حلى مرتب مرتب

مرحبا يا اخواتي شلونكم
هالمرة رح اكتبلكم حلى مرتب وظريف للشتى ورمضان بس بدو شغل شوي بس الطعمة ولا أطيب ومفيد جدا
المهم وبلا طول سيرة اسمه :الحبوب
ما بعرف إذا بتعرفوة ولا لاء

-------------------
المقادير:
كأسين قمح من دون قشره مسلوق منيح
كأس فول مسلوق منيح ومنزوع قشره وممكن استعمال الفول الاخضر بس ننزع القشرة الداخلية له ولا يحتاج سلق
كأس حمص مسلوق منيح
كأس فاصولية بيضةأو حمرا مسلوقة منيح
سكر كتير
-------------------------

الطريقة :
عندما تسلقي القمح يحتاج ماء كتير اتركي المية تبعه وخليها مبحبحة شوي يعني فيه مي منيح
بعدين ضعي فوق القمح المسلوق الفول والحمص والفاصولية وحركيهم منيح وخلي النار هادية وانتظري حتى يغلوا ويشبكوا مع بعضهم منيح يعني حتى تلاقيهم صاروا مزيج واحد وكلما نقصت الماء زيديه لأن بينشف بالغلي ولا تخليه قليل المرق
بعدين حليه بالسكر حسب زوقك وبياخد سكر كتير
وبالآخير
وإذا عندك ماء زهر ضعي كم قطرة منه ثم اطفيء النار بعد دقيقة وحدة ولا تغليه كثيرا

ثم اسكبيه بزبادي وزيني الوجه بجوز الهند وقدميه ساخن أو بارد
طيب جدا جدا وقولوا شام قالتلنا
--------------------------------
ملاحظات هامة:
لا تسلقي القمح بطنجرة الضغط لأنها خطرة حيث أنه ممكن بعض قشور القمح تسد منفذ البخار و........
اسلقيه بطنجرة عادية ومعلش استحملي 3-4 ساعات حتى يستوي منيح

إذا عندك ولد صغير جربي تضعي قليل من القمح المسلوق مع سكر في الخلاط وقدميها له مفيدة وطيبة وبحبها
وإذا بدك حطيها مع الحليب
-------------------------

ملاحظة هامة أيضا :
عطوني رأيكم وما تطنشونني متل (سلطة الزيتون )..........حرام .......<IMG SRC="http://hawaaworld.com/ubb//smilies/cwm2.gif" border=0>

مرحبا شام شو اخبار الصيام معكن
تسلمي على الحلى الي مبين انو منو سهل منوب
يحليلج حتى بالحلى بدوري على الترتيب

------------------
احذر عدوك مره واحذر صديقك الف مره

أهلا دمعة شوق وشكرا لإجابتك عزيزتي
وأهلا أم عبد الرحمن من زمان ما شفناك
وميت أهلين وسهلين بيكاتشو كمان إنت ما عاد شفناك
الصيام سهل الحمد لله ما عم نحس فيه الصبح بأذن الساعة ستة إلا ربع والمغرب أربعة ونص
بس ما لي تعبانة إلا من شغل فطور رمضان اللي لازم يكون مشكل وظريف
وان شاءا لله الله بعيده عليكم جميعا بالخير واليمن والبركة
هالحلى صحي إنه بده شغل بس ممكن تختصري كتير
يعني اشتري علبة حمص مسلوقة جاهزة وكمان فول جاهز وفاصولية علب
وما بيصفى عليك سوى سلق القمح
وكمان نسيت قلكم أنه ممكن تقيمي من الطبخة شوي وتحتفظي فيهم بالفريزا يعني بعد ما بتغليهم كلهم قيمي شوي على طنجرة تانية قبل ما تحليهم وبس ليبردوا حطيهم بالفريزا
ولما بدك طالعيهم تاني مرة ضعيهم وهم مثلجون بطنجرة وزيديهم مي وسكر وبتطلع الأكلة جاهزة

تسلم ايديك يا شام على هالاكله وفعلا بدها شغل كتير