حلى الشعيرية من ايد حماتي راح تاكلون الصحون وراه....

مرحبـا بنات عندي لكم طريقة حلى الشعيرية من مطبخ حماتي ... وهي طباخة رقم 1
في عائلة زوجي ... راح أقولكم المقادير

4 أكواب حليب بودرة
5 أكواب ماء أو حسب كمية الحليب
لوز>>> يكون منقوع بساعتين في ماء وبعدها تقشريه وتقصيه بالسكين قطلع طويلة يعني بالطول وبعدين حمريه على النار مع شوية سمن, ولما تطلعيه حطيه على ورق علشان يمتص الزيت

1 كيس شعيرية >> فتتيها قطع صغيرة بس ما كثير وتحمريها على النار مع شوية سمن بس لا تحرقيها لما يصير لونها أحمر تطلعيها ووخليها على ورق حتى يمتص الزيت
فنجان ماء ورد
وشوية زعفران


الطريقة:

أول شي تحطي الحليب والماي في قدر على النار وتحركيه لحد ما يغلظ شوي... بعدين حطي الشعيرية واللوز واذا حبيتي تحطي صنوبر أو عنب جاف عادي على راحتك ... حماتي أحيانا تخلط مع اللوز عنب جاف... وبعدين حركيه وحطي الماء ورد والزعفران وخلطيه بس انتبهي لا يصير كثيف يعني خليه وسط لا خفيف ولا كثيف... وبعدين طلعيه ووزعيه على اطباق تقديم الحلويات ودخليه في الثلاجة شوي
اذا حبيتي تاكليه وهو ساخن عادي بس أنا أحب آكله لما يكون بارد طعمه يجنن....

أتمنى تجربوها وخبروني رايكـم .. صدقوني راح يعجبكــم كثييييييييير



تحيـــاتي