حل جذري للقولون الله يسلمكم

الله يشفيك
أشربي جنزبيل
أبشري الجنزبيل الأخضر
وحطيه في ترمس وصبي عليه موية مغلية
بعد نص ساعة أشربيه
واستمري عليه يوميا لمدة أسبوع
ممتاز ينظف الجهاز الهضمي كله
الجنزبيل أقوى من الينسون

للاسف مافي علاج للقولون 😭
وانا اعاني مثلك
واالله بموت من ضيق التنفس والخفقان
ماخليت مستشفى ماجيته صرفت فلووووس
على الفاضي.وستسلمت له
بس المهم ابعدي عن الزعل ولتوتر لن هي سبب القولون

الله يعينا ويشفينا بس 🥲🥲
مثلك الحين متعبني مرره رحت للحمام تكرمين ارتحت شوي بس ولو حاليا ظهري شاد علي واسفل بطني سكاكين تنغز 😭
وقبل كم يوم متعبني اكثر اخ بس تعصبين عالبيت كله منه 😭😭
وش الحبوب اللي تاخذينها ؟
ولارحت اكشف ولاشي مدري متى اروح
سويت لي خلطه سمعتها من وحده مصريه تقول ممتازه للقولون وبجربها
بكميات متساويه
شمر
يانسون
كراويه
زعتر بري
نعناع مجفف
واللي فيه سكر يزود كتان او عاد استغني عنه
خلطتهم بعلبه وحطيتها بالفريزر وهذا انا سويت لي كوب بقوم اشربه ويارب يريحني
الله يكتب اجرنا

أبعدي عن المقالي
أبعدي عن كثرة البصل والثوم والبروكلي والزهره والاكلات اللي تجيب غازات مثلاً
القولون يزيذ اذا فيه أمساك والاكل مافيه الياف كلي سلطات وافطري على شيء خفيف مثل شوفان
لاتاكلين الاكل البايت ولاتخزنين الاكل لأكثر من يوم
ابعدي عن زبدة الفول السوداني
انا لاحظت نفسي لو آكل موز بطني على طول توجعني
ولو تشربي قهوة قبل الاكل خليها بعد الأكل ع الأقل مؤقتاً
واذا يوجعك مره خذي دوا القولون واتبعي حميه تريحك لحد مايطيب بطنك منه

اي شي اكله حار او فيه زيوت صار يجيني مغص على طول واسهال اكرمكم الله
صرف لي الدكتور حبوب استمر عليها لمدة ١٥ يوم
خف المغص شوي
والله انه متعب نفسيا وجسديا الحمد لله