الله يهداج كملي طلعت روحي وانه انطر

ان شاء الله ماكون طولت عليكم
واليكم الجزء الأخير اتمنى يعجبكم

-----------------------

دخلنا الحديقه فرحانين لوصولنا بالسلامة اولا ولرغبتنا الشديدة بمعرفة المزيد عن هذه الحديقه ورؤية كل شبر فيها فلقد كانت الطبيعه الخلابة فيها العصافير والطيور كانت كثيييييرة ولفت نظرنا منظر الصقور فكانت لاول في حياتي نراها على الطبيعه.. طريقة طيران الصقور مختلــــف تماما عن باقي الطيرو سبح الخالق كيف جعل في ذلك الطير الشموخ والعزة بالنفس باجنحته الممتدة.. وعندما سألنا عن السبب عرفنا ان هذه البقعه من الأرض بالذات تتميز بجاذبيه اقل عن غيرها من مناطق كندا مما يسمح بكثرة الطيور وبالذات الصقور..

- بدكم ناكل هلأ ولا بعدين؟

- لا شو هلأ خليها بس نجوع عالمظبوط يلله بسرعه قفلي السيارة وتعو نتمشى

-وااااااااااااااااااااو

- بنات تعااااااالوا شوفوا

- لك وين راحت هي المستعجلة

- يلله جاييين

- الـــــلله

- بجنن

- سبحااااان الله






- بس ليش هيك المي لونها بني ؟؟

- لأنه النهر مو غميق تحته في تراب اكيد

- يع ماحلو هيك توقعته يكون لونه ازررررق صافي

- مشان اقرب لك المثال حبيبتي شوفي هالنهر مثلا يعني مثلا وقعتي فيه من الجسر ماراح يصير لك شي وتغرقي لأن تحته في ارض

- الشر برا وبعيد ماابيخك

- ههههههه

- مشونا صبايا هلأ الجو حلو بنخاف بعدين يصير حر

- طيب خلينا نمشي باتجاه النهر مشان نعرف وين الشلال

- يلله


- ماااااااااااااااامي

- شوفوا كيف منحوت هالدرج من الجبل منظر رائع

- بخوف كتير هالدرج بدكم ياني انزل عليه

- لكن انتِ شو رأيك ياخوافه

- رنيم اتركي الكاميرا من ايدك والا بتروحي فيها انتي وياها

- بس بدي صور الدرج

- بلا هبل دخليها في شنطتك

- طيب

- اااااااااااااااه

- بنات انزلوا بسرعه تعالوا شوفوا

- وااااااااااااااااااااو

- ماشاء الله روعععه

- شوفواو بيني وبين الشلال مسافه قريبة كتير





- رنيم تعالي صوريه من وهو نازل من فوق

- بيجنن شلال صغنطوط رهييييب سبحان الله

- يامامااااا الحجر عبتتحرك وكتير ملسا الظاهر من ضغط المي صارت بهالنعومة

-شوفوا حدا يوقف وراي ينقذ الكاميرا في حالة وقعيت

- ههههه يعني مابدك حدا ينقذك الك




- بس معقولة كالهصوت من هادا بس؟؟

- لالالا في الشلال الاساسي قريب من هون

- طيب مشونا من هون

- ياااااااعععععععععععععععععع

- لك شو فيه ؟؟؟

- يماامااااا مابعرف شفت مخلوق غريب وبيقرررررررف

-هونيك ليكو عما ينط

- هههههههههههه

-هههههههه

- شو اول مرة بتشوفي ضفدع بحياتك؟؟ عادي

- طيب ثواني خلوني اصوره

- لك شو تصوري ماتصوري جيمس بوند على غفلة كله شقفة ضفدع مقرف

- آآآآآآآآآآ

- لك مجنونة الحجرة تحتك عبتتحرك كنتي رحتي فيها فدا ضفدع

- طيب اصلا هرب ماقدرت اصوره

- احسن يلله مشينا

- يابنات انتبهو الأرض كتيييير ناعمة وبتزحلق خليكم ماسكين كويس ورنيم دخلي الكاميرا هلأ مو وقتك

- واااااااااااااااااااااااو سبحان الله شوفوا هالجبل كأنه عبيكي من كتر الميات اللي طالعه منه

- ماعبشوف شي من بخار المي في الهوا

- تعي بدي اقولك شغله

- شو وليش عبحكي بصوت واطي

- شوفي بدي اطلع الكاميرا واصوره وانتي امسكيني اذا وقعت

- لك شو دخلني انا

- بلييييييز

- طيب بسرعه لأنو سبقونا قدام




- حاسه انو ماطلعت واضحة وحده كمان بليز

- رنيم الله يرضى عليكي بلا جنون مشينا سبقونا كتير




- يابناااااااااااااااااات وينكم لاتروحوا عليكم احلى منظر تعالوا بسرعه

- سويتي اللي في بالك يلله خلصينا نمشي

- طيب ثواني ادخل الكاميرا في الشنطة ولاتسبقيني خلينا ماسكين ايد بعض

- حاضر ياستي

- سامعه الصوت اديش قوي

- وهااااااااااادا هو الشلال

- اللــــــه

- بنات الله يرضى عليكم الكل ينتبه لأنه من قوة الشلال الرهيبة الحجر جدا جدا جدا جدا نااااااااااااعم كأنه مدهون زيت او شي بيزحلق

- ياللــــه ياريت اخواتي كانوا معي يشوفوا هالمنظر الخلاااااااااب

- رووووعه سبحان الله

- فعلا جنة




- هلأ فهمت يعني النهر من هون جاي

- بس بيجنن خلوناا نقرب اكتر

- رنيم ناوية على مصيبة اليوم يابنت الحلال امك مسافرة وانتي امانه عدي هاليوم على خير

- هلأ جبتوني وضيعتونا خمس ساعات وبتستخسروا علي اقرب اكتر على الشلال وبعدين المي مو غميقة فرضا يعني وقعت لاسمح الله

- اللله الرذاذ بيجننننن وخاصة هلأ الشمس طلعت ياليت يصير قوس قزح مشان تكمل الروعه

- قربت اكتر احلى بكتير تعالوا بلا خوف بلا هم




- بنات صار النا ثلاث ساعات ماجعتوا

- ايه والله انا كتير جعت حاسه اني عملت مجهود

- طيب خلونا نتصور كم صورة مع بعض بعدين نرجع

- اوكي

- بنات عندي سؤال

- شو

- مين فيكم عمرها اكلت لوبستير

- عادي انا اكلته وطعمه رائع واكله فخمة كمان

-طيب مين فيكم بدها تجرب بيبي لوبستير !!

- نعم؟؟

-تعالوا شوفوا

- يععععععععععععععععععععععععععععععععععععععععع

- الله ياخد ابليسك ما ابيخك قرفتيني اللوبستير للأبد




- لك اتركيه ايش هالقرف

-لحظة شوي معك العصا شوفي كيف عبيطلع عليها سبحان الله

- يالببيييي كيف مسك العصا بايديه ورجليه

- عن جد بنات تعالوا شوفوا بجد منظر جميل





- لا حلو ولا يحزنون على هالحالة ماراح اقدر اكل شي اليوم

- اسفه مو قصدي خلاص حرام هيك بخاف يكون عبيتعذب راح اتركه ولو انه املي كان ناخده ونشويه ونطعميكم بيبي لوبستير مشوي هههههههه

- اسفه حبيباتي عن جد يلله مشونا

يقول المثل طريق العوده اصعب من طريق الذهاب وطريق الصعود اصعب من طريق النزول ولحتى رجعنا لأول الحديقه بذلنا مجهود جبار واول ماوصلنا رمينا نفسنا تحت شجرة وغمضنا عيوننا وكان شعور رائع يخليك تحسي انه هالكون كله انتِ وحده فيه طلعنا الاكل من السيارة اكلنا السندويتشات وشربنا العصير وبعدين طلعنا لعبه اسمها .. اممم مابعرف نسيت اسمها بس هي كانت ثقافه عامة بشكل سهل جدا وبالانجلييزي وانقسمنا فريقين كل تنتين مع بعض وانا حققت الخسارة بجدارة فهاللعبه ههههههههه مع انه اللي معي كانت شاطره بس تورطت فيني .. شربنا شاهي وقهوة واكلنا فطاير وتحلينا ولعبنا العاب تانية وطبعا السواليف لابد منها طول الوقت ..

وبعدين رحنا دورنا على جماعة مدينة هاميلتون المسلمة ولقيناهم خلصوا المحاضرة من زماااااااااان يعني لما كنا ضايعين وكمان خلصوا اكل وكانوا عبيلعبوا باسكيت بول وفولي بول ومبسوطين احلى شي بالحديقه انه كلها كانت بنات مافي ولا شاب ههههههه انواع الصياعه سلمنا عليهم وبعدين رجعنا عالسيارة واكتشفنا انه الحديقه قريبة كتير على ميسساجا نص ساعه طريق فقط لكن الشبكة العنكبوتية اللي مشينا فيها لخبطتنا وحصل خير على الاقل عرفنا طريقها..

كانت رحلة رائعه بتمناها لكل اخت من اخواتي.. وفعلا احلى مافيها انه ماخططنا لها شي كل شي صار عالبركه والله يسرها ..

اتمنى تكون عجبتكم القصه وباذن الله لو طلعت رحلة تانية ماراح انسى اصورها واشاركها معكم :)

في امان الله
رنيـــم

------------
السلام عليكم جميعا

حرم الدكتور
تسلمي غاليتي والله يطعمك روحه احلى منها ياااارب دنيا في المكان اللي بتحبيه واخره في الجنه
وصدقيني لو جيتي عالجد الحديقه كانت وحده من الحدايق الكتيرة لكن الصحبة هي اللي خلت الروحه حلوة
وبالنسبة للمناظر هلأ بدي اخد رايك فيها بعد مانزلت اخر جزء للقصة ...

------------

ولدي الغالي
شكرا لمتابعتك وان شاء الله تعجبك التتمة

-------------

نعوم
نور المنتدى والله عاش من شافك حبيبتي
بدك الصراحة مافي شي بتحسر عليه بالرحلة غير الظروف هديك فعلا نغصت علي وكنت طول الرحلة عبفكر فيها واقول ياريتكم معي :( وانتِ ادرى

----------

الماسة السوداء
شو غاليتي لهالدرجة تأخرت كلها الي يوم واحد !!!
ان شاء الله يعجبك الجزء هادا وترجع لك روحك :)

-----------

شكرا لتواجدكم عزيزاتي
في امان الله
رنيــم

رنيم
الله يسعد قلبك يالغالية
والله كاني معاكم لا ماشاء الله صوت وصورة الله يحفظكم ويخليكم لبعض يارب العالمين
من جد رحلة رائعة وتستاهلونها وعقبال الاروع في جنان الخلد يارب

بس عندي سؤال
ايش هي كاميرتك ماشاء الله ؟؟مرة صافية؟؟؟؟

ياهلا وغلا بحرم الدكتور نورتيني

امين وياكم الرحلة الاجمل في الوجود بجنات رب العالمين ..

اختي هذه هي الكاميرا


وهي من محل فيوتشر شوب
ولما رحت عالموقع هلأ استغرب من التخفيض اللي عاملينه عليها

http://www.futureshop.ca/catalog/proddetail.asp?sku_id=0665000FS10027002&newdeptid=&catid=10127&logon=&langid=EN&dept=0&WLBS=fsweb18#

Price: $299.99
Discount: -$100.00
Sale Price: $199.99
Sale Ends: 10/14/2004
Shipping: FREE

اظن من سنة كانت 499 $ كندي

وهي كاميرا رااائعه ولها مميزات كتير وعلى فكرة هي الصور انا قللت من دقتها كتيييييييييير عشان انزلها ولا هي اكبر واحسن من هيك

وبتاخد فيديو 30 ثانية
وانا استخدم كرت الذاكرة 100 ميجا بايت واخزن عليها الصور كلها بعدين افضي الكرت عن طريق جهاز صغيرون موصل بالجهاز..

وكرت الذاكرة استخدمته اكتر من 300 مرة اعبيه صور وافضيه وهكذا ..

ان شاء الله اكون افدتك
في امان الله
رنيــم