حلى الشعيريه الباكستانية بنت اولى ابتدائي تعرف تزينه بس انا ماعرف

هلا اختي شعيريه باكستانيه احمسيها على النار لين تشقر وحطي عليها حليب نسله الكبير صبي لين تكون متماسه وبلهنا والعافيه

وزياده على كلام الغاليه لمسات من الشوق شكليها بان تضعيها فى قوالب الثلج
وراح تعطيك شكل حلو وبالعافيه مقدما يا قلبى

1- كسريها صغاربيدك طبعا مو باطحونة
2-حطي عليها (اصبع زبدة )احلى من الزيت 1000 مرةوحمسيها عدل
3-صبي عليها علبة نستلة وحركية كويس
4-وشكليها انا احط تغليف بلاستيك في معيار الادوية مثل فيفادول وغيرة وحط الشعيرية واضغطها باصبعي ثم انزع التغليفة اسرع واحلى ويجي شكلها صغير ومرتب
اناجربت قولب الثلج بس حسيت شكلها كبير
وبالعافية عليكم

كسري الشعيريه واحمسيها مع ربع زبده وممكن تزيدين شوي على حسب كمية
الشعيريه لكن لاتكثرين وبعد ماتتشقر صبي عليها النستله حتى تتماسك وتكون
لينه شوي وارفعيها من على النار واتركيها تبرد شوي مو تبرد مره لأن اذا بردت
مره يصعب تشكيلها وشكليها حسب الرغبه ممكن بقوالب الثلج مثل ماقالت اختي
ام علاء الله يجزاها خير وممكن بغطاء الفيفادول مثل ماقالت احب الخير الله يجزاها خير
وفيه في محلات المواعين حركات حلوه تنفع لها مثل النجوم وحركات كثير تسوينها فيها او القوالب حقت المعمول يطلع شكلها حلو واذا ماعندك منها شي ممكن تكورينها او في ملعقة حليب الأطفال يطلع شكلها حركه واذا بتسوينها في غطاء الفيفادول حطي ورقة حلى قبلها واضغطيها بعدين طلعيها تاخذ شكل الورقه

مرحبا اختي ايام العمـر

مثـل ما قالوا الاخوات بالنسبه للشعيريه وانا اضيف معها مكسرات مطحونـه
كميه قليله يطلع طعمها احلـى

وبالنسبه للتشكيـل ممكن بالملعقه اللي تجي مع حليب الاطفال الرضع تعطي شكل حلو وحجم
متساوي وسهل استخدامها تحطي كميه وتضغطي عليه وتطلعيه

وبالهنا والعافيه