حلى لذيذ

مساء الخيرات والحلويات لكل الحلوات ..

هذا حلى لذيذ وشكله حلو بالمرة ويضبط بسرعة ..

في البداية نصلح كيكة الزبادي

وهذي طريقة كيكة الزبادي للي ما يعرفها :

المقادير :
2 علبة زبادي
مقدار علبة الزبادي مرتين طحين
مقدار علبة الزبادي مرة واحدة زيت
مقدار علبة الزبادي مرة واحدة سكر
3 بيضات
ملعقة بكنج باودر

تخلط المقادير بالمضرب الكهربائي ثم تصب في صينية دائرية وتدخل الفرن نصف ساعة لحد ما تنضج الكيكة ثمن نطلعها تبرد شوي

الخطوة الثانية :
المطلوب بسكويت أوريو وبسكويت أولكر اللي غلافه أحمر القديم أكيد تعرفونه اللي محشي شوكولاته

نطحن كل نوع بسكوت بلحاله بيطلع لنا مطحون الاوريو لونه بني غامق ومطحون الأولكر لونه بيج هالحين نجمل وجه الكيكه باللونين بالترتيب بحيث دائرة تكون غامقة ودائرة تكون فاتحة يارب تفهموا علي بيطلع شكلوو روعة وطعمة اروع ..

والصورة عندي بالجهاز بس مو عارفة كيف اطلعها ساعدوني عشان أوريكم اياها أكيد بتكون أوضح ..

وألف شكر للجميع ..