تبغي نصيحتي خليها عندك إلين تخلصي جامعتك الحين يتهيأ لك ان الشغل بسيط ولما تخرج راح تحوسي جامعة وبيت وعيال وزوج وغسيل وتنظيف اسألي مجرب خلصي جامعتك وبعدين سفريها وطالما انه عندك شغالة ليه تعملي غدا مرة بالاسبوع ؟؟المفروض تستغليها انت ايش عليك اطبخي وخليها تغسل المواعين وراك وعلميها تجهز البصل الثوم الاشياء الضرورية وبس مو تطبخ لك وارتاحي او تطبخي من الليل وخليه بالثلاجة مو طبخ كامل يعني مثلا تبغي تعملي ايدام اعمليه الكشنة واسلقي اللحمة من الليل وثاني يوم مثلا حطي البامية واطبخيها اما اذا ايدام دجاج مايآخذ وقت ونفس الشئ الرز سوي الكشنة من الليل واسلقي اللحم والدجاج وقفلي عليه مضبوط بالثلاجة وثاني يوم ارمي الرز بالقدر وخلصنا يصير استفدتي منها وعيالك يتغدون وزوجك يتغدى وانت وخلي الشغالة تغسل المواعين وتهتم بالمطبخ وتنتبه لعيالك وقت مذاكرتك وقضينا
اختك تراميسو

والله يابنات احترت0000

المشكلة انها باقيلها ست شهور وتمشي00 يعني يكون انا عندي امتحانات او استعداد للامتحانات00 نفسي تروح ذحين واتعود علي الشغل في الاجازة ولا تروح وقت امتحانات واحوس انا 00
بنتي بداية السنة حتروح الروضة وولدي الصغير راح اخذه معاي الكلية فيها حضانة00 سواء سافرت الشغالة او لا00
مع ان زوجي رافض فكرة سفرها ويقول مادام جات تكمل سنتين وتتوكل00
بصراحة زوجي قبل الشغالة كان يراعيني كثير00لكن الان اتوقع انه اتعود علي ان كل شئ جاهزوصعب يرجع زي اول أي شئ يرضيه00
نفسي احس بوجودي في البيت0 يعني انا دايم فاضية حتي المذاكرة ماعندي الا ايام الامتحانات00

صادقة حبيبتي واحساسك انا جربته لكن انت بحاجتها الحين اصبري عليها وعلى قولك كلها 6 اشهر وطالما اتعود الرجال ان كل شئ جاهز بيتعبك بعدين انا زوجي لما سافرت الشغالة وانا كنت ازن على سفرها لأنها كانت بتسافر في ربيع الاول وانا سفرتها بالحج فصار يبغى طلباته ورى بعض اعملي جيبي ولما يشوفني اقعد جيبي هذا لاتنسي هذا مع اني راح اعمله لكن اتعود انه كل شئ يكون جاهز وبأي وقت بعض الاحيان اقول له انت كأنك بتنتقم مني من كثر ما اقوم واقعد
المهم اصبري على قردك لايجيك اقرد منه <<شوفي المثل هههههههه
خليك عليها وبعدين اتعودي على كيفك بعد الامتحانات ودام زوجك قال خليها فخليها لأنه ماتدري بعدين لما تحتاجينها في المستقبل على خير يقول لك لما جبتها ودفعت عليها سفرتيها قبل وقتها

up..........up.............up..............up......................up...........................up.........................