حماتي تأخذ مكاني ..

أنا متزوجة لي 3 سنوات ولي طفلين :04::04: تقوم حماتي برعايتهما لي أثناء وجودي بالعمل وذلك كطلبها منذ أن وضعت مواليدي .. في بادئ الأمر كان كل شيء تمام .. بس بعدين صارت إذا بقوللها سوي كذا للأولاد ، ما تسويه وإذا قلتلها لا تسوي كذا للأولاد تسويه .. يعني تجاكرني :09: .. وما أدري كيف ربت أولادها لأنه إذا على مستوى إنه اولادي كانوا عليها حرارة بحدود 40 كانت تقولي ما فيهم شي هيهم بيلعبوا وما احلاهم .. ومقنعة الكل (اولادها وزوجها) إنها هي اللي بتفهم (يمكن اكثر وحدة بالعالم :35:) .. أوقات بسمعها بتنادي على أولادي وبتقوللهم يا ماما ، وإذا أرادت إنه تسويلهم شي أو تاخدهم مشوار تخبر زوجي وأنا ما تخبرني كأني لا أمهم ولا شي ..

حتى زوجي تحاول إنه يظل عندها أطول فترة ممكنة وإنه ياكل من عندها وإذا قال على طبخة أنا عملتها إنها زاكية تحاول تقلدها (بس ما تزبط) :7_2_103v: ..

تحاول تقلدني بكل شي حتى بتسريحة شعري واللي هي مو لعمرها أبداً .. يعني أنا متعودة أحط (جل) على شعري وهي صارت تحط زيي .. إذا قصيت شعري تقصه هي كمان .. إذا صبغته تركض تصبغه .. إذا اشتريت أي شي (ثياب أو أشياء للدار) تركض وتشتري هي كمان ..

جارتنا عمرها قريب من عمري تعرفت علي وصارت تحكي معي أكثر ما كانت تحكي معها (بحكم تقارب الأعمار والأفكار) عملت مشكلة معها ووصلتها لزوجي وزوجها وزوج جارتنا ومنعت جارتنا إنها تيجي عندي (ساكنة معنا بنفس العمارة) والسبب صدقوني كذبة منها وما في أي مشكلة ..

إذا زوجي كان يخرج يسهر وزعلت أنا واياه تطلع وتقوللي (بدك إياه يظل لازق عندك سبيه يسهر زي ما بده) ..:time:

دلوني إيش اعمل معها .. مش قادرة اطيقها بس بتحملها عشان زوجي .. وبحاول اتجنب المشاكل معها ، علماً إنها بتحاول كثير من الأوقات إنها تعمل مشاكل بيني وبين زوجي وبتعمل حالها قدامي إنها ملاك وإنها بتحبني (حُب الغولة للأولادها) .. :30: