السلام عليكم
اهلا وسهلا فيكم جميعا ..
راح حاول كمل القصه باذن الله..
حابه قول انه هالقصه حقيقية وواقعية وحتى الصور اللي راح تشوفوها
مأخوذة من كاميرتي .. وراح تعرفوا مزيد من التفاصيل عن الرحلة
وعن المكان الساحر مع الوقت..
--------------------



فرحت كل واحده فينا اكثر من الأخرى بس رنيم ماهمها غير تيم هورتنز ..تيم هورتنز من المقاهي التي لايخلو شارع من شوارع منطقة تورنتو منها.. لكن في هذا الفرع منه كان له طابع خااص جدا.. فهي منطقه زراعية بحته فكل زبائنه كانوا من المزارعين واطفال المزارعين وزوجاتهم ذوي اللهجة الغربية الغريبة واهل كندا ذوي النفوس الطيبة الذين لم يسبق لهم وقد رأوا فتيات بأشكالنا من قبل .. كل شخص كان يعرف الاخر في المقهى فعندما دخلنا كنا ننعم بنظرات وابتسامات غريبة وترحيبات من الجميع..


- يلله لو ضعنا يكون على شي محرز انا رايحه اشتري القهوة والباقين ((اهل الرخص)) والخبراء في الطرق روحوا اسألوا عن الطريق

- طيب خلينا كل تنتين مع بعض مشان ماتكون في وحده لحالها طلعي كيف الكل عبيطلع علينا

- هههههه شو مالقت غير اضخم مزارع تسأله يدلها عالطريق طلعي طلعي كيف متحمس عبيحكي عالطريق

- قولتك شكله الوحيد فاهم من الموجودين الباقي يادوبك يعرف كيف يحلب البقرة وكيف يشتري قهوة هههه

-طيب خدي ساعديني خدي القهوة مني .

- رنيم بكفي همس عن جد حاسة انه صايرين مسخره هون الكل عبيتطلع وببتسم حاسة حالي طلعت من كندا

- ليكي كيف الكل مبسوط وهي عبتحكي لهم عنا تعي نشاركها شكلها صارت مشهورة بخاف بعدين تنسانا مو على شي شلون بدنا نرجع هي اللي بتسوق هههههه

- لك وينكم ساعتين عبتشتروا قهوة ؟ تعو شوفوا هدولي الاولاد الصغار سوووو كيووووت وحبوبين وطريقة كلامهم بتجنن وامهاتهم كتير متفهمين ..

- طيب اش صار معك مشان الطريق؟؟

- اه صح نسيت اقولكم قال قطعنا الطريق من شي ساعة يعني بس لازم نرجع بالعكس قال اذا اخدنا طريق مختصر راح نوصل لحديقة بعد ربع ساعة

-اوكي خلينا نمشي مافي وقت

وعادت الفتيات وبدأت تعود القائده بالاتجاه المعاكس ومع الطريق المختصر كان من المفروض الوصول بعد ربع ساعه ولكن..


- وبعدين يابنات صار النا ساعه وين هالحديقه دخيلكم والله تورنتو مليانه حدايق لو رحنا على حديقة فيها نهر ولا بحر كان احسن

- رنيم لاتزوديها على اللي عبتسوق شكلها اردي معصبه ههههه

- شو صار معك يا احلى قائدة؟؟؟

- لك شو بعرفني قال لي على اسم شارع راح يجي بالعرض بس المصيبة انه صار لي ساعة مافي ولا حتى شقفة شارع بالعرض

-شو رايكم نرجع خلاص بكفي الوقت اللي ضاع؟؟

- نعم نعم نعم ؟؟ لالالالا انا مستحيل ارجع بعد مالعبتوا براسي وخليتوني اجي معكم راح اجن واشوف هالحديقه خلونا نحاول نتصل على هداك الرقم اللي بتصلوا فيه الضايعين بيدلوكم عالطريق.....

- رقم ؟؟ وضايعين ؟؟ هاتي دخيلك من عنده هالرقم؟؟؟

- انا عندي ياه!!

- صباح الخير هلأ لحكيتوا ؟؟ واحان النا ساعه ضايعين

- انا قلت مالي دخل لأنو مابدكم تسمعوا اي نصيحه من وحده مابتعرف تسوق

- ما اسخفك كأنوا هلا وقتك

-سكتوا بنات خليني اعرف احكي معهم ...

وبعد حديث دام عشر دقايق من وصف موقعنا بالتفصيل اكتشفنا انه



- ما اغبااااااااانا !!

- اغبى شي سويناه انه سألنا واحد في المقهى مو فاهم شو القصه

- هيا الحديقه وصلناها بس اطلعي من المخرج الجاي

- واخيرا ...

- الحمد الله عالسلامة صبايا

وهادا هو مدخل الحديقة

بنات سامعين صووووت الشلال بسررررعه صفي بدي اشوفه....

الله احلى شي انه مافي ولا انسان ومافي زحمة وعجئة...






والمقطع الأجمل راح يكون قريبا باذن الله
مع صور مفصله عن المكان وعن الشلالين الموجودين في هالحديقه

في امان الله
رنيـــم

حواء
بصراحة كانت اول وعلى مايبدو اخر مرة بنسافر لحالنا

ولدي الغالي
انا كلي معكم وماراح اطول باذن الله

الصورة
ياليت والله تعالاو نشد الهمه ونعمل رحله بس على شرط
انا مابسوق يعني بدك تشوفي حدا يستلم القياده لأنه صديقتي
هديك رجعت نهائي للسعوديه:( الله يوفقها يارب

بشاير
كلكم ذوق وانا كمان معكم

دموعه
شكرا لتواجدك عزيزتي :26:

أم عبودي وعموري
ان شاء الله يكون عجبك هالجزء والجزء الأخير عالطريق

في امان الله
رنيـــم

رووووووووعة المناظر يارنيم

هنيئا لك هالرحلة وبوسط الامتحانات
ياختي حلووووووة

بانتظارك لا تطولين علينا بليز

في انتظارك يا رنيم
:26: :26:

إيييييه يا رنيم
ناوية تنزلي الصور وتذكريني اني ما رحت معكم
... بسيطة بس انت عارفة شو كانت الظروف :17:
بس فكرة حلوة لأنك ما بعتي الصور لعندي ...
سلميلي على الأهل جميعا وقوليلهم ان شاء الله بنجتمع عن قريب

أختك حبيبتك :26:
نعوم