دونا :

بسم الله عليك رغودي بعيد الشر حفظك وتعبك وتكرارك باذن الرحمن ماراح يروح.. هذا الشيطان يخوفك ويحزنك .. ومادام فيه شي شاغلك اللي تمرين فيه عادي الاسبوع اللي فات راجعت الانعام كلها في يوم واحد حفظي لها كان جميل وكنت مبسوطة .. هالاسبوع قسمت الانعام نصفين نصف قبل عملية امي وقسم بعد وعشان بالي مشغول لخبطت كثير وغلطت كثير .. مع اني الاسبوع الماضي راجعتها بس متاكدة ان شاء الاسبوع القادم راح ارجع اسمعها افضل لان بالي بدى يصفى.. كلنا نمر بمرحلة التشويش انا لازم تجيني كل شهر مع الدورة تجيني حالة نسيان وعدم تركيز واحسب السورة راحت بعدين الاقيها موجوده كل اللي تمرين فيه عرض مؤقت.. الحين عشان نحله افضل شي راجعي بعد الفجر او اخر الليل انا فادتني اكثر من بعد الفجر سبحان الله خصوصا لما تكوني توك مصلية وجالسة على سجادتك.. ثاني شي غيري وردك ممكن تخفيفينه شوية او راجعي سور انت متمكنة منها وخذي كم اية بس من السور اللي قاعدة تحفظينها او تثبتينها واولا واخيرا لاتحزني ابدا مافيه تعب عن الله يضيع ولا جهد عن ربي يروح انت تتعاملين مع الكريم المطلوب منك تدعي وتجاهدي وتحاولي.. عدلي جدولك حسب ظروفك انا عندي اسابيع اكون جوعانه مراجعة وازيد وردي واسابيع اصير مضغوطة واقلله يعني خليك مرنة ولاتستعجلي المراجعة وظيفة العمر خليني اقول شي تدرين اني مرره اشتاق للحفظ وفرحة الحفظ.. وعارفة لما اخلص تثبيت راح اشتاق للتكرارات والتخطيط .. فخليها تاخذ وقتها .. خليها تاخذ وقتها يارغودي ولا تستعجلي ولاتحزني.. اعملي لك جدول على الجوال هالشي مررره فادني كتبت كل السور اللي حفظها لها حلو ومحتاجة معاهدة مستمرة وكل اسبوع اخذ منها واكتب لي جدول اسبوعي واحاول امشي عليه واذا خلصت سورة سجلتها في خانة معينة عندي الى ان اخلصهم كلهم بعدين ارجع امسح هالخانة واعيد.. والسور اللي لما راجعتها حسيتها مهزوزه احيان ما اسجلها وارجع اراجعها بعد اسبوع او اثنين والاقيها مشيت تمام الحمدلله لاني اعرف ان احيان الضغوط او الحالة النفسية تكون سبب.. بصراحة ما اقدر امر عليهم كلهم في اسبوع او اسبوعين احيان اخذ شهر واحيان شهرين.. المهم ماتتركي مراجعتهم وتكملي الدائرة كل ماخلصتي ترجعين لهم كانهم ختمه لحالهم .. الجدول خليه اسبوعي كل سبت اكتبي لك جدول لانك الاعلم بوضعك هذاك الاسبوع عادة جدول يشمل ورد من السور اللي حفظي لها حلو وخايفة تتفلت ومجموعة منها تكون مع حلقات المنتدى حتى اخلص كذا جزء في وقت اقصر + مراجعة لسورة غير مثبته هذه امر عليها سريع حتى لو عندي غلطات لانه راح يجي يوم واثبتها ان شاء الله بس عشان ماتصعب علي مستقبلا وهذه تقريبا الاقل في ورد الاسبوع + ورد تلاوة + ورد السور اللي اثبتها الله يوفقك يارغودي ويسعد قلبك ويهنيك ثقي بالله اولا ثم ثقي بنفسك ماشاء الله عليك انت تكررين بالنية مرة لاخلي الشيطان يهزك او يحزنك.. في التكرار انت قدوتي واثق بجهودك لاتحزني ابدا.. وتذكري عادي لو نسينا شوي هي دائرة كل سورة حنروح ونرجع لها وحنراجعها طول العمر واكيد راح يجي اليوم اللي نلاقيها ثبتت مو مهم كم من وقت ننتظر المهم نوصل

بسم الله عليك رغودي بعيد الشر حفظك وتعبك وتكرارك باذن الرحمن ماراح يروح.. هذا الشيطان يخوفك...