وشلوووونكم يارب تكووونون باحلى واطيب حال يالغاليات
امس وانا منسدحه على فراشي تذكرت سالفه صارت لي
وبينما انا اتذكرها <<ياخطيره وش هاللغه خخخخخخخخخ
تذكرت اول ماكنت ادخل النت واللي طراها سالفة راعية مبداء
خلوكم مع السالفه
اول ما دخلت المنتدى كنت توني بكراتيني ..بقراطيسي ..ما اعرف ولا شي في الانترنت حتى تنزيل مووووضوع ما اعرف
بقاااره تو العين خخخخخخخخخخخخخ
الموووهيم كنت اللي فالحه فيه بس ارد على المواضيع
وطبعاً بداياتي كانت في ركن التجميل <<ترى تموووت عليه وكانت بتاخذ دوووره بس ذيكووووو حطمتها
<<ياحبي لهالصووره ادري ان مالها اعي هنا بس كيفي اخبها هع الموووهيم <<<<بنات لا تنسووون تعدووون كلمة الموووهيم ترى اللي تجاوب صح بتاخذ كف <<<ابوك يالعرض خخخخخخخخخ
وانا ادووووج في ركن العنايه بالبشره شفت موووضوع بياض خلال شهر قلت هذا شكله من جد لان المده معقوووله في شهر
اما اللي تقول في اسبوووع هذي اغسل يدي من موووضوعها يانه مضر او انه مضر <<خوافه ماتبي تقولها خخخخخخخخخ
<<ابوك يالغمزه خخخخخخخوانا اللي اشوووف هالموووضوع وادخل عليه وكانت لسته كريمات انواع واشكال الكريمات
واطبعها من هنا واروووح السوبرماركت من هنا واشتري
هالكريمات واخوي يطالعني وده يصفقني وش هالخبله وش تبي بهالكريمات ويسالني اهاااتوه
تبن وش تبين بهذا كله <<اخلاق تجاريه وانا
ارد عليه بسوي لي خلطه وش عليك انت قال وش خلطته يالداااجه لا يكون بتسوين مفاعل نووي وانا مدري
عاد انا تبرطمت
<<ما تحب احد يتريق عليها وقلت له 
لو سمحت لا تدخل سوالف حريم هذي هو حمر وجهه وانطم خخخخخخخ<<<حرام لو يدري اني قلت له انطم ان يحوووسني حووووس
واروووح البيت وانا في قمة سعادتي
واخلط هالكريمات مع بعض وجت في ثلاث علب كبيره
وانا مبسووووته كثير <<<ابوك ياللغه
واقول الحمد لله هذي بتكفيني الشهر كله
وسرت كل يوم وانا ادهن نفسي من هالكريمات واتروووش اليوم الثاني واحلم كل يوم بالبياض الناااصع
يتبع
ترى حطيته صفحتين علشان الصووور <<تموووت عليها الله يرجها هع
الموووهيم وتمر عليّ ثلاثه اسابيع وانا والله ولا فتحت درجه وحده وكل يوم ناطه عند امي
يومه ما تلاحظين فيني شي متغير ...طبعاً ما قلت لاهلي انها خلطه تبيض والله لاسير مضحكة العايله
المووهيم وامي تقول من اي ناحيه <<ما يمديكم على امي تعرف النواحي وهالحركات هع
وانا اقولها يومه طالعي رقبتي وكشتي فيها شي متغير
وهي تقول عسى مااخلاف وش هالحبوووب اللي فيك
عاد انا انسطلت ياربي حبوووب وانقز عند المريه واطالع ما فيه شي
وارووح عندي امي واقولها وين الحبوب يمااااااااه قالت مدري عنك انتي تقولين فيني شي متغير قلت لا يكون طلع لك حبوب والا شي
ساعتها ندمت اني سالت امي
واروووح لاختي وسالتها قالت ابد ولا شي اهات قبل سنه هي اللي الحين قدامي الا انك ...
يوم قالت الا انك ...وقف قلبي من الفرحه واقولها ايوه كملي بقمة سعادتي
الا تقولي الدووووبه سرتي شينه شوي مدري وش فيك تبدلتي الناس تحلووو وانتي تشينين
عاد تكسرت انواع انواع مجاديفي واغرق في دنياء الالم والحسره خخخخخخخخخخخخخخخخ<<<تعبير خيالي
واسئلها بتنهيده يكسوووها الحزن والحيره ما بيضت يعني ؟
وقالت وهي فاطستووون من الضحك علي ّ لا حبيبتي الدجاج بس اللي يبيض <<تتريق عليّ وخشمها
واصفقها هذاك المخمس قعدت تدووور حولين نفسها ساعه الا خمس وخمسين دقيقه خخخخهخخخخخخخخخخ<<<احسبوووها كم تطلع خخخخخخخخخ
واطلع من عندها ... وعلى طووول على المطبخ وافتح الثلاجه بكل غضب وسخريه <<<وش جاب السخريه مدري خخخخخخخخخخ
واطلع الخلطه وارميها في الزباله وانتوا بكرااامه