حل أكيد ويبرررررررد القلب لالتهابات الحفاظات..

مرحبا عزيزاتي ...

بنتي الله يحفظها عمرها الحين سنة ونص ...وفي بداية الاشهر تعذبت مثل كل الامهات من مشكلة التهابات الحفاظات المتكررة..وما خليت شي الا واستخدمته..بعضها يفيد بعد مدة وبعضها ما يفيد بالمرة..

الى ان نصحني أحد شياب العيلة (ريال مو حرمة تخيلو) قال استخدميلها ماي ورد
طبعا ما صدقت وخفت لان ماي الورد في ريحة

لكن بعدين توكلت على الله واستخدمته

والحمدلله يابنات والله شاهد فوقي اني استخدمه من سنة تقريبا والحمدلله بنتي مارجع صادها التهاب حفاظ حتى لما يكون فيها الله يعزكم (اسهال حاد) هم ماي الورد ماخيب ظني ..يعني اقصى شي صار لها احمرار بسيط أو بعد ما اسميه احمرار صار لون البشرة وردي شوي وبس بعدين يختفي مع استمرار استعمال ماي الورد بعد كل تغيير حفاظ ..

حبيت افيدكم لاني اعرف هذي مشكلة تتعب الأطفال وايد وتتعبنا معاهم..

انا اشتري غراش ماي الورد العادية اللي يبيعونها في كل مكان، في غراش جزاز وغراش بلاستك..انا اشتري البلاستك عشان ما تنكسر ...

وسلامتكم