ام روكسانا :

غاليتي ام عزيزان اولا انا من المعجبين فيج وثانيا تسلم ايديج على الحلا الحلو طالع من احلى ام عزيزان. فديتج احنا بالسلطنه نسميه الملبنه (بتشديد الباء) ويوم كنا صغار كانت الحريم يتجمعوا في بيت قبل رمضان ويغسلون العيش (الرز) ويخلوه ينشف تحت الشمس لثاني يوم او لحد ما ينشف بعدين اييبون اداة يدجون فيها العيش والله ما ادري شو اسمها بس بالعماني انسميها ( الميجعه و المدق)هذي الاداه الحين ندق فيها الثوم والبهارات (اتيي مع الهاون ).بس اول كانت طويله ويخلون العيش داخل وبعدين الحريم يدقون العيش لين ما ينعم بعدين ينخلونه وتكون هناك حرمه ثانيه تنخل .يوم يخلصون يحطوه بعبوات ويحفظونه لشهر رمضان يسوون الملبنه او المهلبيه وينضاف له الزعفران اذا تحبي وفيه ناس تضيف له اللوبيا(اذيج الحبه البيضا اللي عليها نقطه سودا)خخخخخ ارجو انك عرفتيها وهم بعد تطلع روعه.ويا سلاااااااااام عليه وخاصه قاع الجدر يوم يحترق شوي ويكون طعمها رهيب.اليهال كانوا يتفاتنوا على الجدر بس عشان الحراق.والله ذكرتيني بالماضي. يسلمووووووووووو غناتي

غاليتي ام عزيزان اولا انا من المعجبين فيج وثانيا تسلم ايديج على الحلا الحلو طالع من احلى ام...