حكاية ستي الله يرحمها في لندن

حااحكيكم نكتة سارت في ستي الله يرحمها وسيدي ...
1_انتم عارفين انو اهل اول ماعندهم لغة انجليزية وما يتفاهمو مع الاجانب الا بالاشارة كانت رحلة سيدي وستي في كل بلد شوية اهم حاجة الماء والخضرة والوجه الحسن طبعا سيدي وستي قضو ليلتين في فندق فخم والله ما ادري فين بالضبط في لندن المهم في الهرجة كلها انو رحلتهم كانت روتين فطور وغداء وعشاء ورحلة بسيطة في المكان الي هما فيه وكانو في داك اليوم مرتبين انهم يرحو لفندق تاني في بلد قريبة منهم بالسفية في الانش على قولهم يعني االمركب او السفية في النهر ولمدة ثلاث ايام يفطورو ويسالو الجرسون متى الانش وطبعا بالاشارة يقولهم الساعة12 الظهر طبعا هو قصده على موعد الغداء لانو معنى لانش بالانجليزي الغداء المهم ما اطول عليكم يطلعوا الغرفة يريحو ويلمو العفش في الشنط وينزلو ويسالوا عن الانش ويحطولهم الغداء ويتغدوا ويقول سيدي لستي اتغدي يا حرمة امكن الانش مافية اكل كلى هنا يالله بسرعة قبل مايفوتنا وبعد الغداء يسالوالجرسون عن الانش ويقولولهم تاني يوم في نفس الموعد في الاخير بعد ثلاث ايام سيدي طلع الضغط عليه وعصب عليهم وما عرفو يتفاهمو معاه الين لما كان هناك نازل واحد عربي حل الموضوع وكملو رحلتهم..
2-كمان افترك هرجه في الموضوع كانت ستي الله يرحمها معاها السكر وانخفض عليها وحبت تشرب عصير كوكتيل فطلبت من الجرسون أوتيل طبعا الجرسون قالها انتي في الاوتيل تبغي خدمة تقولة ابغ أوتيل وتاشر على شي تشربة طبعا ما حل المشكلة الا الرجال العربي الي كان في الفندق معاهم...