صبااااااااااااااااااااااااح الخييييييييييير والخيراااااات

والدنانييييييييييييييير والدولارااااااااااااااااااااااااات

ااااه على ذيج الايام

كان ابوي فديت روحه يصحينا للمدرسة ولما نصحى يقول لنا جذي

( ابوي هو امي وابوي لان امي توفت وانا صغيرة وانا متعلقة فيه وااااااااااااااايد )

ربي يحفظه لي ويخليه ياااااااااااااااااارب

البارحة رحت المستشفى وما سووا لي شي

عطوني بندول بس @@ تخيلوا

رحت للصيدلية وخذيت مسكن

الله كريم

بالنسبة لشغل البيت

من الصبح وانا اغسل لحافات وشراشف و عبايتي والشيلة وسوالف جذي

نظفت مقرنا الرئيسي

جهزت للغداء

ومسحت الاغراض كلها عن الغبار هذي طبعا يوميا اسويها

شربت لي كوب يانسون

ولدي صحى الساعة سبع ونص وغيرت له ولاعبته وعطيته حليب ورقد مرة ثانية

واليوم غدانا باذن الله صالونة دجاج مع رز ابيض

هنا وعافية جوجو ولو اني ما اعرف لهذي الطبخات لكني اشتهيتها

خبركم من اول امس بالليل وانا على السوائل

سموي .. يعطيج الله العافية قلبو

حبيبة قلبي دبدوووووبتي ..

اه من ضرسي .. ليش تذكريني خخخخخخخ

اللي يشوف يقول انا ناسية وهو مأذيني حتى بالمسكن ما يروح الالم

لكن الصج هو خف شوي مو مثل امس يمكن من المسكن

وتطمني يا خيتي انا بخير الحمدلله

وانا بعد ابي اخلص كل شغلي اليوم

لان باجر موعد لولدي بالمستشفى واكيد بنتأخر

ويوم الجمعة اروح لباباتي واجتمع مع اخواتي

السلام عليكم
كيفكم جميعا
بكتبلكم بسرعه لاني مشغوووله بطلع لبيت امي
توني خلصت شغلي غشلت ملابسنا ونظفت وكنست البيت كله وخلصت على المطبخ نظفت بناتي وجهزت اغراضنا لاني بروح لبيت امي خميس وجمعه زوجي مسافر يومين وفقلت فرصه نغير جو حنا والبنات عند امي فديتها يلا نسلم عليكم
خخخخخخخخخخخ ماسويت غداء ابو البنات مو في هو اللي يخوفنا لا راح الله يحفظه البيت دمار ماناكل ولا نسرب <<< اي هين قاعده وش كبرك يالدبه خخخخخخخخخخخخخخخخخ
مجهوله ها وصلتك رسالتي ولا للا تحياتي للجميع

مجهوله

ان شاء الله يخف عليك سنك بس غريبه ليش ما عالجوه لك ؟؟!
والله يخلي لك ابوك يارب . انا بعد امي متوفيه الله يرحمهم ويغفر لهم ويجمعنا بهم في جناته

دبتنا

ما شاء الله زين روحي وانبسطي انا بكره اروح ان شاء الله وما شاء الله عليك شكلك مررره مرتبه

انا الحمدلله خلصت ثلاث ارباع المطبخ بس ضيعت وقتي كله علشان ابي اغير ترتيبه كله ابدل واحط في الاغراض وطبعا مع الترتيب اليومي وخلصت غسيل الملابس البيضاء

مســــــــاء الخير
كيفكم ان شاء الله مبسوطات ؟؟؟
مجهوله ... سلامتك ماتشوفين شر يارب ...
سماء .. الله يكون في عونكـ وتخلصين من المطبخ
عاد انا اليوم صحيت الساعه 5 قبل الاذان دخلت المطبخ اجهز للفطور <<< سويت شكشوكه ( عسى تعرفونها )
وحليب بالشاي وبعد رحت صليت ورجعت للمطبخ نقعت جريش للغداء <<< تو متعلمه اسويه والحمدلله ضبط معي
المهم بعد ماطلعوا للمدارس رتبت وبعدين كنست البيت ومسحت الارضيات بداك المطهر وبخرت البيت على طووووول
وخلصت الغسيل ماكان كثير خلصت بدري جلست بعدها على النت وبعدها نمت من الساعه 10 الين 12 وصحيت على طوووول للمطبخ
اجهز للغداء طبعا الغداء اليوم رز بخاري + جريش وبعد صلاة الظهر دخلت المطبخ وانا اطبخ غسلت الاواني ورتبت كل شيء
مابقي الا اواني الغداء غسلتهم بنتي الله يصلحها ورتبتهم
المهم اليوم ماطلعت لان اخت زوجي سافرت عند اهل زوجها وانحبست بين ذي الجدران على النت << الاخت ماتحب تسير على الحريم
وسلامتـــــــــــــــــــــــــــــــــــكن ؛؛؛؛؛؛؛؛؛؛؛؛؛؛؛؛؛؛؛؛

مساااااااااء الورد

شلونكم حبوبات؟؟

تأخرت اليوم عليكم

لان اليوم موعد ولدي ورحنا من الصبح ورجعنا الساعة وحدة الظهر

ربي يشفيه ولا نحتاج للمستشفى ياااارب

الصبح غسلت الحمام

وخذيت لي شاور

وصحيت ولدي وحممته

ورحنا للمستشفى

ولما رجعت تغدينا ( شرينا من المطعم )

ورقدت ولدي مسكين تعبان فديت روحه

ومباشرة على الثياب اغسلهم لاني ابي اخلص كل شي اليوم باجر الجمعة ويوم جمعتنا ببيت ابوي الله يطول لنا بعمره

بعد ما يصحى حبيب قلبي راح اكنس

والحمدلله اليوم ما بسوي شغل وايد

وان شاء الله ما يطلع لي شي جديد يا رب