم خفيفة ومشاكلهم كثيرة
الملابس تختفي الأكل يختفي وأي شئ يعجبها تشيله
وكمان وحده من جارات أم زوجي في جده جابتهم وراحت لمشوار ورجعت ولقت الشغالة مختفيه وماخذه عيالها الخمسة ولهم سنة مايدروا وينهم لا الشغالة ولا البزوره
الله يكافينا شرهم يارب
.....

السلام عليكم.

صراحة انا اللي شاغلني تقريبا نفس مشكلتج تقريبا انا ام لطفلين ولد 3 سنين بنت سنة و اشتغل يعني مراة عاملة .
انا نفسج مالي مقاقة للشغل و شوي مهملة .
و قريب بتنتهي اقامة خدامتي قاعدة افكر اخليها تسافر شهرين و ترد و لا ايب غيرها و لا اقعد بدون خدامة الدوام الصبح و شغل البيت العصر :22: و مسئولية اليهال الصبح الكبير بالروضة و الصغيرة بالحضانة انا عندي اهم شي مصلحة اليهال .:09: و السالفة وايد شاغلتني


و الله يعين كال الامهات .محتارة:( ياريت اللي جربو يعطونا خبراتهم .

حبيبتي لا تصيرين خبله اسفه بس ما عليه تحمليني--وراك دراسه --الدراسه تبي والرجال يبي والوراعين ---الجهال---- يبون---والبيت يبي--ولنفسك بعد عليك حق الا تمسكي في الشغاله بايدك وضروسك---اسالي مجربه يا عمري لا تستهينين بالي تسويه تراه يشيب الراس--وحاولي انها بالليل تخلص بسرعه وتنام --بنفس وقت العيال--عشان تقعدين علي راحتك انتي وابو الشباب--وسلامتك

طالما اني قررت الاستغناء عن الخادمة فكرت في بعض الامور التي تساعدني علي العمل وحبيت انكم تشاركوني00


1- غرفة اولادي هي نفسها غرفة الالعاب فقررت اني اقفل الدواليب بالمفاتيح لان ولدي دايم يلعب بالملابس00

2- ادراج المكتبة راح اخليها فاضية الا من الاشياء الضرورية فقط عشان مايلقي اولادي شئ يلعبوا فيه وانا وراهم اجمع اشياء مالها داعي00

3- الملابس في الدولاب سأعمل جرد أي ملابس لم تلبس من فترة سيتم الاستغناء عنها00

4- العابهم سأخفف منها لأن كثرتها تجعلهم لايلعبوا ولا يشعروا بقيمتها00

5- ساحاول اشراك اولادي في مسؤلية البيت ولو بصورة مبسطة00

6- غرف الضيوف سأجمع التحف فيها في كرتون لتبقي نظيفة وارتاح من تنظيفها من الغبار ويكون مروري لتنظيف الغرفة سريع00

7- الكنب في غرف الضيوف سأغطيه بشراشف لأحميه من الغبارخصوصا ان الضيوف نادرا

8- سأجمع ادوات النظافة في سلة واحدة حتي ارتاح عند التنظيف00

9- المطبخ اخصص درج خاص به عدد محدود من الصحون والكاسات لاستخدامها وامنع استخدام الباقي00

10- سأعتمد علي حفظ بعض المأكولات في الفريزر 000

11- راتب الخادمة سيتم تجميعه وشراء غسالة اتوماتيكية ونشافة وغسالة صحون00

12- سأحاول ان يكون البيت نظيف قبل النوم اوقبل خروجي للكلية00


اتمني منكم تدعون لي واذا عندكم افكار قولوا عشان نستفيد 00
اتمني اني اخلي الشغالة عند احد فترة شهر عشان اختبر نفسي اقدر اتحمل او لا000


انا في انتظاركم لا تتأخروا000000000000

والله انا الشغالات ماحبهم بس شر لابد منهم وذيك من ذيك اللى تجي وحده نظيفه وتشتغل
وماتكون يديها خفيفه مادام انتى قررت تتخلصين منها صدقيني بتكونين تعبانه شوى
بس راحه والاولاد خليهم في روضه يستفيدوا اذ عندك ميزانيه للدراسه
والله الاولاد يضيق خلقهم بالبيت ومع الخادمه بعد الله يعينهم وفكره انك تخلي الخادمه بعيد في
بيت احد فكره حلوووووه وجربيه وقولي شنو صار معك والله يعتمد على قد تحملك
والله ان شقه ما تقدري تاخذى راحتك مع ابو الشباب الله يوفقك في دراستك
ويخلى لك ابو الشباب واولادك وخبرينااااااااا بالنتائج