حلى احترت بأيش اسميه تعالوا 0000 أخذوا الطريقة

المقادير:

بسكويت دايجستف الكبير علبة وحدة
2 كوب حليب طازج
2 قشطة
8 حبات جبن كيري
جيلاتين
لوز مقطع جرائح ومحمص
الشوكلاته السايله

الطريقة:

تاخذون البسكويت تطحنونه وتضيفون له القشطة والجبن كيري وكوب ونص حليب تخلطونهم مع بعض في الخلاط حتى يتجانسون مع بعض

في نص الكوب الحليب الباقي تضيفين له الجيلاتين حتى يذوب ومن ثم تخلطينه في الخلاط مع باقي المقادير

تجيبين بايركس تدهنينه بشويت زيت في القاع وعلى الجوانب وتحطين عليه الخليط وتحطينه في الثلاجه حتى يتماسك

بعد ما تحسين انه تماسك حطي البايركس في شوية ماي حار وبعدين قلبيه في صحن التقديم
صبي صوص الشوكلاته السايله وزينيه بالوز المحمص


وبالعافية ان شاء الله تجربونه وتقولون لي رايكم