انا يا بنات مشكلتي الصراحه مليت منها لانها تكررت معاي ومب عارفه كيف اوقفها لانها وباختصار تشترك فيها حماتي الله يحفظها هي حماتي طيبه وانا احبها مثل امي .. وتحب انها تنصحني وتساعدني في كل شي مثل بناتها بالضبط .. ولكن اخر مرتين صار معاي موقف وماعرفت اتصرف فيه وتكرر .. وهو ان خالتي من النوع اللي تحب تزيين البيت وتغيير الاثاث دايما .. يعني بيتها الستاير والزل ما يقعدون شهر يعني مب انها ترميهم بس اتغير كل فتره قصيره وتعيد تحط القديم وتغير وتشتري جديد .. من كثر ما تغير ما اتذكر اللي حطته من قبل والجديد .. المهم انا احب اهتم وارتب بيتي وازينه على ذوقى بس الفتره الاخيره ما صرت اهتم لان زوجي طلع لي سياره وانا جلست من الشغل عشان اهتم في بيتي وعيالي.. وزوجي طلعت له سفره على المانيا ورحنا معاه اناا والاولاد بس صرت رايحه جايه لاني اتملل هناك فصرت اجي اقعد عند اهلي شوي وارجع لزوجي شوي المهم كثرت علينا المصاريف الفتره الاخيره ..فخالتي لاحظت اني ماصرت اغير في البيت كثير يعني ما اشتري جديد اغير في اللي عندي فقط .. راحت شرت زل وستاير وجابتهم البيت قلت لها انا اصلا في المانيا لييه تعبين نفسك يا خاله قالت انا ما احب ؟؟ المهم انا ماقلت لها شي بس سالتها كم المبلغ واعطيتها اياه !! .. تكرر الموقف الحين وانا حاطه في بالي اشياء ثانيه اصرف فيها اللي عندي و هي الصراحه شرت لي اغراض انا في غنى عنها ؟؟ قلت لها لييه شريتي اانا مب محتاجه الحين وقت ما احتاج انا برووح اشتري لا تتعبين نفسك معي يا خاله قامت قالت انا طبعي ما احب ادخل بيت واشوف الستاير نفسها اكثر من شهر ؟؟ قلت لها طيب بس انا ما عندي المبلغ الحين قالت لي عيب تقولين كذا انا خالتك وقت ما يصير عندك ادففعو .. الصراحه انا مليت لاني كل ما حطيت في بالي شي ما اشوفها الا وداخله علي باغراض انا مب محتاجتها ؟؟ماعرف كيف اخليها ما تشتري لي لاني مب صغيره اعرف السوق واحب اني اشتري على ذوقي لان بيتي وبيتها صارو نفس الشي كانهم بيت واحد وانا احب بيتي يكون على ذوقي هذي اقل حقوقي اعتقد يا ليت يا بنات من مرت بنفس التجربه او تقول لي كيف اتصرف لان الميزانيه ما تسمح وانا ما احب الديون الصراحه وخاصه على امور تافه وفي نفس الوقت انا احب خالتي مثل امي وما بي اني اكسر بخاطرها وتفهمني غلط...!!.
يلزم عليك تسجيل الدخول أولًا لكتابة تعليق.
flower Makkah
•
الله يعينك
خلي زوجك يكلمها بلطف و يفهمها عن ميزانيتكم و رغبتكم توفرو شوية فلوس حتى تجددو كل شيئ
المهم هي طيبة و إنتو لا تخسروها فهموها حبة حبة
و إنت حاولي تستقري شوي مع زوجك و لا تنزلي غير مرة في السنة منها توفرو و منها تغلقي عليك أبواب المشاكل و منها تكوني جنب زوجك و مايتعود غيابك و غياب الأطفال
المهم هي طيبة و إنتو لا تخسروها فهموها حبة حبة
و إنت حاولي تستقري شوي مع زوجك و لا تنزلي غير مرة في السنة منها توفرو و منها تغلقي عليك أبواب المشاكل و منها تكوني جنب زوجك و مايتعود غيابك و غياب الأطفال
مشكورات ياللي رديتو علي الله يجزاكن خير ويرحم والديكم يارب .. ورمضان كريم تقبل الله طاعتكم
بس وين باقي المشاركات ابي المزيد من الردود.....؟؟؟
بس وين باقي المشاركات ابي المزيد من الردود.....؟؟؟
الصفحة الأخيرة